5 ສິ່ງນີ້ຢ່າຮີບຊື້ມັນຄືຂອງຟຸມເຟືອຍ ຖ້າເງິນບໍ່ເຫຼືອໃຊ້ຢ່າໄປຊື້ເລີຍ

5 ສິ່ງນີ້ຢ່າຮີບຊື້ມັນຄືຂອງຟຸມເຟືອຍ ຖ້າເງິນບໍ່ເຫຼືອໃຊ້ຢ່າໄປຊື້ເລີຍ

ຕ້ອງການມີຊີວິດທີ່ດີຂຶ້ນຕ້ອງຮູ້ຈັກເກັບອອມເງິນໄວ້ໃຊ້ໃນອະນາຄົດແລະສິ່ງຕໍ່ນີ້ເລີກໄດ້ເລີກເດີ້ມັນເຮັດໃຫ້ສິ້ນເປືອງເງິນ ບໍ່ເຫຼືອເງິນເກັບ ໄປເບິ່ງວ່າແມ່ນຫຍັງທີ່ຄວນເລີກແລ້ວຊີວິດເຮົາຈະດີຂຶ້ນຫຼາຍ

1. ກາເຟຍີ່ຫໍ້ດັງ

ລາຍໄດ້ໜ້ອຍແຕ່ລົດສະນິຍົມສູງ ເປັນຄຳທີ່ຂໍເວົ້າແບບຕົງໆເຫັນຫຼາຍຄົນທີ່ມີລາຍໄດ້ນ້ອຍ ແຕ່ນິຍົມກິນກາເຟຍີ່ຫໍ້ດັງ ຈອກລະ 35,000 ພັນກີບ ຂຶ້ນໄປບໍ່ໄດ້ກິນພຽງວັນດຽວ ແຕ່ກິນເກືອບທຸກມື້

ສຳຫຼັບກາເຟລອງປ່ຽນມາບໍລິໂພກກາເຟທີ່ມີລາຄາຖືກລົງແດ່ຈັກໜ່ອຍ ຖ້າຫາກເວົ້າກັນແທ້ໆກາເຟທີ່ລາຄາຖືກກໍ່ມີລົດຊາດດີບໍ່ແພ້ຮ້ານດັງເລີຍ ແລະ ຍັງເຮັດໃຫ້ທ່ານປະຫຍັດໄດ້ອີກດ້ວຍ

2. ຫວຍ

ທຸກວັນຈັນ ວັນພຸດ ວັນສຸກ ຂອງແຕ່ລະອາທິດຕ້ອງສ່ຽງໂຊກກັນແດ່ຈັກໜ່ອຍເພື່ອຈະໄດ້ຖືກຫວຍ ຫຼາຍຄົນອາດຈະຄິດແບບນີ້ ແຕ່ເຊື່ອບໍ່ວ່າການຊື້ຫວຍຄືສາເຫດຫຼັກທີ່ເຮັດໃຫ້ເຮົາສູນເສຍເງິນໂດຍບໍ່ມີປະໂຫຍດ

ຊື້ເສື້ອຜ້າຍັງນຸ່ງໄດ້ ຊື້ຫວຍບໍ່ໄດ້ຫຍັງເລີຍທ່ານລອງໄປຖາມຄົນທີ່ປະສົບຄວາມສຳເລັດເບິ່ງວ່າພວກເຂົາລວຍຈາກຫວຍແດ່ບໍ່ ພວກເຂົາຄົງຕອບວ່າບໍ່ຫຼິ້ນການພະນັນແຕ່ຄວນຕັ້ງໃຈເຮັດວຽກເກັບເງິນ

ບໍ່ແມ່ນໃຊ້ເງິນໄປກັບການສ່ຽງໂຊກໄປວັນໆ ເຊິ່ງມັນບໍ່ຄຸ້ມຄ່າເລີຍ ເພາະສິ່ງທີ່ເຮົາເດີມພັນມັນບໍ່ແມ່ນແຕ່ເງິນ ແຕ່ມັນຄືຫຍາດເຫື່ອ ແຮງກາຍ ແລະ ເວລາຂອງເຮົາເອງ

3. ດື່ມສະຫຼອງທຸກອາທິດ

ການທີ່ຕົວເອງເຮັດວຽກມາຢ່າງອິດເມື່ອຍ ກໍ່ອາດຈະຕ້ອງຜ່ອນຄາຍກັນແດ່ ແຕ່ການຜ່ອນຄາຍນັ້ນບໍ່ຈຳເປັນຕ້ອງສະຫຼອງດ້ວຍການກິນດື່ມຢ່າງສຸດຂະໜາດນັ້ນສຸກເມົາເສົານອນອາທິດຖອນຈັນລາ

ນີ້ເປັນວິທີຄິດທີ່ບໍ່ຖືກຕ້ອງເພາະການປາຕີ້ເປັນການສິ້ນເປືອງເງິນຢ່າງບໍ່ຄຸ້ມຄ່າ ມັນຍັງມີການຜ່ອນຄາຍຈາກຄວາມເໝື່ອຍລ້າຫຼາຍຢ່າງ ທີ່ມັນຈະຊ່ວຍເຮັດໃຫ້ເຮົາປະຫຍັດຄ່າໃຊ້ຈ່າຍໄດ້ຫຼາຍກ່ວາການດື່ມສະຫຼອງ

4. ໜີ້ທີ່ເກີດຈາກການຜ່ອນສິນຄ້າ

ຫາກເງິນເດືອນອອກຢູ່ກັບທ່ານບໍ່ເຖິງມື້ ທ່ານກໍ່ຕ້ອງນຳໄປຊຳລະຄ່າຜ່ອນສິນຄ້າຕ່າງໆ ແລ້ວສິ່ງທີ່ທ່ານຜ່ອນຢູ່ນັ້ນສ່ວນຫຼາຍອາດບໍ່ແມ່ນຂອງຈຳເປັນແຕ່ເປັນຂອງຟຸມເຟືອຍເຊັ່ນ ມືຖືລຸ້ນໃໝ່ ຫຼື ແມ່ນແຕ່ຄອນໂດໃຈກາງເມືອງ

ແລະເຖິງແມ່ນວ່າການຜ່ອນສິນຄ້າຈະເປັນຫຼັກການເງິນທີ່ຖືກຕ້ອງ ເພື່ອນຳກ້ອນໄປໝູນກ່ອນ ແຕ່ຖ້າບໍ່ຮູ້ຈັກປະມານການຜ່ອນສິນຄ້າທີ່ເກີນຕົວເກີນໄປບໍ່ຮູ້ຈັກຍັບຍັ້ງຊັ່ງໃຈແບບນີ້ອາດຈະຕ້ອງລຳບາກພາຍຫຼັງ

ມັນບໍ່ແມ່ນເລື່ອງເລວຮ້າຍຖ້າທ່ານມີລາຍໄດ້ພຽງພໍແຕ່ຖ້າທ່ານຍັງບໍ່ໝັ້ນຄົງທາງການເງິນນັ້ນກໍ່ບໍ່ຄວນນິຍົມການຜ່ອນສິນຄ້າຖ້າມື້ໜຶ່ງ ທ່ານມີຄວາມຈຳເປັນທີ່ຈະຕ້ອງໃຊ້ເງິນ ຈະນຳເງິນຢູ່ໃສມາໃຊ້ຈ່າຍ

5. ເຄື່ອງປະດັບເສື້ອຜ້າ

ບ່ອນເຮັດວຽກຂອງໃຜຫຼາຍໆຄົນອາດຈະເຕັມໄປດ້ວຍຮ້ານເສື້ອຜ້າ ເຄື່ອງປະດັບ ທີ່ອ້ອມຮອບຢູ່ລອບຕຶກ ຈະເດີນທາງເພື່ອໄປກິນເຂົ້າທ່ຽງກໍ່ຕ້ອງແວະຕາມຮ້ານຄ້າຕ່າງໆກ່ວາຈະໄປເຖິງຮ້ານອາຫານກໍ່ເສຍເງິນໄປແລ້ວບໍ່ຕ່ຳກ່ວາ 70,000 ພັນ

ນີ້ຄືຄວາມເສຍຫາຍທີ່ເກີດຂຶ້ນເປັນສິ່ງແລກພຽງເພາະເຈີສິ່ງລໍ້ຕາລໍ້ໃຈກໍ່ພ່າຍແພ້ຈຶ່ງຕ້ອງສູນເສຍເງິນກັບສິ່ງເຫຼົ່ານີ້ໄປບໍ່ໜ້ອຍເລີຍທາງອອກສຳຫຼັບນັກຊັອບຄວນຈຈກັດວົງເງິນໃນແຕ່ລະເດືອນວ່າຈະຊື້ເສື້ອຜ້າໄດ້ເທົ່າໃດເພື່ອຍັບຍັ້ງຊັ່ງໃຈບໍ່ໃຫ້ຊື້ຫາກຕ້ອງຜ່ານຮ້ານຂາຍເສື້ອຜ້າ ເຄື່ອງປະດັບ

 

ຂ່າວທົ່ວໄປ