ຊຶ້ງໃຈດີໃຈແທນນ້ອງໆ ອາດີດນັກຮ້ອງລູກທົ່ງຊື່ດັງ ເມກຂະຫຼາ ບໍລິຈາກເຄື່ອງກັນໜາວໃຫ້ເດັກນ້ອຍເຂດຫ່າງໄກ ພ້ອມເຜີຍ “ຢາກໃຫ້ຍ້ອນຕົນເອງເຄີຍຢູ່ຈຸດນັ້ນມາກ່ອນ”

ຊຶ້ງໃຈດີໃຈແທນນ້ອງໆ ອາດີດນັກຮ້ອງລູກທົ່ງຊື່ດັງ ເມກຂະຫຼາ ບໍລິຈາກເຄື່ອງກັນໜາວໃຫ້ເດັກນ້ອຍເຂດຫ່າງໄກ ພ້ອມເຜີຍ “ຢາກໃຫ້ຍ້ອນຕົນເອງເຄີຍຢູ່ຈຸດນັ້ນມາກ່ອນ”

ຖ້າຈະເວົ້າເຖິງເລື່ອງໂອກາດນັ້ນ ຫຼາຍທີ່ກໍາລັງອ່ານຢູ່ນີ້ຄົງຈະຮູ້ຈັກ ແລະ ໄດ້ຮັບໂອກາດອັນດີທີ່ສຸດແລ້ວ ຖ້າທຽບກັບເດັກນ້ອຍທີ່ຢູ່ເຂດຫ່າງໄກອີກຫຼາຍພັນຄົນ ທີ່ບາງຄົນນັ້ນບໍ່ຮູ້ຈັກຮອດຄໍາວ່າ ໂອກາດ ໃນຊີວິດຂອງເຂົາແມ່ນຫຍັງ? ຄືດັ່ງທີ່ໄລຍະຜ່ານມານີ້ທີ່ເລີ່ມເຂົ້າລະດູໜາວ ແລະ ໜາວແຮງເມື່ອອາທິດທີ່ຜ່ານມາ

ກໍໄດ້ມີຂ່າວຄາວອອກມາຢ່າງຫຼວງຫຼາຍວ່າ ຍັງມີພໍ່ແມ່ປະຊາຊົນ ແລະ ເດັກນ້ອຍລາວອີກຫຼາຍຄອບຄົວໃນເຂດຫ່າງໄກທີ່ຂາດແຄນຜ້າຫົ່ມ, ເຄື່ອງນຸ່ງ ແລະ ເຄື່ອງກັນໜາວຕ່າງໆ ເຊິ່ງກໍໄດ້ມີການຮັບບໍລິຈາກ ຈາກຜູ້ທີ່ໄດ້ຮັບໂອກາດໃນຊີວິດຫຼາຍທ່ານໄປບໍລິຈາກແກ່ຄົນເຫຼົ່ານັ້ນ… ກໍຖືວ່າເປັນການແບ່ງປັນນໍ້າໃຈຂອງຄົນຮ່ວມຊາດທີ່ດີທີ່ສຸດ

ຄືດັ່ງກັບ ອາດີດນັກຮ້ອງລູກທົ່ງສາວຊື່ດັງ ສຽງດີ ເມກຂະຫຼາ ສະບາພອນ ທີ່ປັດຈຸບັນຜັນຕົວເອງມາເຮັດທຸລະກິດຢ່າງເຕັມຕົວ ກໍໄດ້ນໍາເຄື່ອງກັນໜາວໄປບໍລິຈາກແກ່ເດັກນ້ອຍ ແລະ ພໍ່ແມ່ປະຊາຊົນລາວທີ່ຢູ່ເຂດຫ່າງໄກ ທີ່ຍັງຂາດແຄນຫຼາຍຢ່າງ ມັນເປັນໂມເມັ້ນທີ່ໜ້າປະທັບໃຈຫຼາຍ.

ໂດຍ ເມກຂະຫຼາໄດ້ໂພສຮູບພາບດັ່ງກ່າວຜ່ານ Facebook ສ່ວນຕົວພ້ອມຂຽນແຄັບຊັ່ນຊຶ້ງໆວ່າ “ທີ່ ເມກຂະຫຼາ ມາປຸກລະດົມທຶນບໍລິຈາກ ເພຶ່ອແບ່ງປັນນຳ້ໃຈມອບອາຍອຸ່ນນີ້ ບໍ່ແມ່ນຍ້ອນເມກຂະຫຼາ ເປັນຄົນໃຈດີ, ເປັນຄົນໃຈບຸນ, ເປັນຄົນລໍ້າລວຍດອກ ແຕ່ເປັນຍ້ອນ ເມກຂະຫຼາ ເຄີຍພ່ານຈຸດນີ້ມາກ່ອນ

ຈຶ່ງເຂົ້າໃຈຄວາມຮູ້ສຶກດີ ເຈົ້າເຄີຍບໍເກັບເຂົ້າຫນົມອົມທີ່ເຮ່ຍມີຂິ້ດິນຕິດແລ້ວມາອົມຕໍ່ ເຈົ້າເຄີຍນຸ່ງເສື້ອກັນຫນາວໂຕດຽວຮອດ3-4ປີບໍ ເຈົ້າເຄີຍນອນຮົ່ມຜ້າຮົ່ມຜືນດຽວຮອດ3-4ຄົນດຶງຊ້າຍຫວິດຂວາດຶງຂວາມຫວິດຊ້າຍບໍ ເຈົ້າເຄີຍກິນໄຂ່ນ່ວຍ1ແບ່ງ4ບໍ ຄຳຖາມທີ່ຖາມມານັ້ນເມກຂະຫຼາເຄີຍຜ່ານມາຫມົດແລ້ວ ມີຢ່າງດຽວທີ່ເມກຂະຫຼາບໍ່ໄດ້ຜ່ານຄືການໄດ້ຮັບເຄື່ອງຂອງຟຣີ

ມີການບໍລິຈາກແບບນີ້ໃນຕອນຍາມນ້ອຍ. ເມກຂະຫຼາຈຶ່ງຢາກມອບໃຫ້ ຢາກເຮັດເພາະຄິດວ່າ ສິ່ງທີ່ເມກຂະຫຼາເຮັດ ມັນຈະເປັນການປູກຈິດສຳນຶກ ທີ່ດີໃຫ້ກັບນ້ອງໆແລະຄົນດ້ອຍໂອກາດ ໃຫ້ມີນຳ້ໃຈເພຶ່ອແພ່ຍາມເຮົາມີກີນ ໃຫ້ຮູ້ຈັກແບ່ງປັນໃນຍາມເຮົາໃດ້ຮັບ.

ຂໍຂອບໃຈກັບທຸກຄົນ ທີ່ຮ່ວມບໍລິຈາກນຳເມຫຂະຫຼາເປັນຢ່າງຍີ່ງ ມັນເປັນແຮງຜັກດັນ ທີ່ຈະເຮັດໃຫ້ເມກຂະຫຼາ ມີກຳລັງກາຍ ກຳລັງໃຈ ສ້າງສິ່ງນີ້ອີກໃນຕໍ່ໜ້າ ຕາບໃດທີ່ເມກຂະຫຼາ ຍັງມີແຮງກາຍ ແຮງໃຈ ແລະແຮງຊັບພໍທີ່ຈະແບ່ງປັນ 

ເຊິ່ງຫຼັງຈາກໄດ້ອ່ານຂໍ້ຄວາມດັ່ງກ່າວ ກໍຮູ້ສຶກຕື້ນຕັນ ແລະ ດີໃຈແທນນ້ອງໆທີ່ໄດ້ຮັບໂອກາດນີ້ ທີ່ຜູ້ໃຫ້ເອງໃຫ້ດ້ວຍຄວາມລະນຶກເຖິງຕົນເອງຕອນຍັງນ້ອຍທີ່ເຄີຍຕົກຢູ່ໃນສະພາບດຽວກັນ ແຕ່ບໍ່ເຄີຍໄດ້ຮັບໂອກາດນັ້ນ ແລະ ຂໍຊົມເຊີຍ ເອື້ອຍ ເມກຂະຫຼາ ທີ່ເມື່ອຕົນເອງມີໂອກາດທີ່ດີກວ່າ ແລ້ວບໍ່ລືມແບ່ງປັນຄົນທີ່ດ້ອຍໂອກາດ ຂໍໃຫ້ງາມໆ ແລະ ໜ້າຮັກແບບນີ້ຕະຫຼອດໄປເດີ້

ທີ່ມາ: Facebook: ເມກຂະຫຼາ ສະບາພອນ

ຂ່າວບັນເທີງ