ແຮ່ນນ້າ ຕົວແທນປະເທດລາວຄົນທໍາອິດໄປປະກວດ Miss Asia Global ທີ່ປະເທດອິນເດຍ

ແຮ່ນນ້າ ຕົວແທນປະເທດລາວຄົນທໍາອິດໄປປະກວດ Miss Asia Global ທີ່ປະເທດອິນເດຍ

ຫຼັງຈາກສາວ ແຮ່ນນ້າ ໄດ້ຮັບລາງວັນຮອງອັນດັບ 2 ໃນໂຄງການປະກວດ Miss Teen Laos 2019 ກໍໄດ້ຖືກແຕ່ງຕັ້ງໃຫ້ເປັນຕົວແທນສາວງາມເຂົ້າຮ່ວມການປະກວດ Miss Asia 2019 ທີ່ປະເທດອິນເດຍ

ກອງປະກວດມິສທີນລາວ ໃຫ້ຮູ້ວ່າ: ໄດ້ສົ່ງ ນາງ ແຮ່ນນ້າ ໂລເຊັ່ນບູ້ມ ຫຼື ແຮ່ນນ້າ ອາຍຸ 18 ປີ ປັດຈຸບັນຢູ່ບ້ານທົ່ງກາງ ເມືອງສີສັດຕະນາກ ຮຽນຢູ່ໂຮງຮຽນວຽງຈັນພັດທະນານາໆຊາດ ມ 7 ແລະ ເປັນຮອງອັນດັບ 2 Miss Teen Laos 2019 ເປັນຕົວແທນສາວລາວໄປປະກວດ Miss Asia 2019 ທີ່ປະເທດອິນເດຍ ໂດຍເລີ່ມເກັບຕົວໃນວັນທີ 25 ຕຸລາ 2019 ນີ້ ແລະ ມີຕົວແທນເຂົ້າຮ່ວມກວ່າ 40 ປະເທດ

ເຕີມເຕັມໄປດ້ວຍຄວາມອົບອຸ່ນ ຈາກທີມງານ, ຫມູ່ເພື່ອນ ແລະ ແຟນໆທີ່ມາໃຫ້ກຳລັງໃຈ ແຮ່ນນ້າ ໂລເຊັ່ນບູ້ມ ຫຼື ແຮ່ນນ້າ Hannah Rosenbloom ຮອງອັນດັບ 2 Miss Teen Laos 2019 ຕົວແທນປະເທດລາວໄປປະກວດ Miss Asia Global 2019 ທີ່ປະເທດອິນເດຍ

ສໍາລັບການປະກວດ Miss Asia 2019 ນີ້ແມ່ນຈະຈັດຂຶ້ນໃນວັນທີ 1 ພະຈິກ 2019 ແລະ ສາວແຮ່ນນ້າ ຈະເຂົ້າຮ່ວມເກັບໂຕກັບຫມູ່ໆສາວງາມຕັ້ງແຕ່ມື້ທີ່ໄປຮອດຈົນເຖິງຮອບສຸດທ້າຍ ນັບວ່າເປັນຄົນທໍາອິດປີທໍາອິດເລີຍທີ່ລາວສົ່ງຕົວແທນເຂົ້າຮ່ວມປະກວດ ຮ່ວມເຊຍແລະໃຫ້ກຳລັງໃຈ ນ້ອງແຮ່ນນາ ໃນເວທີປະກວດ Miss Asia 2019 ໄດ້ເລີຍ

ແຮ່ນນ້າ ອາຍຸ 18 ປີ ປັດຈຸບັນຢູ່ ບ້ານ ທົ່ງກາງ ເມືອງ ສີສັດຕະນາກ ຮຽນຢູ່ໂຮງຮຽນ ວຽງຈັນພັດທະນາ ນານາຊາດ ມ7, ຫຼາຍຄົນຄົງເຄີຍເຫັນຜົນງານການສະແດງຂອງແຮ່ນນ້າມາແລ້ວໃນຊີຣີ້ ຮັກນີ້ສີບົວ 1, Dairy love season 1&2, ມິວສິກເພງ ມ 7

ເເຮ່ນນ້າ ເຄີຍຜ່ານໂຄງການປະກວດຮ້ອງເພງ, ເເລະ ໂຄງການ Sofy contest ໄດ້ຮັບລາງວັນຮອງຊະນະເລີດ 4, ຜົນງານດ້ານບັນເທີງມີ ຮັກນີ້ສີບົວ season 1, Dairy love season 1&2, Sofy girl diary, ຫຼ້າສຸດ ກໍໄດ້ຮອງອັນດັບ 2 ມິສທີນລາວ 2019

ເຄັດລັບໃນການຮັກສາສຸຂະພາບ ແລະ ຮ່າງກາຍຂອງເເຮ່ນນ້າຄືດື່ມນໍ້າຫຼາຍໆ, ກິນອາຫານທີ່ມີປະໂຫຍດ ເເລະ ຫຼີ້ນກິລາ, ເວລາຫວ່າງຂອງເເຮ່ນນ້າຈະບໍ່ຄອຍມີ ເພາະເປັນຄົນຢູ່ລ້າໆບໍ່ໄດ້ ຕ້ອງໄດ້ຊອກເເນວເຮັດຕະຫຼອດ ເຊັ່ນ: ເຕັ້ນ, ຮ້ອງເພງ, ຫຼິ້ນກິລາ,ເເລະ ອີກຫຼາຍຢ່າງ

ຜູ້ຊາຍໃນສະເປັກບໍ່ຄອຍມີ ເເຕ່ຖ້າມີເເຮ່ນນ້າມັກຄົນທີມີຄວາມເປັນຜູ້ນຳ, ເວົ້າຈາມ່ວນ, ນິໄສດີ ເເຕ່ຖ້າຮູບຮ່າງຈະມັກຄົນບ່າກວ້າງ, ບໍ່ມັກຄົນມີກ້າມ 55!!!, ສໍາລັບເປົ້າໝາຍໃນອະນາຄົດຂອງ ເເຮ່ນນ້າຄືຢາກໃຫ້ຄອບຄົວຢູ່ສະບາຍ, ເປັນຄົນດີ ແບບຢ່າງທີ່ດີໃຫ້ກັບສັງຄົມ

ຄວາມສາມາດພິເສດທີ່ ສາວ ແຮ່ນນ້າ ຈະນໍາໄປສະແດງໃນມື້ປະກວດແມ່ນຮ້ອງເພງ ແລະ ການເຕັ້ນ ເນື່ອງຈາກວ່າເປັນສິ່ງທີ່ຖະໜັດ, ສ່ວນຊຸດປະຈໍາຊາດທີ່ທາງກອງປະກວດ Miss Teen Laos ໄດ້ຈັດກຽມໄວ້ໃຫ້ແມ່ນຊຸດລາວຫຼວງພະບາງ ທີ່ຄົງເອກະລັກຄວາມເປັນຫຼວງພະບາງແທ້ໆ ໂດຍໄດ້ຮັບການສະໜັບສະໜູນຈາກ ຮ້ານ ແທນຮັກ ເພື່ອນໍາເອົາເອກະລັກຄວາມເປັນລາວໄປເຜີຍແຜ່ໃຫ້ຕ່າງຊາດໄດ້ຮັບຮູ້ ແລະ ເຫັນເຖິງວັດທະນະທໍາອັນດີງາມຂອງຊາດລາວ

ສາມາດຕິດຕາມ ແລະ ຮ່ວມເຊຍ ສາວນ້ອຍ ແຮ່ນນ້າ ໄດ້ທາງເພຈ໌ Miss Teen Laos 2019 ຫຼື ສາມາດຕິດຕາມຂໍ້ມູນ – ຂ່າວສານໃນເຟສບຸ໊ກສ່ວນຕົວ Hannah Rosenbloom

sienglamphong