ຂໍ່ານັບຮັບຕ້ອນຊົມເຊີຍ “ວັນສ້າງຕັ້ງ ກອງທັບປະຊາຊົນລາວຄົບຮອບ 72 ປີ

ຂໍ່ານັບຮັບຕ້ອນຊົມເຊີຍ “ວັນສ້າງຕັ້ງ ກອງທັບປະຊາຊົນລາວຄົບຮອບ 72 ປີ

ຂໍ່ານັບຮັບຕ້ອນຊົມເຊີຍ “ວັນສ້າງຕັ້ງ ກອງທັບປະຊາຊົນລາວຄົບຮອບ 72 ປີແຫ່ງການກຳເນີດ ແລະ ເຕີບໃຫຍ່ເຂັ້ມແຂງສູ້ຮົບມີໄຊຂອງກອງທັບປະຊາຊົນລາວ 20 ມັງກອນ 1949-2021. (1) ກອງທັບປະຊາຊົນລາວ ແມ່ນກອງທັບປະຕິວັດ ແມ່ນກອງທັບປະຊາຊົນໂດຍປະຊາຊົນ ແລະ ສູ້ຮົບເພື່ອປະຊາຊົນ, ຕໍ່ສູ້ເພື່ອປົດປ່ອຍຊາດ, ປົດປ່ອຍປະຊາຊົນ ອອກຈາກແອກປົກຄອງ ການຂູດຮີດຂອງສັກດີນາ ແລະ ການຮຸກຮານຕ່າງຊາດ;(2) ນຳເອົາເອກະລາດ, ອິດສະຫລະພາບ, ອຳນາດອະທິປະໄຕມາສູ່ຊາດ ແລະ ປະຊາຊົນລາວ ພາຍໃຕ້ການຊີ້ນຳນຳພາຂອງພັກປະຊາຊົນປະຕິວັດລາວ;(3) ກອງທັບປະຊາຊົນລາວ ມີມູນເຊື້ອອັນສະຫງ່າລາສີ, ເປັນກອງທັບທີ່ມີຄວາມຈົງຮັກພັກດີຕໍ່ພັກ ແລະ ປະຊາຊົນ ຕໍ່ອຸດົມການສັງຄົມນິຍົມ, ເປັນກອງທັບທີ່ມີລະບຽບແບບແຜນທີ່ເຂັ້ມງວດ ແລະ ມີນໍ້າໃຈເສຍສະຫລະອັນສູງສົ່ງ; (4) ຍອມເສຍສະຫລະຊີວິດເພື່ອຊາດ ແລະ ປະຊາຊົນ, ມີນໍ້າໃຈສູ້ຮົບອາດຫານກ້າແກ່ນໜຽວແໜ້ນ, ມີໄຫວພິກໃນການສູ້ຮົບເຕີບໃຫຍ່ຂຶ້ນທາງດ້ານປະລິມານ ແລະ ຄຸນນະພາບ; (5) ຍິ່ງຕີຍິ່ງໄດ້ຮັບໄຊຊະນະ ຍິ່ງສູ້ຮົບກໍຍິ່ງເຕີບໃຫຍ່ເຂັ້ມແຂງ, ທົດສອບແປວໄຟສົງຄາມອັນດຸເດືອດຂ້ຽວຂາດຍຶດເຍື້ອຍາວນານ, ໄດ້ເກີດມີນັກຮົບດີເດັ່ນນັກຮົບວິລະຊົນ, ນັກຮົບແຂ່ງຂັນຢ່າງຫລວງຫລາຍ, ພ້ອມທັງມີນໍ້າໃຈດຸໜັ່ນຂະຫຍັນພຽນ ໃນການເພີ່ມພູນຜະລິດຜົນ ແລະ ປະຢັດມັດທະຍັດ; (6) ພະນັກງານນັກຮົບ ລ້ວນແຕ່ແມ່ນລູກຫລານປະຊາຊົນລາວບັນດາເຜົ່າ ຜູ້ທີ່ດຸໜັ່ນຂະຫຍັນພຽນ, ມີຈິດໃຈບຸກບືນສູ້ຊົນເພິ່ງຕົນເອງກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ;(7) ເຂົ້າຮ່ວມໃນການສ້າງສາພັດທະນາເສດຖະກິດ-ສັງຄົມ, ປັບປຸງຊີວິດການເປັນຢູ່ພາຍໃນກອງທັບ ກໍຄື ຊ່ວຍເຫລືອປະຊາຊົນໃຫ້ມີຊີວິດຄວາມເປັນຢູ່ທີ່ດີຂຶ້ນ; (8) ກອງທັບປະຊາຊົນລາວ ຍາມໃດກໍມີຄວາມສາມັກຄີອັນແໜ້ນແຟ້ນ ກັບປະຊາຊົນບັນດາເຜົ່າ, ຖືຄວາມສາມັກຄີເປັນປັດໄຈສຳຄັນ ໃນການເພີ່ມທະວີກຳລັງແຮງຂອງກອງທັບ, ສາມັກຄີພາຍໃນ ແລະ ພາຍນອກ ເຊິ່ງຄວາມສາມັກຄີ ລະຫວ່າງ ກອງທັບກັບປະຊາຊົນຄື “ປາກັບນໍ້າ”.

sienglamphong