ສາວລາວ ເທິງເວທີໂລກ ປາໄສກ່ຽວກັບຜົນກະທົບຂອງການປ່ຽນແປງດິນຟ້າອາກາດ

ສາວລາວ ເທິງເວທີໂລກ ປາໄສກ່ຽວກັບຜົນກະທົບຂອງການປ່ຽນແປງດິນຟ້າອາກາດ

ມະໂນລີ ສີສະຫວັນ ເຊິ່ງເປັນຮອງອຳນວຍການ ອົງການອະນຸລັກສັດປ່າ ປະຈຳ ສປປ ລາວ ໄດ້ເປັນໂຕແທນ ໄປຮ່ວມກອງປະຊຸມ The One Young World Summit 2019 ທີ່ລອນດອນ ປະເທດອັງກິດ ໃນວັນທີ 23 ຕຸລາ ທີ່ຜ່ານມາ ແລະ ຂຶ້ນກ່າວໃນຫົວຂໍ້ຜົນກະທົບຂອງການປ່ຽນແປງດິນຟ້າອາກາດຕໍ່ສຸຂະພາບ

ໃນກອງປະຊຸມດັ່ງກ່າວ ທ່ານນາງ ແມຣີ ໂຣບິນສັນ ອະດີດປະທານາທິບໍດີ ໄອແລນ ແລະ ທັງຍັງເປັນຜູ້ກໍ່ຕັ້ງສູນ The Mary Robinson Center for Climate Justice ໄດ້ກ່າວແນະນຳ ມະໂນລີ ສີສະຫວັນ ຈາກປະເທດລາວ ໃຫ້ກັບເວທີປະຊຸມໄດ້ຮູ້ຈັກ ກ່ອນທີ່ ມະໂນລີ ຈະຂຶ້ນກວ່າປາໄສໃນຫົວຂໍ້ກ່ຽວກັບຜົນກະທົບຂອງການປ່ຽນແປງດິນຟ້າອາກາດຕໍ່ສຸຂະພາບ ໂດຍໄດ້ຍົກເອົາປະເດັນພະຍາດໄຂ້ຍຸງລາຍ ຫຼື ໄຂ້ເລືອດອອກ ທີ່ຫາກໍ່ລະບາດໜັກໃນປະເທດລາວ ຂຶ້ນມາເວົ້າ

ທັງນີ້, One Young World ເປັນອົງການຈັດຕັ້ງທີ່ບໍ່ສະແຫວງຫາຜົນກຳໄລ ທີ່ກໍ່ຕັ້ງຂຶ້ນໃນປີ 2010 ຢູ່ທີ່ປະເທດອັງກິດ ໂດຍໃນແຕ່ລະປີຈະມີການຈັດກອງປະຊຸມຂຶ້ນທີ່ເອີ້ນວ່າ The One Young World Summit ເປັນການຮວບຮວມເອົາບັນດາໄວໜຸ່ມທີ່ມີແນວຄິດຄວາມເປັນຜູ້ນຳ ຈາກຫຼາຍ 100 ປະເທດໃນທົ່ວໂລກ ເພື່ອມາແລກປ່ຽນສົນທະນາກັນກ່ຽວກັບບັນຫາ ແລະ ສິ່ງທ້າທາຍທີ່ພວມເກີດຂຶ້ນໃນທົ່ວໂລກ ເຊິ່ງກອງປະຊຸມໃນປີນີ້ແມ່ນຈັດຂຶ້ນຢູ່ທີ່ລອນດອນ ປະເທດອັງກິດ

sienglamphong