ຍິງສາວຂໍເລີກກັບແຟນຫນຸ່ມຫລັງຮູ້ວ່າຕົວເປັນມະເຮັງ ແຕ່ແຟນຫນຸ່ມກັບຂໍລາວແຕ່ງງານແທນ

ຍິງສາວຂໍເລີກກັບແຟນຫນຸ່ມຫລັງຮູ້ວ່າຕົວເປັນມະເຮັງ ແຕ່ແຟນຫນຸ່ມກັບຂໍລາວແຕ່ງງານແທນ

ບໍ່ວ່າເຈົ້າຈະເປັນໃຜມາຈາກໃສ ລ່ຳລວຍ ຫຼື ຍາກຈົນສຳໃດ ທຸກຄົນຈະຕ້ອງເຈີກັບອາລົມຂັນທີ່ົວບໍ່ອອກຂອງຊີວິດກັນທຸກຄົນ ເຊັ່ນດຽວກັບຍິງສາວຄົນນີ້ ຜູ້ເບີກບານດ້ວຍຄວາມຮັກກັບແຟນຫນຸ່ມ ກ່ອນຈະເຈີຊີວິດທີ່ບໍ່ເຄີຍຄິດວ່າຈະເກີດຂື້ນ

ຈິລລຽນ ແອນສັນ ຍິງສາວຈາກນິວເຈີຣ໌ຊີຢ໌ ສະຫະລັດອາເມຣິກາ ມີຊີວິດທີ່ສຸກສົມຢ່າງທີ່ໃຜຫລາຍຄົນຄຸ້ນເຄີຍ ລາວຄອງຮັກກັບແຟນຫນຸ່ມ ແມກຊ໌ ອາລີເກຣຕິ ມາດົນກວ່າ 3 ປີແລ້ວ ຄວາມຮັກຂອງທັງຄູ່ສຸກງອມໄດ້ທີ່ ຈົນຜົນກວດສຸຂະພາບຂອງຈິລລຽນເຜີຍອອກມາວ່າ ລາວເປັນມະເຮັງເຕົ້ານົມໄລະຍະທີ່ 2 ແລະ ຕ້ອງເຂົ້າຮັບການຮັກສາຢ່າງເຂ້ມງວດ ຂ່າວນີ້ເຮັດໃຫ້ໂລກທັງໃບຂອງລາວແຕກສະຫຼາຍລົງໄປພິບຕາ ແຜນການທີ່ວາດຝັນໄວ້ມີອັນຕ້ອງຫາຍໄປທັນທີ

ຢ່າງທຳອິດທີ່ລາວຄິດຄື ຈະເປັນການດີຕໍ່ທັງສອງຝ່າຢຖ້າລາວ ແລະ ແມກຊ໌ເລິກກັນ ປ່ອຢໃຫ້ແມກຊ໌ໄປມີຊີວິດທີ່ດີກວ່ານີ້ໂດຍບໍ່ຕ້ອງມາຄອຍເບິ່ງແຍງລາວໃຫ້ເປັນພາລະຫນັກຊີວິດລ້າໆ ໂດຍລາວສັນຍາວ່າຈະບໍ່ຄຽດບໍ່ຮ້າຍແມກຊ໌ເລີຍ ແຕ່ແທນທີ່ເຂົາຈະເລືອກທາງເດີນແສນງ່າຍແລ້ວໄປຈາກຊີວິດຂອງຈິລລຽນເພື່ອອນາຄົດທີ່ດີກວ່າກັບຍິງອື່ນ ແມກຊ໌ກັບຢືນຢັນວ່າຈະຢູ່ກັບລາວໄປຕະຫລອດການໃຫ້ຄີໂມທີ່ກິນເວລາດົນກວ່າ 2 ປີນີ້

ໃນລະຫວ່າງນັ້ນ ຈິລລຽນເຕັມໄປດ້ວຍຄວາມຮູ້ສຶກສັບສົນວ່າເຫດໃດແມກຊ໌ຖຶງບໍ່ເຮັດຕາມທີ່ລາວບອກ ເປັນຫຍັງຈຶ່ງບໍ່ຖິ້ມລາວໄປແລ້ວໄປມີຊີວິດທີ່ດີກວ່າ ເປັນຫຍັງຕ້ອງມາຢູ່ກັບຄົນເປັນມະເຮັງທີ່ບໍ່ຮູ້ຈະລອດຫຼືບໍ ຄຳວ່າເປັນຫຍັງຜຸດຂຶ້ນມາເປັນຮ້ອຍຄຳໃນຫົວຂອງຈິລລຽນ ແຕ່ກັບແມກຊ໌ນັ້ນກົງກັນຂ້າມ ເຂົາຄອຍດູແລຈິລລຽນບໍ່ຫ່າງ ແລະ ຍິ່ງງເພິ່ມພູນຄວາມຮັກຂອງເຂົາໃຫ້ຫຼາຍຍິ່ງຂຶ້ນໄປອີກ ຈົນເຮັດໃຫ້ຈິລລຽນຮູ້ສຶກຜິດທີ່ໄລ່ເຂົາໄປໃນຕອນທຳອິດ

ຈົນຮອດວັນສຸດທ້າຍຂອງການເຮັດຄີໂມ ແມກຊ໌ຈຶ່ງຈັດເຊີໄພຣສ໌ຊຸດໃຫຍ່ໃຫ້ຈິລລຽນດ້ວຍການຂໍລາວແຕ່ງງານທັນທີ ສ້າງຄວາມປະທັບໃຈແກ່ທຸກຄົນທີ່ຢູ່ບ່ອນນັ້ນເປັນຢ່າງຫຼາຍ ສ່ວນຈິລລຽນຮູ້ສຶກຊາບຊຶ້ງຕໍ່ແມກຊ໌ຫຼາຍ ແລະ ລາວກໍ່ໄດ້ຕອບຕົກລົງໃນທີ່ສຸດ ພາຍຫລັງແມກຊ໌ມາເຜີຍຄວາມຈິງວ່າ ລະຫວ່າງທີ່ຈິລລຽນເຮັດຄີໂມຢູ່ນັ້ນ ແມກຊ໌ໄດ້ວາງແຜນຈະຂໍແຕ່ງງານຕັ້ງແຕ່ທຳອິດ

ໂດຍເຂົານຳເື່ອງລາວຂອງຈິລລຽນໂພສລົງໂຊຊຽວຈົນມີຜູ້ຄົນເຂົ້າມາສະແດງຄວາມຄິດເຫັນເປັນຈຳນວນຫຼາຍ ແລະ ມັນໄດ້ໄປສະດຸດຕາລໍເຣນ ເກຣນຊ໌ ເວດດິ້ງແພລນເນີຣ໌ຝີມືສະກາດຈົນໄດ້ຕິດຕໍ່ມາຫາແມກຊ໌ເພື່ອຂໍຈັດງານແຕ່ງງານໃຫ້ທັງສອງຄົນແບບຟຣີໆ

ບົດສະຫຼຸບເລື່ອງລາວທັງຫມົດຈົບລົງທີ່ຈິລລຽນ ແລະ ແມກຊ໌ ໄດ້ເຂົ້າພິທີວິວາຮັກກັນໄປເມື່ອວັນທີ່ 18 ຕຸລາທີ່ຜ່ານມາ ທ່າມກາງເພື່ອນສະນິດແລະຄອບຄົວທັງສອງຝ່າຍທີ່ມາຮ່ວມເປັນສັກຂີພະຍານຮັກ ຈິລລຽນບໍ່ຄາດຝັນເລີຍວ່າລາວຈະມີວັນນີ້ ຈຶ່ງໄດ້ນຳເລື່ອງລາວຂອງລາວມາເຜີຍແຜ່ລົງໂຊຊຽລມິເດຍເພື່ອເປັນກຳລັງໃຈໃຫ້ກັບທຸກຄົນທີ່ຍັງທໍ້ແທ້ກັບໂຊກຊະຕາເພື່ອໃຫ້ມີພະລັງສູ້ຕໍ່ໄປ

ເລື່ອງເລົ່າຊິວີດຈີງ