ຊາຍໃດເຊື່ອຟັງຄວາມເມຍຕົວເອງ ຊາຍຜູ້ນັ້ນມັກຈະຈະເລີນ ຊີວິດຮຸ່ງເຮືອງ ຄອບຄົວມີຄວາມສຸກ

ຊາຍໃດເຊື່ອຟັງຄວາມເມຍຕົວເອງ ຊາຍຜູ້ນັ້ນມັກຈະຈະເລີນ ຊີວິດຮຸ່ງເຮືອງ ຄອບຄົວມີຄວາມສຸກ

ເປັນອີກຫນຶ່ງບົດຄວາມທີ່ຫນ້າສົນໃຈ ເມື່ອຫລາຍຄົນບອກວ່າ ການຖືກເມຍຈົ່ມ ເປັນລາບອັນປະເສີດ ເປັນປະໂຫຍກທີ່ໄດ້ຍິນຕະຫຼອດ ຈາກລຸ່ນອ້າຍຄົນຫນຶ່ງໄດ້ກ່າວໄວ້ເປັນປະຈຳ ຫລັງຈາກທີ່ເມຍໂທມາຫາດົນໆ ບໍ່ຮູ້ວ່ລົມຫຍັງກັນ ແຕ່ພໍກັບມາກໍ່ຈະກ່າວຄຳນີ້ສະເຫມີ

ຄຳຖາມນີ້ມີຜູ້ຕອບຫລາຍທາງ ຂໍຫຍິບຍົກມາເລົ່າໃຫ້ຟັງ ເພື່ອເປັນການແລກປ່ຽນຄວາມຄິດເຫັນ ແລະ ປະກອບການຕັດສິນໃຈ ຂອງພໍ່ບ້ານຕໍ່ໄປ ນອກຈາກນີ້ບົດຄວາມນີ້ ຍັງຈະກ່າວເຖິງປະໂຫຍດຂອງການຈົ່ມອີກດ້ວຍ ບອກເລີຍວ່າ ຄິດບໍ່ເຖິງແນ່ນອນເປັນຫຍັງເຖິງຍ້ານເມຍ

ມີຄົນຫນຶ່ງຕອບວ່າ ເພາະເຂົາເປັນຕາຍ້ານແລ້ວເພື່ອນສະມາຊິກກໍ່ຫົວກັນທັງວົງບໍ່ຮູ້ເປັນຕາຍ້ານແບບໃດ ອັນນີ້ຕ້ອງບັນຍາຍຕໍ່ ມີອີກຄົນຫນຶ່ງຕອບອີກວ່າບໍ່ໄດ້ເປັນຕາຍ້ານດອກ ແຕ່ເກງໃຈເຮົາເກງໃຈເຂົາ ຍົກຍ້ອງເຂົາແລ້ວກໍ່ມີສ່ຽງໂຮ່ກັນທັງວົງອີກລ່ະ ໃນຂະນະດຽວກັນເມຍທີ່ນັ່ງຂ້າງໆ ກໍ່ຍິ້ມໃຫ້ກັບຄຳຕອບອີກຫນຶ່ງຄຳຕອບ

ບອກວ່າຍ້ານເມຍເພາະ ພໍ່ພາຍ້ານ ອ້າຍພາຍ້ານ ຫມູ່ພາຍ້ານ ຮູ້ສຶກວ່າຄຳຕອບນີ້ຄົນຟັງໃນຂະນະນັ້ນ ປົບມືໃຫ້ສຽງດັງ ຄົນຫນຶ່ງຕອບວ່າ ຍ້ານເມຍແລ້ວຈະຈະເລີນອັນນີ້ແທ້ເດີ ຂ້ອຍຂໍຍືນຍັນ ເຊື່ອຂ້ອຍຂ້ອຍຮຽນມາເນັ້ນສຽງຄົນຟັງຕ່າງຍົກນິ້ວຫົວແມ່ມືໃຫ້

ສ່ວນອີກຄົນຫນຶ່ງຕອບວ່າ ເພາະເຂົາຈົ່ມເກັ່ງ ຈົ່ມໃຫ້ຂ້ອຍແບບຕໍ່ເນື່ອງ ບໍ່ຫຍຸດໄປໄສກໍ່ຈົ່ມໃຫ້ຂ້ອຍ ຍັງບໍ່ພໍ ຈົ່ມໃຫ້ຫມາແມວນຳອີກ ຊຶ່ງສ້າງຄວາມຕົກຕະລຶງໃຫ້ຜູ້ຟັງໃນຂະນະນັ້ນຫຼາຍ ຕ່າງແລກປ່ຽນຄວາມຄິດເຫັນວ່າເມຍຂອງເຮົາຈົ່ມເກັ່ງຂຶ້ນທຸກມື້ ແຕ່ກ່ອນບໍ່ເຫັນຈະຈົ່ມເລີຍ ອັບເລເວລຕະຫລອດ ກໍ່ເພາະເຂົາຄົງຫ່ວງເຮົາ

ເຂົາຄົງຢາກໃຫ້ເຣົາມີຄວາມສຸກຢາກໃຫ້ຄອບຄົວມີຄວາມສຸກຢາກໃຫ້ຜົວ ປະຕິບັດຕົວດີໆ ແລະ ອີກຫລາຍເຫດຜົນຕ່າງໆ ທີ່ແລກປ່ຽນກັນ ຊຶ່ງແນ່ນອນ ການຈົ່ມນັ້ນ ມີປະໂຫຍດຫລາຍຢ່າງເຊັ່ນ ການຈົ່ມເປັນການສະແດງເຖິງໄວຍະວຸດ ຊຶ່ງຈະມີຄຳເວົ້າໃຫ້ໄດ້ຍິນມາຕະຫລອດວ່າ ຄົນແກ່ນັ້ນຂີ່ຈົ່ມ

ດັ່ງນັ້ນ ເຮັດໃຫ້ເຮົານຶກໄດ້ວ່າ ອາຍຸຫຼາຍແລ້ວ ຄວນດູແລຕົວເອງຫຼາຍຂຶ້ນເຮັດສິ່ງທີ່ມີປະໂຍດການຈົ່ມເປັນການເຮັດຫນ້າທີ່ ໃນການປົກປ້ອງ ແລະ ປ້ອງກັນສິ່ງຕ່າງໆ ທີ່ບໍ່ດີໃນຄອບຄົວບໍ່ໃຫ້ເກິດຂຶ້ນ ຄືຄຳເວົ້າທີ່ບອກຜົວວ່າ ຂ້ອຍເຕືອນເຈົ້າແລ້ວເດີເປັນການບໍລິຫານສະຫມອງໃຫ້ຄິດໄດ້ເຮັດວຽກຕະຫລອດ ເຮັດໃຫ້ຄວາມຈຳດີ ບໍ່ຫລົງລືມ ເພາະຫາເລື່ອງຄິດຢ່າງສ້າງສັນມາວົ້າໄດ້ຕະຫລອດ

ການຈົ່ມເປັນການບໍລິຫານໃບຫນ້າອອກກຳລັງກາຍກ້າມເນື້ອໃບຫນ້າ ເຮັດໃຫ້ດູອ່ອນກວ່າໄວບໍ່ມີລິ້ວລອຍ ເບິ່ງເດັກຂຶ້ນ ສວຍວັນສວຍຄືນອີກດ້ວຍ ການຈົ່ມ ເປັນການຜ່ອນຄາຍ ຄາຍຄຽດມີເລື່ອງຫຍັງຫນັກໆ ກໍ່ໄດ້ເວົ້າ ໄດ້ລະບາຍ ການຈົ່ມເປັນການໃຊ້ສຽງເວົ້າຕະຫລອດເວລາ ປຽບຄືສຽງເພງ ເຮັດໃຫ້ຜົວບໍ່ເຫງົາ

ການຈົ່ມຊ່ວຍສ້າງຈິນຕະນາການ ເພາະຈາກພາບທີ່ເຫັນ ເດົາເຫດການຈາກຜົວ ກໍ່ສາມາດເລົ່າເປັນເລື່ອງລາວໄດ້ ຄືດັ່ງໃນລະຄອນ ຈຶ່ງຖືເປັນການສ້າງຈິນຕະນາການໄດ້ຢ່າງດີູ້ແບບນີ້ ຜົວຫຼືຄພໍ່ບ້ານທັງຫລາຍຄວນດີໃຈ ເພາະການທີ່ເມຍຈົ່ມມີປະໂຫຍດຫຼາຍແບບຄາດບໍ່ເຖິງ ດີຕໍ່ສຸຂະພາບ ແລງນີ້ຮີບກັບເຮືອນໄປບອກໃຫ້ເມຍຈົ່ມເລີຍເດີ ດັ່ງຄຳວ່າ ຮັກ ດອກຈຶ່ງໃຫ້ຈົ່ມ

ເລື່ອງເລົ່າຊິວີດຈີງ