ເປິດເຜີຍຊີວິດແມ່ລ້ຽງດ່ຽວ ກັດແຂ້ວລ້ຽງລູກ 3 ຄົນ ພ້ອມເຕືອນ ເລືອກຄູ່ຜິດ ຊີວິດພັງ

ເປິດເຜີຍຊີວິດແມ່ລ້ຽງດ່ຽວ ກັດແຂ້ວລ້ຽງລູກ 3 ຄົນ ພ້ອມເຕືອນ ເລືອກຄູ່ຜິດ ຊີວິດພັງ

ເປັນຄວາມຈິງຂອງສັງຄົມໃນປັດຈຸບັນ ກັບຄວາມລົ້ມເຫລວ ແລະ ພັງທະລາຍລົງຂອງຊີວິດຄູ່ ຊິງເກິ້ລມັມ ຫຼື ແມ່ລ້ຽງດ່ຽວ ເປັນຄຳທີ່ເຮົາຟັງຕິດຫູກັນແລ້ວ ໂດຍສະມາຊິກເຟຊບຸກ ‎ข้าวหอม ปภาวรินทร์‎ ໄດ້ໂພສຜ່ານກຸ່ມ HerKid รวมพลคนเห่อลูก ຊຶ່ງລາວຂຽນບັນຍາຍເລື່ອງລາວ ວ່າ ຈາກຄວາມເຫັນແກ່ຕົວຂອງຜູ້ຊາຍຄົນຫນຶ່ງເຮັດໃຫ້ຊີວິດຂອງລາວພັງຈົນແທບບໍ່ມີຫຍັງເຫລືອ ແລະ ຍັງຕ້ອງດູແລລູກອີກ 3 ຄົນ ແຕ່ລູກທັງ 3 ຄົນກາຍເປັນພະລັງເຮັດໃຫ້ລາວເດີນຫນ້າຕໍ່ໄປໄດ້ ແລະ ກາຍເປັນກຳລັງໃຈໃຫ້ໃຜຫລາຍໆຄົນ

ໂດຍໂພສດັ່ງກາວລະບຸວ່າ ເລືອກຄູ່ຜິດຊີວິດປ່ຽນ  ເພາະຄວາມເຫັນແກ່ຕົວຂອງຜູ້ຊາຍຄົນຫນຶ່ງເຮັດໃຫ້ຊີວິດຂອງເຮົາຕ້ອງພັງ ພັງແທ້ໆພັງແບບແທບຈະບໍ່ເຫລືອຫຍັງຕິດຕົວ ຍົກເວັ້ນຫນີ້ສິນທີ່ເຂົາແບ່ງໃຫ້ມາ ແຕ່ກໍ່ຕ້ອງຂອບໃຈທີ່ຢ່າງນ້ອຍເຂົາກໍ່ຖິ້ມສິ່ງທີ່ມີຄ່າຫຼາຍທີ່ສຸດໄວ້ໃຫ້ຂ້ອຍເຖິງ 3 ຄົນ

ເຖິງມັນຈະໂຄດເຫນື່ອຍ ເພາະຕ້ອງເຮັດທຸກຢ່າງເພື່ອໃຫ້ໄດ້ເງິນມາລ້ຽງພວກເຂົາ ບາງຄັ້ງເຫນື່ິອຍຈົນແທບຈະຫມົດເເຮງ ຈັກສິຂາຍເຄື່ອງຈັກສິເບິ່ງລູກເວລາກິນເວລານອນແທບບໍ່ມີ ມືແຕກເປັນແຜເພາະນ້ຳກັດ ເເຕ່ກໍ່ຕ້ອງເຮັດເພື່ອໃຫ້ພວກເຂົາໄດ້ມີກິນມີໃຊ້ ທໍ້ຈົນຢາກຈະຫຍຸດຫາຍໃຈແຕ່ກໍ່ເຮັດບໍ່ໄດ້ເພາະພວກເຂົາ ແຕ່ກໍ່ພະຍາຍາມເບິ່ງຄົນທີ່ລຳບາກກວ່າເຮົາເພື່ອໃຫ້ຕົວເອງມີແຮງສູ້ຕໍ່ໄປ

ໃຜຈະຄິດວ່າເລືອກຄູ່ຊີວິດຜິດຊີວິດຈະປ່ຽນໄປໄດ້ເຖິງຂະຫນາດນີ້ ແຕ່ກໍ່ຢ່າເຖາະຖືຊະວ່າເຮົາໃຊ້ເວນໃຊ້ກຳໃຫ້ເຂົາຫມົດແລ້ວ ລຳບາກພຽງໃດກໍ່ບໍ່ຍ້ານຂໍແຄ່ໄດ້ນອນກອດພວກລູກ ໄດ້ຢູ່ກັບພວກລູກ 3 ຄົນກໍ່ພໍແລ້ວ

ສຳຫລັບແມ່ລ້ຽງດ່ຽວ ກຳລັງໃຈຈາກຄົນຮອບຂ້າງສຳຄັນຫຼາຍະ ເພາະສະພາບຈິດໃຈຂ້າງໃນອາດຈະທຸກໃຈຫຼາຍ ຄົນທີ່ມີຄອບຄົວສົມບູນແບບ ມີຜົວທີ່ດີ ຄອບຄົວອົບອຸ່ນ ອາດຈະບໍ່ເຂົ້າໃຈ ແລະ ຄິດວ່າເຮົາດຣາມ່າຮຽກຮ້ອງຄວາມສົນໃຈຫຼືບໍ ແຕ່ສຳຫລັບແມ່ລ້ຽງດ່ຽວເເລ້ວ ບາງຄັ້ງຂໍແຄ່ມີຄົນຮັບຟັງ ໃຫ້ກຳລັງໃຈຊີວິດກໍ່ມີເເຮງສູ້ຕໍ່ໄປແລ້ວ ຂອບໃຈສຳຫລັບກຳລັງໃຈທີ່ໃຫ້ເຮົາ 4 ຄົນແມ່ລູກເດີ  ສູ້ໆເດີແມ່ລ້ຽງດ່ຽວທຸກຄົນ ຂ້ອຍເຮັດໄດ້ເຈົ້າກໍ່ເຮັດໄດ້ #ແມ່ລ້ຽງດ່ຽວລູກ 3″

ເລື່ອງເລົ່າຊິວີດຈີງ