ຊາຍຊາວລາວ ຖຶກຈັບກຸມຢູ່ທີ່ສະໜາມບິນນາຣີຕາ ຂອງປະເທດຢີ່ປຸ່ນ ຂໍ້ຫາ ມີຊິ້ນສ່ວນ ຂອງສັດປ່າ

ຊາຍຊາວລາວ ຖຶກຈັບກຸມຢູ່ທີ່ສະໜາມບິນນາຣີຕາ ຂອງປະເທດຢີ່ປຸ່ນ ຂໍ້ຫາ ມີຊິ້ນສ່ວນ ຂອງສັດປ່າ

ໜັງສືພິມ Yomiuri Shimbun ຂອງປະເທດຢີ່ປຸ່ນ ລາຍງານວ່າ ໄດ້ຈັບກຸມ ຄົນລາວ ຢູ່ທີ່ສະໜາມບິນນາຣີຕາ ຂໍ້ຫາ ມີຊິ້ນສ່ວນ ຂອງສັດປ່າ ເຊັ່ນ: ງາຊ້າງ, ເຂົາ, ແຂ້ວສັດ ແລະ ອີກຫຼາຍຊິ້ນສ່ວນ ຢູ່ໃນກະເປົາເດີນທາງ ກ່ອນອອກເດີນທາງ ຈາກຍີ່ປຸ່ນ ກັບຄືນມາລາວ.

ສອບຖາມຂໍ້ມູນພົບວ່າ ຊາຍໜຸ່ມຄົນລາວ ດັ່ງກ່າວ ແມ່ນເຮັດວຽກ ເປັນຜູ້ເຝົ້າຊ້າງ ຢູ່ ສວນສັດ Fuji Safari Park ອາຍຸ 27 ປີ ຢູ່ແຂວງ Shizuoka ປະເທດຢີ່ປຸ່ນ, ກວດພົບເຫັນຊິ້ນສ່ວນສັດ ທັງໝົດ 227 ອັນ ເຊື່ອງຊ້ອນໄວ້ ໃນກະເປົາເດີນທາງ. ການເຄື່ອນຍ້າຍ ຊິ້ນສ່ວນສັດປ່າ ດັ່ງກ່າວ ແມ່ນຝ່າຝືນ ສົນທິສັນຍາ Washington Treaty ເພື່ອຕ້ານການຄ້າຂາຍຊິ້ນສ່ວນຂອງສັດປ່າ ເພື່ອຮັກສາບໍ່ໃຫ້ສັດປ່າ ສູນຫາຍ.

ຜູ້ຖືກຈັບຄົນລາວ ກ່າວວ່າ:​ ລາວຕ້ອງການເອົາຊິ້ນສ່ວນຂອງສັດປ່າ ທີ່ຕາຍຢູ່ໃນສວນສັດ ເພື່ອເອົາໄປຕົບແຕ່ງເຮືອນ ແລະ ເປັນຂອງຝາກໃຫ້ພີ່ນ້ອງ ຢູ່ ລາວ.

ຂ່າວທົ່ວໄປ