ຝາກເປັນຂໍ້ຄິດເຕືອນໃຈ ຜູ້ຊາຍທີ່ຈະມາເປັນ ຜົວ ຫຼື ພໍ່ຂອງລູູກ ຈະໄດ້ເຂົ້າໃຈຜູ້ຍິງຫລາຍຂື້ນ

ຝາກເປັນຂໍ້ຄິດເຕືອນໃຈ ຜູ້ຊາຍທີ່ຈະມາເປັນ ຜົວ ຫຼື ພໍ່ຂອງລູູກ ຈະໄດ້ເຂົ້າໃຈຜູ້ຍິງຫລາຍຂື້ນ

ບົດ​ຄວາມ​ດີໆ​ຈາກ​ສາວຫຼາກຫຼາຍ​ຄວາມ​ສາ​ມາດ ແຮັບ​ປີ້ ພິ​ທີ​ກອນ​ສາວ ທີ່​ແຕ່ງດອງ​ຄອງ​ຮັກ​ກັບ​ໜຸ່ມ​ຫວານ​ໃຈ ຫວ່າງ​ທ້າຍ​ເດືອນ​ມີ​ນາ ປັດ​ຈຸ​ບັນ​ຊິ​ວິດ​ດີໆ ກຳລັງ​ມີ​ທາ​ຍາດ​ຮ່ວມ​ກັນ ສາວ​ແຮັບ​ປີ້​ໄດ້​ໂພ​ສ​ບົດ​ຄວາມ ອັນ​ເປັນ​ຂໍ້​ຄິດ​ຝາກ​ເຖິງ​ຜູ້​ຊາຍ​ກ່ອນ​ທີ່​ຈະ​ເປັນ​ຜົວ ແລະ​ພໍ​ຄົນ ແບບ​ນີ້​ວ່າ: ກ່ອນທີ່ຈະຕັດສິນໃຈ ຮັກຜູ້ຍິງຄົນ1 ເຈົ້າພ້ອມທີ່ຈະເປັນຜົວຫລື ເປັນ ພໍ່ຄົນ ຫລື ຍັງ ? ຖ້າຄຳຕອບຄືຍັງ ເຈົ້າກະບໍ່ຄວນ ຈະມີແຟນ ເພາະອານາຄົດ ເຂົາກະແມ່ນເມຍ ຄັນຮູ້ຈັກເຮັດເປັນ ກະຕ້ອງຮັບຜິດຊອບເປັນ‼️ ເພາະການມີເມຍ ມີລູກບໍ່ແມ່ນເລື່ອງງ່າຍ ໄດ້ເຂົາມາແລ້ວ

ບໍ່ແມ່ນສິຖິ້ມໆຄ່ວງໆ ຕອນເຂົາຖືພາ ເຂົາຕ້ອງປ່ຽນແປງຫຍັງຫລາຍຢ່າງ ເພື່ອລູກ ແລະ ເພື່ອເຈົ້າເພາະຕອນມີລູກທຸກຢ່າງຮ່າງກາຍກະປ່ຽນ ບໍ່ງາມຄືແຕ່ກ່ອນຕອນຖືພາກະເຈັບອ໋ອດໆແອດໆ “ໜ້າລຳຄານ” ປວດຫລັງປວດແອວ ປວດຂາ ປວດໄປຫມົດທຸກຢ່າງເໝື່ອຍກະເໝື່ອຍຕ່າງບ້ານຕ່າງເມືອງ ນັ່ງຢູ່ລ້າໆກະເໝື່ອຍຊື່ງຄົນອື່ນເບິ່ງ ກະວ່າ “ຂີ້ຄ້ານ”​ ບາດຍາມອະທິບາຍໄປ ກະວ່າຂໍ້ອ້າງ ເອົາລູກມາອ້າງ ຢາກສິບອກວ່າ ມາຖືເອງເບິ່ງ‼️ ຮູບຮ່າງ ຜິວພັນ ການແຕ່ງໂຕ ຈາກມັກແຕ່ງ ເຊັກຊີ່ ກະໄດ້ຢຸດທຸກຢ່າງ ກາຍເປັນອີ່ປ້າ ໂຊມໆ “ໜ້າເບື່ອ” ສຳລັບຜົວ

ຜົວເບື່ອອີ່ປ້າໂຊມໆ ຫມົດມື້ບໍ່ເຮັດຫຍັງ ບືດເຈັບບືດເອົາໃຈຍາກກິນຫຍັງກະຍາກ ຈົນຜົວຕ້ອງໄປຫາບ່ອນຜ່ອນຄາຍທາງນອກບ້ານ ແລະ ເປັນເຫດທີ່ຫລາຍໆແມ່ ເປັນແມ່ລ້ຽງດ່ຽວ ເພາະຜົວ ມາເຈິກັບສະພາບເຮົາແບບນີ້ ພໍໄປເຈິສິ່ງໃຫມ່ ກະເອົາມາປຽບທຽບກັບເຮົາ “ຕອນຖືພາ”​ທີ່ເຮົາເຮັດຫຍັງກັບໂຕເອງບໍ່ໄດ້

ເຮັດວຽກໜັກກະໄດ້ເບົາລົງ ເພື່ອຫລຸດຄວາມສ່ຽງໃຫ້ລູກ ກາຍເປັນພາລະໃຫ້ຜົວຂື້ນຕື່ມ ຄ່າໃຊ້ຈ່າຍໄປໂຮງໝໍ ຫລື ຄ່າຢາບຳລຸງ ຈັກອາລົມແປປວນ ຢາກໄດ້ຄວາມໃສ່ໃຈ ຈາກຜົວ ໂດຍທີ່ມັນມາເອງອັດຕະໂນມັດ ຊື່ງເບິ່ງຄື “ຮຽກຮ້ອງຄວາມສົນໃຈ”​ຍາມຢາກໄຫ້ ກະໄຫ້ໂດຍບໍ່ຮູ້ສາເຫດ ບໍ່ມີຄຳອະທິບາຍ ຊື່ງຍາກທີ່ຜົວຈະເຂົ້າໃຈໄດ້ ເພາະມັນຕ່າງຈາກຄົນທີ່ເຄີຍເປັນແຟນກັນໃນຕອນນັ້ນ ຊື່ງເປັນສາເຫດໃຫ້ຜົວຫລາຍໆຄົນຄິດ “ຢາກນອກໃຈເມຍ”​ ຕອນເມຍຖືພາ

ຢາກສິບອກຜົວວ່າ ທີ່ຂ້ອຍເປັນແບບນີ້ ກະຍ້ອນເຈົ້່າຍ້ອນອຸ້ມລູກໃຫ້ເຈົ້າ ໃຫ້ຄິດເຫັນຕອນເຈົ້າຢາກໄດ້ຂ້ອຍໃໝ່ໆ ກ່ອນທີ່ຈະຕັດສິນໃຈ ໄປກັບຜູ້ໃດ ພຽງເພາະ”ເບື່ອ”​ ເພາະຈຸດປ່ຽນແປງຂອງຜູ້ຍິງ ທຸກຄົນ ກະຄືຕອນຖືພາ ຕອນມີລູກ ຖ້າຜົວບໍ່ໜັກແໜ້ນ ທຸກຢ່າງກະແຕກຫັກ ບໍ່ມີຜູ້ຍິງຜູ້ໃດຢາກສູນເສຍຄວາມງາມຂອງໂຕເອງ ຖ້າຜົວມັກເມຍງາມ ຫລັງເມຍເກີດລູກ ກະເອົາເງິນໃຫ້ເມຍຊື້ແນວບຳລຸງ ໃຫ້ເມຍໄດ້ມີເວລາດູແລໂຕເອງ ເອົາລູກຊ່ວຍເມຍໃຫ້ເມຍໄດ້ເບິ່ງແຍງຄວາມສວຍງາມໂຕເອງ ຖ້າເຮັດບໍ່ໄດ້ ກະຢຸດຈົ່ມ ຫຸບປາກໄປ ເພາະດຽວນີ້ຄວາມງາມຕ້ອງໃຊ້ເງິນ

ຢາກຝາກໄວ້ເຖິງຜູ້ຊາຍຫລາຍໆຄົນໄວ້ວ່າ ຖ້າຮູ້ເຮັດແລ້ວ ກະຮູ້ຈັກຮັບຜິດຊອບ ດູແລເຂົາດີດີ ຜູ້ຍິງງາມໆ ຫາຍາມໃດກະໄດ້ມີຫລາຍຄົນສຳ່ໃດກະໄດ້ ແຕ່ຜູ້ຍິງທີ່ ມາເປັນແມ່ຂອງລູກເຈົ້າ ເມື່ອເລືອກກັນມາແລ້ວ ຄວນດູແລດີດີເຂົ້າໃຈເຂົາຫລາຍໆ ເພາະການຮັກສາສິ່ງໃດສິ່ງໜື່ງ ໃຫ້ດີທີ່ສຸດ ນັ້ນມັນຍາກກ່ອນການຊື້ໃໝ່ ຫລາຍ ພັນເທົ່າ

ປລ.​ຜົວຂ້ອຍບໍ່ທັນໄດ້ເປັນ ພຽງຝາກບົດຄວາມນີ້ໄວ້ໃຫ້ຜູ້ຊາຍ ຫລາຍໆຄົນໄດ້ຄິດ ເພື່ອຜົວໂຕເອງ ອ່ານໄວ້ນຳ

ທີ່ມາ: Soukphaphone phongsyla

ຂ່າວທົ່ວໄປ