ຄຸນປະໂຫຍດຂອງ ມັນເພົາ ສາມາດຊ່ວຍແກ້ຄວາມດັນໂລຫິດສູງ

ຄຸນປະໂຫຍດຂອງ ມັນເພົາ ສາມາດຊ່ວຍແກ້ຄວາມດັນໂລຫິດສູງ

ລໍາຕົ້ນມີຂົນ, ເປັນພືດປະເພດເຄືອ, ແຕ່ບໍ່ມີືເກາະ, ລໍາຕົ້ນອາດຍາວໄດ້ເຖິງ 5.5 ມ, ຕົ້ນບໍ່ແຕກຂະແໜງ, ກົກຕົ້ນໄມ້ເນື້ອແຂງ, ມີຫົວຢູ່ໃຕ້ດິນເປັນຮາກສະສົມອາຫານ, ຫົວມີລັກສະນະໃຫຍ່, ຫົວມີສີນໍ້າຕານ ໃນໜຶ່ງຕົ້ນຈະມີຫົວພຽງຫົວດຽວ, ເນື້ອໃນເປັນສີຂາວຂຸ່ນ, ມີເສັ້ນໃຍອາຫານຫຼາຍ, ລົດຊາດຄ້າຍຄືແປ້ງ.

ໃບເປັນໃບປະສົມແບບຂົນນົກ, ມີໃບຍ່ອຍ 3 ໃບ, ແຕກຈາກກ້ານໃບອອກລຽງສະລັບ, ກ້ານຍາວ 10 ຊມ, ລັກສະນະຂອງໃບຍ່ອຍເປັນຮູບຈັກໃຫຍ່ ຫຼື ຮູບສາມຫຼ່ຽມ, ປາຍໃບແຫຼມ, ແຜນໃບລຽບແຕ່ສາກມື, ໃບມີຂະໜາດກວ້າງ 10 ຊມ. ດອກເປັນຊໍ່ຈະອອກອກດ່ຽວໆຢູ່ງ່າມໃບ, ມີຂົນສີນໍ້າຕານ, ຊໍ່ດອກຍາວ 15-30 ຊມ, ລັກສະນະເປັນຮູບດອກຖົ່ວ ຫຼື ຮູບໄຕ, ກີບດອກເປັນສີມ່ວງແກມສີນໍ້າເງິນ, ສີບົວ ຫຼື ສີຂາວ, ເມື່ອດອກບານຈະມີຮູບຮ່າງຄ້າຍຄືດອກແຄ ແຕ່ມີຂະໜາດນ້ອຍກວ່າ ແລະ ຍາວ 2 ຊມ.

ອອກໝາກເປັນຝັກ ລັກສະນະຂອງຝັກເປັນຮູບຂອບຂະໜາດ, ແປ ແລະ ມີຂົນປົກຄຸມທົ່ວທັງຝັກ, ຝັກກວ້າງ 1 ຊມ ແລະ ຍາວ 7-15 ຊມ, ຝັກເມື່ອແກ່ຈະລຽບ, ໃນຝັກຈະມີແກ່ນລຽງກັນ 4-10 ແກ່ນ

ປະໂຫຍດ:
– ໝາກມັນເພົາສາມາດຮັບປະທານໄດ້ ໂດຍນໍາມາໃຊ້ຕົ້ມ ຫຼື ປຸງເປັນອາຫານທັງຄາວ ແລະ ຫວານ, ສາມາດຮັບປະທານສົດໆໄດ້.
– ສ່ວນໝາກອ່ອນ ຫຼື ແກ່ນອ່ອນ ໃຊ້ຮັບປະທານເປັນຜັກສົດຄູ່ກັບຕໍາສົ້ມ.
– ໃບນໍາໄປສອຍໃຫ້ມຸນລະອຽດ, ຕາກໃຫ້ແຫ້ງ ແລ້ວນໍາໄປຮອງກົ້ນຫຼຸມທີ່ໃຊ້ປູກພືດຕ່າງໆ

ສັບພະຄຸນ:
– ມັນເພົາອຸດົມໄປດ້ວຍກົດໂຟລິກທີ່ມີສ່ວນຊ່ວຍຄວບຄຸມບໍ່ໃຫ້ຫຼອດເລືອດຫົວໃຈຕີບ, ຊ່ວຍເຮັດໃຫ້ເລືອດໄຫຼວຽນໄປລ້ຽງກ້າມເນື້ອຫົວໃຈໄດ້ດີ.
– ມັນເພົາມີວິຕາຊີ (ແຕ່ບໍ່ຫຼາຍ) ແຕ່ມັນກະຊ່ວຍປ້ອງກັນຫວັດ, ມະເຮັງ ແລະ ຕ້ານອະນຸມຼນອິດສະຫຼະ.
– ຊ່ວຍແກ້ອາການເຈັບຫົວ, ໜ້າແດງ

– ໃບມັນມີສັບພະຄຸນເປັນຢ່າຖ່າຍແມ່ທ້ອງ.
– ຊ່ວຍແກ້ຄວາມດັນໂລຫິດສູງ.
– ໃບມີສັບພະຄຸນໃຊ້ໃນການຮັກສາພະຍາດຜິວໜັງ.

ສາລະໜ້າຮູ້