ຝັງຈົນບໍ່ທັນ ສົບຜູ້ເສຍຊີວິດທີ່ບຣາຊິລກອງຈົນເຕັມສຸສານເພື່ອລໍຖ້າຂຸດຂຸມຝັງ

ຝັງຈົນບໍ່ທັນ ສົບຜູ້ເສຍຊີວິດທີ່ບຣາຊິລກອງຈົນເຕັມສຸສານເພື່ອລໍຖ້າຂຸດຂຸມຝັງ

ທ່ານ ເວີຣ໌ຈິລິໂອ ເນໂຕ ນາຍົກເມືອງມາເນົາສ໌ ໃນລັດອາມາໂຊນັສ ທາງຕອນເໜືອຂອງບຣາຊິລ ເປີດເຜີຍເຖິງສະຖານະການການແຜ່ລະບາດທີ່ຮຸນແຮງທີ່ສຸດແຫ່ງໜຶ່ງຂອງປະເທດ ວ່າຂະນະນີ້ບໍ່ຕ່າງກັບຫາຍະນະ ເຖິງແມ່ນວ່າຂະນະນີ້ເມືອງມາເນົາສ໌ ຈະຜ່ານພົ້ນຊ່ວງປະກາດພາວະສຸກເສີນມາແລ້ວກໍຕາມ ແຕ່ໂຕເລກຜູ້ເສຍຊີວິດແຕ່ລະມື້ເພີ່ມຂື້ນ 20-30 ລາຍ ມາເປັນ 100 ລາຍ.

ທ່ານ ນາໂຕະ ລະບຸວ່າ ໂຮງໝໍຕ່າງໆ ໃນເມືອງນາເມົາສ໌ ຕ້ອງຮັບມືກັບຜູ້ຕິດເຊື້ອຈຳນວນຫຼາຍ ໃນຂະນະທີ່ຈຳນວນຜູ້ເສຍຊີວິດເພີ່ມຂື້ນຫຼາຍຈົນກອງເຕັມຫ້ອງເຢັນລົດຄອນເທັນເນີ່ ແລະ ຍັງກອງລຽງກັນເພື່ອຝັງເຕັມສຸສານ ຄ້າຍກັບໜັງສະຫຍອງຂວັນ, ຂະນະທີ່ຄົນງານຕ້ອງເລັ່ງຂຸດຂຸມໃນສຸສານເພື່ອຝັງສົບຜູ້ເສຍຊີວິດຈຳນວນຫຼາຍ ໃນຂະນະທີ່ກ່ອນໜ້ານີ້ປະທານາທິບໍດີ ຊາອີ ໂບລໂຊນາໂຣ ອອກມາລະບຸວ່າ ໄວຣັດໂຄວິດ-19 ກໍເປັນພຽງໄຂ້ຫວັດຊະນິດໜຶ່ງ.

ເມືອງມາເນົາສ໌ ເປັນພື້ນທີ່ທີ່ມີຈຳນວນຜູ້ເສຍຊີວິດສູງສຸດໃນບັນດາເມືອງເອກຕ່າງໆ ເຊິ່ງຂະນະນີ້ມີຄວາມວິຕົກກັງວົນວ່າ ຍັງມີຜູ້ເສຍຊີວິດທີ່ບໍ່ໄດ້ສຳຫຼວດ ທີ່ເສຍຊີວິດໃນບ້ານແບບບໍ່ເຄີຍໄດ້ຮັບການກວດຮັກສາອີກຈຳນວນຫຼາຍ. ຫຼ້າສຸດບຣາຊິລ ມີຜູ້ຕິດເຊື້ອສະສົມ 54,043 ລາຍ, ເສຍຊີວິດແລ້ວ 3,704 ລາຍ. ຜູ້ຊ່ຽວຊານລະບຸວ່າໂຕເລກຈິງອາດຈະຫຼາຍກວ່ານີ້ປະມານ 15 ເທົ່າ ເນື່ອງຈາກບຣາຊິລ ຍັງບໍ່ມີການກວດຄັດກອງໂຄວິດ-19 ຢ່າງຄອບຄຸມທົ່ວເຖິງ.

ຂ່າວທົ່ວໄປ