ຊົມເຊີຍ ກອງຄຸ້ມຄອງພາສີ 7  ຊ່ວຍຕ້ານໂຄວິດ 800ລ້ານ ກວ່າກີບ ກົດອ່ານ

ຊົມເຊີຍ ກອງຄຸ້ມຄອງພາສີ 7 ຊ່ວຍຕ້ານໂຄວິດ 800ລ້ານ ກວ່າກີບ ກົດອ່ານ

ພະນັກງານ-ລັດຖະກອນ ກອງຄຸ້ມຄອງພາສີ 7 ຮ່ວມກັບ ບໍລິສັດຂາເຂົ້າ-ຂາອອກ ຜູ້ປະກອບ ການທີ່ດຳເນີນທຸລະກິດ ຢູ່ແຂວງຈຳປາສັກ ໄດ້ພ້ອມກັນລະດົມທຶນຊື້ຕຽງນອນຄົນເຈັບ ຈຳນວນ 175 ຊຸດ ລວມມູນຄ່າ 800 ລ້ານກວ່າກີບ ມອບໃຫ້ອົງການປົກຄອງແຂວງຈໍາປາສັກ ເພື່ອປະກອບ ສ່ວນໃນການສະກັດກັ້ນ, ຄວບຄຸມ ແລະ ແກ້ໄຂການລະບາດພະຍາດໂຄວິດ-19 ຢູ່ແຂວງຈໍາປາສັກ.ພິທີມອບ-ຮັບດັ່ງກ່າວ ໄດ້ຈັດຂຶ້ນໃນວັນທີ 4 ພຶດສະພາຜ່ານມາ ທີ່ຫ້ອງວ່າການແຂວງ; ເປັນກຽດກ່າວຮັບໂດຍ ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ ແລະ ກ່າວມອບໂດຍ ທ່ານ ບຸນເພັງ ເຂັມມາລາ ຫົວໜ້າກອງຄຸ້ມຄອງພາສີ 7 ຊຶ່ງມີທຸກພາກສ່ວນກ່ຽວຂ້ອງເຂົ້າຮ່ວມເປັນສັກ ຂີພິຍານ.ໂອກາດນີ້, ທ່ານເຈົ້າແຂວງຈຳປາສັກ ໄດ້ສະແດງຄວາມຂອບໃຈ ແລະ ຊົມເຊີຍມາຍັງ ທຸກພາກສ່ວນທີ່ພ້ອມກັນລະດົມທຶນຊື້ຕຽງນອນຄົນເຈັບ ມາມອບໃຫ້ແຂວງຈຳປາສັກ ເພື່ອປະກອບ ເຂົ້າໃສ່ໂຮງໜໍພາກສະໜາມ ທີ່ເປັນການປະກອບສ່ວນທີ່ສຳຄັນ ເພື່ອຮັບໃຊ້ໃຫ້ແກ່ວຽກງານອັນຮີບ ດ່ວນ, ເລັ່ງດ່ວນທີ່ສຸດ ແລະ ຈຳເປັນທີ່ສຸດໃນການຮັບມືກັບການລະບາດພະຍາດໂຄວິດ-19 ທີ່ກໍາ ລັງເກີດຂຶ້ນຢູ່ໃນປັດຈຸບັນ. ເນື່ອງຈາກສະພາບລວມການລະບາດຖືວ່າເປັນວົງກວ້າງ ແລະ ຍັງມີທ່າ ອ່ຽງທີ່ຈະເພີ່ມຂຶ້ນສູງ. ສະນັ້ນ, ການສະໜັບສະໜູນປະກອບສ່ວນຈາກພາກສ່ວນຕ່າງໆຂອງສັງຄົມ ຈຶ່ງເປັນທຶນຮອນທີ່ຈຳເປັນໃນວຽກງານດັ່ງກ່າວ.(ຂ່າວ-ພາບ: ທັດຊະນະ)ປະຊາຊົນ

ຂ່າວທົ່ວໄປ