ສາທຸ ພົບພຣະພຸດທະຮູບ 34 ອົງ ທີ່ພູຜາປາດ ເມືອງຍົມມະລາດ ແຂວງຄຳມ່ວນ

ສາທຸ ພົບພຣະພຸດທະຮູບ 34 ອົງ ທີ່ພູຜາປາດ ເມືອງຍົມມະລາດ ແຂວງຄຳມ່ວນ

ພົບພຣະພຸດທະຮູບ 34 ອົງ ທີ່ພູຜາປາດ ເມືອງຍົມມະລາດ ແຂວງຄຳມ່ວນ. ແຫລ່ງຂ່າວຈາກ ຫ້ອງການ ຖະແຫລງຂ່າວ, ວັດທະນະທຳ ແລະ ທ່ອງທ່ຽວ ເມືອງຍົມມະລາດ ແຂວງຄຳມ່ວນໃຫ້ຮູ້ວ່າ:

ວັນທີ 12 ທັນວາ 2021 ນີ້, ປະຊາຊົນບ້ານຍົມມະລາດໃຕ້ ໄດ້ນຳເອົາພົບພຣະພຸດທະຮູບຈຳນວນ 34 ອົງ, ການ້ຳ 1 ອັນ ມາເກັບທີ່ວັດສີບຸນເຮືອງ ເມືອງຍົມມະລາດ. ຕາມການລາຍງານຈາກການຈັດຕັ້ງບ້ານໃຫ້ຮູ້ວ່າ:

ໃນວັນທີ 8 ທັນວາ 2021, ທ້າວ ຕີ ໄຊພິທັກ ອາຍຸ 12 ປີ ແລະ ທ້າວ ຕີ ຄູນວິໄລ ອາຍຸ 11 ປີ ໄດ້ພາກັນໄປຫາກິນ(ໄປຍິງເຈຍ) ຢູ່ພູຜາປາດ ໄດ້ພົບເຫັນພຣະພຸດທະຮູບດັ່ງກ້າວ. ຫລັງຈາກນັ້ນທັງ 2 ຄົນໄດ້ພາກັນມາເຮືອນແລ້ວບອກໃຫ້ທ້າວ ພູ ຄູນວິໄລ ແລະ ທ້າວ ຄຳພາ ໄຊພິທັກ ເຊິ່ງເປັນພໍ່ຂອງເດັກທັງ 2 ຄົນ ວ່າເຫັນພຣະພຸດທະຮູບທີ່ຖ້ຳດັ່ງກ້າວ.

ຈາກນັ້ນ ພໍ່ຂອງເດັກທັງ 2 ກໍໄດ້ແຈ້ງໃຫ້ການຈັດຕັ້ງບ້ານເພື່ອລົງໄປເບິ່ງຕົວຈິງ.ຜ່ານການກວດກາຕົວຈິງເຫັນວ່າ ມີພຣະພຸດທະຮູບແທ້ ແລະ ການຈັດຕັ້ງບ້ານຈຶ່ງໄດ້ສະເໜີມາຍັງຫ້ອງການທີ່ກ່ຽວຂ້ອງ ເພື່ອຫາວິທີເກັບຮັກສາ.

ສະນັ້ນ, ມາວັນທີ 12 ທັນວາ ນີ້, ອຳນາດການປົກຄອງຂັ້ນເມືອງ, ຂັ້ນບ້ານ ແລະ ພໍ່ແມ່ປະຊາຊົນບ້ານຍົມມະລາດໃຕ້ ໄດ້ພ້ອມກັນໄປນຳເອົາພຣະພຸດທະຮູບດັ່ງກ່າວ ມາປະດິດສະຖານທີ່ວັດສີບຸນເຮືອງ ບ້ານຍົມມະລາດໃຕ້ ເມືອງຍົມມະລາດ ແຂວງຄຳມ່ວນ ໂດຍມີ ທ່ານ ນາງ ບຸນຕາ ບຸດສີດາ ຫົວໜ້າຄະນະຈັດຕັ້ງເມືອງ,

ພ້ອມດ້ວຍອຳນາດການປົກຄອງບ້ານ, ເຖົ້າແກ່ແນວໂຮມ, ຫ້ອງການທີ່ກ່ຽວຂ້ອງຂັ້ນເມືອງ ແລະ ປະຊາຊົນບ້ານຍົມມະລາດໃຕ້ ເຂົ້າຮ່ວມສັກກາລະບູຊາ.

ເບິ່ງຄລິບ

ຂ່າວທົ່ວໄປ