ໂຫດ!ອາຍຸ 16ປີ ດັບຊີບ ໝູ່ ຍ້ອນຍາດເງິນກັັນ ທີ່ຫຼີ້ນເກມໄດ້

ໂຫດ!ອາຍຸ 16ປີ ດັບຊີບ ໝູ່ ຍ້ອນຍາດເງິນກັັນ ທີ່ຫຼີ້ນເກມໄດ້

ໃນເວລາ 8:30ໂມງຂອງວັນທີ 08 ກຸມພາ 2021 ເຈົ້າໜ້າທີ່ ປກສ ເມືອງໄຊທານີ ໄດ້ຮັບແຈ້ງຄວາມທາງໂທລະສັບວ່າມີຄົນເສຍຊີວິດ 01 ຄົນ, ຢູ່ເຂດບ້ານດ່ານຊ້າງ ເມືອງໄຊທານີ ນະຄອນຫຼວງວຽງຈັນ

ຈາກນັ້ນ ປກສ ເມືອງໄຊທານີ ຈື່ງໄດ້ແຕ່ງຕັ້ງໜ່ວຍງານວິຊາສະເພາະ ໂດຍປະສານສົບທົບກັບພະແນກສືບຂ່າວ, ພະແນກສອບສວນ ແລະ ກອງຕຳຫຼວດນິຕິວິທະຍາ ຫ້ອງຕຳຫຼວດ ປກສ ນວ ໂດຍໄດ້ຮັບການຊີ້ນຳຢ່າງໃກ້ສິດຈາກ ກອງບັນຊາການ ປກສ ນະຄອນຫຼວງວຽງຈັນ ລົງກວດກາສະຖານທີ່ເກີດເຫດ ເຫັນວ່າ

ມີຄົນເສຍຊີວິດແທ້ ຈຶ່ງໄດ້ເກັບກຳຂໍ້ມູນ ແລະ ຊັນນະສູດຊາກສົບເຫັນວ່າຜູ້ຕາຍແມ່ນຊື່ທ້າວ ດາວປະດິດ ຫຼື ດິດ ອາຍຸ 21 ປີ, ຫວ່າງງານ ຢູ່ບ້ານດ່ານຊ້າງ ມີຮ່ອງຮອຍບາດແຜຖືກຟັນ ແລະ ແທງດ້ວຍຂອງມີຄົມຈຳນວນຫຼາຍຈຸດ ຢູ່ຕາມຫົວ ແລະ ຕົນຕົວ

ຜ່ານການສືບສວນ-ສອບສວນເອົາຂໍ້ມູນຫຼັກຖານຕາມຫຼັກການວິຊາສະເພາະຈຶ່ງສາມາດກໍານົດເປົ້າໝາຍຜູ້ກໍ່ເຫດພໍເຖິງເວລາ 11:00ໂມງ, ຂອງວັນດຽວກັນສາມາດກັກຕົວຜູ້ກໍ່ເຫດຄື: ທ້າວ ວິລະພົນ ອາຍຸ 16 ປີ, ວ່າງງານ ຢູ່ບ້ານດ່ານຊ້າງ ເມືອງໄຊທານີ ມາດຳເນີນການສືບສວນ-ສອບສວນ.

ຕາມການບອກເລົ່າຂອງຍາດຜູ້ເສຍຊີວິດວ່າ: ເຂົາເຈົ້າເປັນຫມູ່ກັນ ມື້ກໍ່ເຫດຕົວະໃຫ້ໄປສົ່ງຢູ່ເຮືອນລະຂ້າກັນກາງທາງ ຍ້ອນເລື່ອງເງິນ ພວກເຂົາຢູ່ຮ້ານເກມນຳກັນ ຫລິ້ນເຊີ(ເກມ)ໄດ້ 20ລ້ານກີບ ຫລື ວ່າ ໄດ້ແສນບາດ ລະບັກຂ້າຫັ້ນຢາກໄດ້ ກໍເລີຍລົງມືຂ້າກາງທາງ

sienglamphong