ຊີ້ແຈງເພີ່ມເຕີມ ກ່ຽວກັບຄົນຈີນ 2ຄົນຕິດໂຄວິດຜ່ານແຂວງຫລວງນໍ້າທາ

ຊີ້ແຈງເພີ່ມເຕີມ ກ່ຽວກັບຄົນຈີນ 2ຄົນຕິດໂຄວິດຜ່ານແຂວງຫລວງນໍ້າທາ

ຕາມການລາຍງານ ຂອງ ທ່ານ ດຣ ຫຍູ້ງ ລໍວັນຄຳ ຫົວໜ້າຂະແໜງ ຄວບຄຸມພະຍາດຕິດຕໍ່ ພະແນກສາທາລະນະສຸກແຂວງຫຼວງນໍ້າທາໃຫ້ຮູ້ໃນວັນທີ 4 ທັນວາ 2020 ນີ້ວ່າ: ກ່ຽວກັບຄົນຈີນ 2 ຄົນທີ່ລັກລອບຂ້າມຊາຍແດນເພື່ອກັບປະເທດ ມີ: ທ້າວ ຈ່າງຈື້ຊີນ ເພດຊາຍ, ສັນຊາດຈີນ, ທີ່ຢູ່ແຂວງ ຟູຈ້ຽນ ເມືອງຈາງເຈີວ, ເຂດພິງເຫີ, ເມືອງອັງເຫີວ, ບ້ານຕ້າເຂີງລີໂຊ້ລີງ ແລະ ທ້າວ ຈ່າງຊົງເວີຍເພດຊາຍ, ສັນຊາດຈີນ, ວັນ ເດືອນ ປີເກີດ 11 ມີນາ 2000 ທີ່ຢູ່ແຂວງຟູຈ້ຽນ ເມືອງຈາງເຈີວ,ເຂດພິງເຫີ,ເມືອງອັງເຫີວ,ຕົງເຂີງ.ໄລຍະການເຄື່ອນໄຫວ: ວັນທີ 24 ເດືອນ ພະຈິກ 2020 ໄດ້ມີເຖົ້າແກ່ມ່ຽນມາຄົນຫນື່ງໄດ້ເກັບເງີນນຳ ທ້າວ ຈ່າງຊົງເວີຍ ກັບ ທ້າວ ຈ່າງຈື້ຊີນ ຈຳນວນ 41.000 ຢວນຕໍ່ຄົນ ແລ້ວຈັດການພາ 2 ຄົນລັກລອບຂ້າມຊາຍແດນ ລະອຽດຄື: ປະມານ 13 ໂມງ ຂອງວັນທີ 24 ພະຈິກ 2020 ທ້າວ ຈ່າງຊົງເວີຍ ກັບ ທ້າວ ຈ່າງຈື້ຊີນ ຢູ່ເຂດຮ້ານ KTV ຕ້າຊີລີຫູລູຕ້າ ໄດ້ນັ່ງລົດນໍາຊາຍອາຍຸປະມານ 30 ກວ່າປີ, ລົດສີນໍ້ເງີນ.

ຫລັງຈາກນັ້ນໄດ້ເຄີ່ງຊົ່ວໂມງເຖີງຈຸດນັດຫມາຍແຄມຂອງແລ້ວ ຢູ່ແຄມຂອງລໍຖ້າເຮືອ ໄດ້ມີຊາຍ 3 ຄົນ( ບໍ່ຮູ້ລະອຽດ )ພວກເຂົາກໍ່ຮີບມາທີ່ແຄມຂອງຫລັງຖ້າໄດ້ເປັນເວລາ 2 ຊົ່ວໂມງແລ້ວຊາຍ 2 ຄົນກໍ່ໄດ້ຂີ່ເຮືອນຳຜູ້ຂັບເຮືອຄົນຫນຶ່ງ ອາຍຸ ປະມານ 20 ກວ່າປີ ນັ່ງເຮືອປະມານເຄີ່ງຊົ່ວໂມງແລ້ວຮອດແຄມດ່ານ,ລະຫວ່າງລໍຖ້າເປັນເວລາ 2 ຊົ່ວໂມງ. ໄດ້ມີຊາຍອາຍຸປະມານ 40 ກວ່າປີຂັບລົດກະບະສີດຳ ( ປ້າຍລາວ ) ພາ ທ້າວ ຈ່າງຊົງເວີຍ ກັບ ທ້າວ ຈ່າງຈື້ຊີນ ແລະ ຜູ້ອື່ນໆເຂົ້າພັກໃນໂຮງແຮມແຫ່ງຫນຶ່ງບໍ່ຮູ້ຊື່(ໂຮງແຮມຂຽນເປັນພາສາລາວ) ຂອບເຂດດ່ານ, ຫລັງຈາກຮອດບ້ານພັກແລ້ວ ທ້າວ ຈ່າງຊົງເວີຍ ກັບ ທ້າວ ຈ່າງຈື້ຊີນ ພ້ອມຊາຍ 3 ຄົນ ທີ່ຂີ່ເຮືອລຳດຽວກັນໄດ້ແຍກກັນ.

ໃນວັນທີ 27 ພະຈິກ 2020 ລະຫວ່າງທີ່ເຂົ້າພັກບ້ານພັກນັ້ນແມ່ນບໍ່ໄດ້ພົບປະກັບໃຜໃຊ້ຜ້າອັດປາກຕະຫລອດ. ນອກຈາກພະນັກງາບ້ານພັກແຫ່ງນັ້ນບໍ່ໄດ້ພົບປະກັບໃຜ.ໃນວັນທີ 27 ພະຈິກ 2020 ເວລາ ປະມານ 20 ໂມງ ທ້າວ ຈ່າງຊົງເວີຍ ກັບ ທ້າວ ຈ່າງຈື້ຊີນ ໄດ້ນັ່ງລົດກັບຊາຍຄົນຫນຶ່ງ ອາຍຸປະມານ 40 ກວ່າປີໄດ້ຂັບລົດສີແດງ( ຂ້າງໂຊເຟີ ມີຍີງ ອາຍຸ 40 ກວ່າປີ ເມຍ)ໃນວັນທີ 28 ພະຈິກ 2020 ເວລາ 3 ໂມງເຊົ້າໄດ້ຈັດໃຫ້ໄປນອນທີ່ບ້ານພັກແຫ່ງຫນຶ່ງແຖວບໍ່ເຕ່ນ ( ຊື່ບ້ານພັກເປັນພາສາລາວ ) ວັນເວລາທີ່ເຂົ້າພັກ ວັນທີ 29 ພະຈິກ 2020 ເວລາ 14 ໂມງ ລະຫວ່າງ ທີ່ຈະເຂົ້າພັກໄດ້ໃຊ້ຜ້າອັກປາກ, ນອກຈາກພະນັກງານໂຮງແຮມແມ່ນບໍ່ໄດ້ພົບພັນກັບໃຜ, ວັນທີ 29 ພະຈິກ2020ເວລາປະມານ 14 ໂມງ ທ້າວ ຈ່າງຊົງເວີຍ ກັບ ທ້າວ ຈ່າງຈື້ຊີນ ໄດ້ອອກຈາກບ້ານພັກຂີ່ລົດ SUV ສີຂີ້ເທົ່າອອກຈາກໂຮງແຮມ,ຂັບລົດໂດຍຜູ້ຊາຍ ອາຍຸປະມານ30ປີ ແລະ ອອກລົດໄປປະມານເຄິ່ງຊົ່ວໂມງແລ້ວເຂົ້າພັກທີ່ໂຮງແຮມKailiທີ່ບໍ່ເຕ່ນ ຈົນຮອດ 20 ໂມງຂອງວັນທີ 1 ທັນວາ 2020 ໄດ້ໃສ່ຜ້າອັດປາກໃນເວລາເຂົ້າພັກເຊົາ,ນອກຈາກພະນັກງານໂຮງແຮມແລ້ວບໍ່ໄດ້ຕິດຕໍ່ກັບໃຜ ຫລັງຈາກນັ້ນ ທ້າວ ຈ່າງຊົງເວີຍ ກັບ ທ້າວ ຈ່າງຈື້ຊີນໄດ້ຂີ່ລົດຕູ້ຜູ້ຊາຍຂັບລົດອາຍຸ 30 ປີຈາກໂຮງແຮມ Kaika ໄປຫາຕີນພູເຂດຊາຍແດນລາວ ແລ້ວຈາກນັ້ນພວກເຂົາກໍ່ຍ່າງຂື້ນພູ ໂດຍພາຍໃຕ້ການແນະນຳຂອງຄົນຂັບລົດ.

ໃນເວລາສັ້ນໆ ໄດ້ມີຊາຍສອງຄົນນຳພາມຸ່ງຫນ້າ ແລະ ຍ່າງໄປຕາມເສັ້ນທາງພູເຂົາປະມານ 3 ຊົ່ວໂມງ ພວກເຂົາໄດ້ຮອດຕີນພູແຫ່ງຫນຶ່ງໃນປະເທດຈີນ ຊາຍສອງຄົນໄດ້ກັບຄືນຊາຍແດນລາວ ( ຂໍ້ມູນທີ່ບໍ່ຮູ້ຕົວ ) ເວລາປະມານ 2 ໂມງຂອງວັນທີ 2 ທັນວາ 2020 ທ້າວ ຈ່າງຊົງເວີຍ ກັບ ທ້າວ ຈ່າງຈື້ຊີນ ກຽມຍ່າງອອກຈາກຕີນພູ ຊາຍທັງສອງຖືກເຈົ້າຫນ້າທີ່ຕໍາຫລວດຈີນຈັບຕົວຢູ່ຊາຍແດນຈີນ ເມືອງບໍ່ຫານ ໃນປະເທດຈີນ ແລະ ຄວບຄຸມການລະບາດ ໃນມີື້ດຽວກັນນັ້ນ ທ້າວ ຈ່າງຊົງເວີຍ ກັບ ທ້າວ ຈ່າງຈື້ຊີນ ໄດ້ຖືກສົ່ງໄປທີ່ໂຮງແຮມວ້ານລຽນ ເມືອງລ້າ ເພື່ອດຳເນີນການກັກຕົວຕາມລະບຽບການ.

ໃນໂອກາດນີ້ ທ່ານ ດຣ ຫຍູ້ງ ລໍວັນຄໍາ ຫົວໜ້າຂະແໜງ ຄວບຄຸມພະຍາດຕິດຕໍ່ ພະແນກສາທາລະນະສຸກແຂວງຫຼວງນໍ້າທາຍັງໄດ້ຮຽກຮ້ອງມາຍັງປະຊາຊົນບັນດາເຜົ່າບໍ່ໃຫ້ແຕກຕຶ່ນ ແລະ ບໍ່ໃຫ້ປະໝາດ ໃຫ້ເອົາໃຈໃສ່ປ້ອງກັນ ແລະ ສະກັດກັ້ນພະຍາດໂຄວີດ -19 ເປັນຕົ້ນ ຮັກສາສຸຂະພາບຂອງຕົນໃຫ້ແຂງແຮງຢູ່ສະເໝີ, ໃຫ້ໃສ່ຜ້າອັດປາກ – ດັງ, ໝັ່ນລ້າງມືດ້ວຍສະບູ່, ນໍ້າເຈວລ້າງມື ແລະ ເວັນໄລຍະຫ່າງເມື່ອຢູ່ໃກ້ກັນ ເພື່ອປ້ອງກັນຕົນເອງ ແລະ ຜູ້ອື່ນໆບໍ່ໃຫ້ຕິດພະຍາດໂຄວິດ – 19 .

ຂ່າວທົ່ວໄປ