ຂ່າວໂຫດໃຊ້ໂດຣນ ຖີ້ມລະເບີດ ໃສ່ຄະນະມົນຕີ ຢູ່ສະໜານບິນ

ຂ່າວໂຫດໃຊ້ໂດຣນ ຖີ້ມລະເບີດ ໃສ່ຄະນະມົນຕີ ຢູ່ສະໜານບິນ

ວັນທີ 30 ທັນວາ 2020 ສຳນັກຂ່າວ AP ລາຍງານວ່າເຫດເກີດລະເບີດພາຍໃນອາຄານສະໜາມບິນທາງຕອນໃຕ້ຂອງເມືອງ Aden ປະເທດ ເຢເມນ ຂະນະທີ່ເຮືອບິນຂອງຄະນະມົນຕີທີ່ກັບຈາກການຢ້ຽມຢາມ ຊາອຸດິອາຣະເບຍ ລົງຈອດ ແລະ ກຳລັງຍ່າງລົງຈາກເຮືອບີນ. ເບື້ອງຕົ້ນຜູ້ໂດຍສານໃນເຮືອທັງໝົດປອດໄພ, ແຕ່ມີລາຍງານຜູ້ເສຍຊີວິດພາຍໃນອ້ອມຮອບສະໜາມບິນຢ່າງໜ້ອຍ 16 ຄົນ, ບາດເຈັບອີກ 60 ຄົນ.

ລັດຖະມົນຕີດ້ານການສື່ສານ Naguib Al-awg ກ່າວຕໍ່ນັກຂ່າວວ່າ: ໄດ້ຍິນສຽງລະເບີດດັງ 2 ຄັ້ງ ແລະ ໃຫ້ຄວາມເຫັນວ່າ: ເປັນການໂຈນຕີຈາກໂດຣນ ໂດຍມຸ່ງເປົ້້າໃສ່ຄະນະລັດຖະມົນຕີ ເນື່ອງຈາກເຮືອບິນມີກໍານົດເດີນທາງມາເຖິງກ່ອນໜ້ານີ້, ແຕ່ເກີດຄວາມຊັກຊ້າ ຈຶ່ງບໍ່ໄດ້ແລ່ນເຂົ້າໄປໃນອາຄານທີ່ເປັນຈຸດເກີດເຫດ.

ເຢເມນຢູ່ສະພາບສົງຄາມກາງເມືອງມາແຕ່ປີ 2014 ລະຫວ່າງກຸ່ມກະບົດຮູທິ ກັບກຳລັງຂອງປະທານາທິບໍດີ ອັບດູ ຣັບບູ ມານຊູ ຮາດີ ໂດຍມີກອງທັບຈາກປະເທດອາຣັບນຳ ໂດຍຊາອຸດິອາຣະເບຍເຂົ້າຊ່ວຍເຫຼືອເບື້ອງປະທານາທິບໍດີ ຮາດີ

ຮຽບຮຽງພາບ: ພອນໄຊ

ຂ່າວທົ່ວໄປ