ຕຳຫລວດໄທ ຈັບ ຍິງສາວຊາວລາວຖິ້ມຊາກສົບລູກລົງຖັງຂີ້ເຫຍື້ອ

ຕຳຫລວດໄທ ຈັບ ຍິງສາວຊາວລາວຖິ້ມຊາກສົບລູກລົງຖັງຂີ້ເຫຍື້ອ

ຫົດຫູ່ໃຈຖິ້ມຊາກສົບລູກຕົວເອງລົງຖັງຂີ້ເຫຍື້ອຕຳຫລວດໄທ ຈັບຍິງສາວຊາວລາວ ຖິ້ມຊາກສົບລູກລົງຖັງຂີ້ເຫຍື້ອອ້າງວ່າ ລູກເສຍຊີວິດເອງ ແຕ່ຕຳຫລວດພົບອາດເປັນການຄາດຕະກຳ ເລີຍແຈ້ງຂໍ້ຫາຫນັກທັນທີ. ວັນທີ່ 15 ພະຈິກ 2021 ພົນ ຕຳ ຫລວດຕີ ພອນໄຊ ຂະຈອນກິ່ນ(พล.ต.ต พรชัย ขจรกลิ่น) ຜູ້ບັງຄັບບັນຊາ: ກອງບັງຄັບການຕຳຫລວດນະຄອນບານ4 ເປີດເຜີຍວ່າ ທາງຕຳຫລວດ ສນ.ຫົວຫມາກ ໄດ້ກັກຕົວຍິງສາວອາຍຸ 30 ປີ ສັນຊາດລາວ ຫລັງໄດ້ກໍ່ເຫດຖິ້ມຊາກສົບເດັ ກນ້ອຍລົງຖັງຂີ້ເຫຍື້ອ

ພາຍໃນຊອຍຣາມຄຳແຫງ42 ແຂວງຫົວຫມາກ ເຂດບາງກະປິ ກຣຸງເທບມະຫານະຄອນ( ໄທ )ເມື່ອວັນທີ່ 6 ພະຈິກ 21 ຫລັງເກີດເຫດຕຳຫລວດໄດ້ໄລ່ກ້ອງວົງຈອນປິດຈົນນຳໄປສູ່ການຈັບກຸມຕົວຍິງຄົນນີ້ໄດ້ໃນທີ່ສຸດ. ທາງພັນຕຳຫລວດ ເອກວິໄຊ ນະຣົງ(พ.ต.อ. วิชัย ณรงค์) ຜູ້ກຳກັບການ ສນ. ຫົວຫມາກ ເປີດເຜີຍວ່າຫລັງຈາກເກີດເຫດຕຳຫລວດພົບພາບກ້ອງວົງຈອນປິດ ຂະນະຜູ້ຕ້ອງຫານຳຖົງຂີ້ເຫຍື້ອ ອອກຈາກຫ້ອງພັກ ແລ້ວຍ່າງລົງໄປຖິ້ມ ກ່ອນຈະກັບເຂົ້າຫ້ອງ ແລ້ວບໍ່ອອກມາອີກເລີຍ ເມື່ອໄປເຊີນຕົວມາສອບປາກຄຳຜູ້ກ່ຽວກໍ່ຮັບສາລະພາບວ່າໄດ້ກໍ່ເຫດດັ່ງກ່າວແທ້.

ຂ່າວທົ່ວໄປ