ມາເບິ່ງການກຽມພ້ອມ ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ່ XI ພັກປະຊາຊົນປະຕິວັດລາວ 13-15 ມັງກອນ 2021 ສູນຫໍປະຊຸມແຫ່ງຊາດ ນະຄອນຫຼວງວຽງຈັນ ສປປລາວ.”

ມາເບິ່ງການກຽມພ້ອມ ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ່ XI ພັກປະຊາຊົນປະຕິວັດລາວ 13-15 ມັງກອນ 2021 ສູນຫໍປະຊຸມແຫ່ງຊາດ ນະຄອນຫຼວງວຽງຈັນ ສປປລາວ.”

ຂໍ່ານັບຊົມເຊີຍ “ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ພັກປະຊາຊົນປະຕິວັດລາວ 13-15 ມັງກອນ 2021 ສູນຫໍປະຊຸມແຫ່ງຊາດ ນະຄອນຫຼວງວຽງຈັນ ສປປລາວ.”ພັກປະຊາຊົນປະຕິວັດລາວ ແມ່ນກອງນຳໜ້າທີ່ມີການຈັດຕັ້ງ, ແມ່ນການຈັດຕັ້ງການເມືອງສູງສຸດ ຂອງຊົນຊັ້ກຳມະກອນ ແລະ ຂອງລະບອບປະຊາທິປະໄຕປະຊາຊົນລາວ, ເປັນຕົວແທນທີ່ຈົງຮັກພັກດີສະເໝີຕົ້ນສະເໝີປາຍ ຕໍ່ສິດ ແລະ ຜົນປະໂຫຍດ ຂອງຊົນຊັ້ນກຳມະກອນ, ຊາວຜູ້ອອກແຮງງານລາວບັນດາເຜົ່າ ແລະ ຂອງຊາວລາວທັງໝົດ. ພັກປະຊາຊົນປະຕິວັດລາວ ສ້າງຕັ້ງຂື້ນໃນວັນທີ 22 ມີນາ 1955 ໂດຍການສືບທອດພາລະກິດຂອງພັກຄອມມູນິດອິນດູຈີນ ເຊີ່ງແມ່ນປະທານ ໄກສອນ ພົມວິຫານ ເປັນຫຼັກແຫຼ່ງນຳພາກໍ່ຕັ້ງ, ທະນຸບຳລຸງ, ຝຶກຝົນຫຼໍ່ຫຼອມ, ກໍ່ສ້າງ ແລະ ປັບປຸງໃຫ້ໜັກແໜ້ນ ເຂັ້ມແຂງ ຢ່າງບໍ່ຢຸດຢັ້ງ.ພັກປະຊາຊົນປະຕິວັດລາວ ປະກອບດ້ວຍບຸກຄົນທີ່ຕື່ນຕົວ ຫ້າວຫັນປະຕິວັດ ດີເດັ່ນກວ່າໝູ່ ແລະ ໄດ້ຮັບຄວາມໄວ້ວາງໃຈສູງກວ່າໝູ່ໃນຊົນຊັ້ນກຳມະກອນ, ຊາວກະສິກອນ, ຊັ້ນຄົນປັນຍາຊົນ ແລະ ຊາວຜູ້ອອກແຮງງານອື່ນໃນເຜົ່າຕ່າງ ເຊີ່ງໄດ້ຜ່ານການທົດສອບໃນຂະບວນການປົກປັກຮັກສາ ແລະ ພັດທະນາປະເທດຊາດ ມີຄວາມສະໝັກໃຈເຂົ້າໃນອົງການຈັດຕັ້ງຂອງພັກ ເພື່ອສູ້ຊົນປະຕິບັດວັດຖຸຸປະສົງ ແລະ ອຸດົມການຂອງພັກຢ່າງສຸດກົກສຸດປາຍ. ວັດຖຸປະສົງຂອງພັກປະຊາຊົນປະຕິວັດລາວ ແມ່ນນຳພາປວງຊົນລາວທັງຊາດ ດຳເນີນພາລະກິດປ່ຽນແປງໃໝ່ຮອບດ້ານທີ່ມີຫຼັກການຂອງພັກ, ປົກປັກຮັກສາປະເທດຊາດໄວ້ໃຫ້ໝັ້ນຄົງ, ກໍ່ສ້າງລະບອບປະຊາທິປະໄຕປະຊາຊົນໃຫ້ບັນລຸຈຸດໝາຍຕາມສັງຄົມນິຍົມ.ພັກປະຊາຊົນປະຕິວັດລາວ ຍຶດໝັ້ນລັດທິມາກ-ເລນີນ, ແນວຄິດ ໄກສອນ ພົມວິຫານ ແລະ ມູນເຊື້ອອັນດີງາມຂອງພັກ ເປັນພື້ນຖານທາງດ້ານແນວຄິດ, ທິດສະດີຂອງພັກ, ເປັນເຂັມຊີ້ທິດໃນການຈັດຕັ້ງ ແລະ ການເຄື່ອນໄຫວຂອງພັກ. ພ້ອມກັນນັ້ນ ກໍຮັບເອົາສີ່ງຍອດຍີ່ງ, ຄວາມກ້າວໜ້າທາງດ້ານວິທະຍາສາດ, ອະລິຍະທຳອັນກ້າວໜ້າຂອງມວນມະນຸດ, ໝູນໃຊ້ບົດຮຽນຂອງຕ່າງປະເທດ ໃຫ້ແທດເໝາະກັບພຶດຕິກຳ ແລະ ເງື່ອນໄຂຕົວຈິງຂອງປະເທດເຮົາ.ພັກປະຊາຊົນປະຕິວັດລາວ ເສີມຂະຫຍາຍມູນເຊື້ອອັນດີງາມຂອງຊາດ, ນໍ້າໃຈສາມັກຄີເປັນປຶກແຜ່ນຂອງທົ່ວປວງຊົນລາວທັງຊາດ ສົມທົບລັດທິຮັກຊາດອັນແທ້ຈິງ ກັບລັດທິສາກົນອັນຜ່ອງໃສຂອງຊົນຊັ້ນກຳມະກອນ ເພື່ອກຳນົດແນວທາງ, ແຜນນະໂຍບາຍຂອງພັກ, ຍົກສູງຄວາມສາມາດ ແລະ ຄຸນນະພາບການນຳພາຂອງພັກ, ຕ້ານແນວຄິດ ແລະ ການກະທຳຫຼາຍເຄົ້າ, ຫຼາຍພັກການເມືອງ, ຕ້ານລັດທິເອກະຊົນ, ລັດທິຄຳພີຕາຍຕົວ ແລະ ລັດທິສວຍໂອກາດໃນທຸກຮູບແບບ.ພັກປະຊາຊົນປະຕິວັດລາວ ໄດ້ນຳພາປະຊາຊົນລາວບັນດາເຜົ່າ ດຳເນີນການປະຕິວັດຊາດປະຊາທິປະໄຕ ເຮັດສຳເລັດພາລະກິດປົດປ່ອຍຊາດ, ລົບລ້າງລະບອບລ່າເມືອງຂື້ນ ແລະ ສັກດີນາ, ສະຖາປະນາສາທາລະນະລັດປະຊາທິປະໄຕປະຊາຊົນລາວ ຂື້ນໃນວັນທີ 02 ທັນວາ 1975.ພັກປະຊາຊົນປະຕິວັດລາວ ເປັນພັກກຳອຳນາດ, ເປັນແກນນຳໃນລະບົບການເມືອງ ຂອງລະບອບປະຊາທິປະໄຕປະຊາຊົນ, ນຳພາປະຊາຊົນບັນດາເຜົ່າ ປະຕິບັດສອງໜ້າທີ່ຍຸດທະສາດຄື: “ປົກປັກຮັກສາປະເທດຊາດ ແລະ ກໍ່ສ້າງລະບອບປະຊາທິປະໄຕປະຊາຊົນ ຕາມຈຸດໝາຍສັງຄົມນິຍົມ”.ຜົນງານໃຫຍ່ຫຼວງພົ້ນເດັ່ນໃນໄລຍະໃໝ່ນີ້ ແມ່ນພັກໄດ້ມີຄວາມສະດຸ້ງໄວ, ຫັນປ່ຽນໃໝ່ໃນການນຳພາຂອງຕົນ ໃຫ້ສອດຄ່ອງກັບສະພາບຄວາມເປັນຈິງຂອງປະເທດຊາດ ແລະ ສາກົນ ພ້ອມດ້ວຍ: 1.ການວາງແນວທາງປ່ຽນແປງໃໝ່ຮອບດ້ານທີ່ມີຫຼັກການຂອງພັກ ເຊີ່ງສາມາດປົກປັກຮັກສາຄວາມເປັນເອກະລາດ, ອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງປະເທດຊາດໄວ້ໄດ້ຢ່າງໝັ້ນຄົງ;2.ເສດຖະກິດ-ສັງຄົມ ໄດ້ມີການຈະຫຍາຍຕົວຢ່າງຕໍ່ເໜື່ອງຕາມທິດຫັນເປັນອຸດສາຫະກຳ ຫັນເປັນທັນສະໄໝ; 3.ສິດເປັນເຈົ້າຂອງປະຊາຊົນລາວບັນດາເຜົ່າ ໄດ້ຮັຍການເສີມຂະຫຍາຍ ແລະ ເປີດກວ້າງອອກໃນສັງຄົມ; 4.ຄວາມສາມັກຄີເປັນເອກະພາຍພາຍໃນພັກ ແລະ ຄວາມສາມັກຄີເປັນປຶກແຜ່ນທົ່ວປວງຊົນລາວທັງຊາດ ນັບມື້ໄດ້ຮັບການປັບປຸງດີຂື້ນ;  5.ທີ່ຕັ້ງ, ບົດບາດອິດທິພົນຂອງປະເທດຊາດເຮົາ ໄດ້ຮັບການເຊີດຊູຂື້ນໃນເວທີສາກົນ ແລະ ພາກພື້ນ.

ພາລະກຳປະຫວັດສາດອັນໃຫຍ່ຫຼວງ, ຮອບດ້ານ, ໜັກໜ່ວງ ແລະ ຍາວນານຂອງພັກເຮົາແມ່ນ: 1.ສືບຕໍ່ຍຶດໝັ້ນແນວທາງການປ່ຽນແປງໃໝ່ຮອບດ້ານທີ່ມີຫຼັກການຂອງພັກ, ນຳພາປວງຊົນລາວທັງຊາດ ປະຕິບັດໜ້າທີ່ປົກປັກຮັກສາປະເທດຊາດ ແລະ ໝາກຜົນຂອງການປະຕິວັດໄວ້ໃຫ້ໝັ້ນຄົງ; 2.ສ້າງບາດລ້ຽວໃໝ່ໃຫ້ແກ່ການສ້າງ ແລະ ເສີມຂະຫຍາຍລະບອບປະຊາທິປະໄຕປະຊາຊົນ ຕາມຈຸດໝາຍສັງຄົມນິຍົມຢ່າງໜັກແໜ້ນ, ເຮັດໃຫ້ປະເທດຊາດມັ່ງຄັ່ງເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມມີຄວາມສາມັກຄີເປັນປຶກແຜ່ນ, ປະຊາທິປະໄຕ, ຍຸຕິທຳ ແລະ ສີວິໄລ.ຂອບໃຈພາບ: ຂາກ ໜັງສືພິມ: ປະເທດລາວ Pathedlao ຮຽບຮຽນຂ່າວ Sourioudong Sundara ແລະ ຂ່າວ ພອນໄຊ

sienglamphong