ດາລາຮອນລີວຸດຕົວຈີງ ເຊີ່ງຄັ້ງໜຶ່ງມາເຖີງບ້ານເຮົາແຕ່ບໍ່ມີໃຜຮູ້

ດາລາຮອນລີວຸດຕົວຈີງ ເຊີ່ງຄັ້ງໜຶ່ງມາເຖີງບ້ານເຮົາແຕ່ບໍ່ມີໃຜຮູ້

ຫຼາຍຄັ້ງທີ່ຄົນດັງໆມາບ້ານເຮົາແຕ່ບໍ່ມີໃຜຮູ້ ໃນນັ້ນອາດຈະລວມທັງຜູ້ຊາຍຄົນນີ້ ແຮຣິສັນ ຟອດ ດາລາຮອນລີວຸດ ຊາວອາເມຣິກັນ ວັນເວລາຜ່ານໄປເປັນປີແລ້ວຫາກໍ່ຮູ້ ເພິ່ນໄດ້ພາຄອບຄົວມາປະຕິບັດທຳຢູ່ຫຼວງພະບາງ ມີໜ້ອຍຄົນຈະໄດ້ພາບບັນທຶກໄວ້

ຕາມຂ່າວລາຍງານ ດາລາລຸ້ນໃຫຍ່ທ່ານນີ້ໄດ້ພາຄອບຄົວມາປະຕິບັດທຳຢູ່ວັດຜາໂອ ຫຼວງພະບາງ ແຕ່ບໍ່ປະກົດເຫັນອອກຂ່າວເລີຍມີແຕ່ປະຊາຊົນຢູ່ຫ້ອງວາງສະແດງແຫ່ງໜຶ່ງໄດ້ຖ່າຍໄວ້ ອາດພຽງໃນນາມນັກທ່ອງທ່ຽວຕາເວັນຕົກຄົນໜື່ງເທົ່ານັ້ນ

ນອກຈາກທ່ານຜູ້ນີ້ແລ້ວ ທີ່ຜ່ານມາຍັງມີດາລາດັງລະດັບສາກົນຫຼາຍຄົນມາທ່ອງທ່ຽວ, ມາຮານີມູນກັນຫຼາຍຄູ່ ແຕ່ບໍ່ມີໃຜຮູ້ເຊັ່ນກັນ ໃນນັ້ນກໍ່ລວມທັງແອັດມິນ ນຳບໍທັນຈັກເທື່ອເພາະເພິ່ນບໍ່ສະແດງຕົວ ອີກຢ່າງນິໄສຂອງຫຼາຍຄົນບໍ່ມັກວາງຕົວໂກ້ຫຼູຍິ່ງເປັນດາລາດັງເຂົາແຫ່ງເຮັດຄືຄົນທຳມະດາໆ ໄທເຮົາເຈົ້າຂ້ອຍແນມໄປກໍ່ຄິດວ່າແມ່ນຝຣັ່ງນີ້ລະນໍ

ເວົ້າເລື່ອງດາລາ ແລະຄົນມີຊື່ສຽງມາທ່ຽວບ້ານເຮົາ ມີມາຕໍ່ເນື່ອງຍ້ອນປະເທດລາວຍັງຄົງຄວາມເປັນທຳມະຊາດໄວ້ຫຼາຍ ນອກຈາກນີ້ຮີດຄອງປະເພນີ, ການນຸ່ງຖື ການທຳມາຫາກິນຈະເວົ້າໄປແລ້ວລາວເຮົາຍັງມີລັກສະນະດັ້ງເດີມ ສະນັ້ນເຂົາຈິ່ງຫາໂອກາດມາຢາມບ້ານເຮົາເມື່ອມີເວລາວ່າງຈິ່ງຄວນຮັກສາໄວ້ຄວາມເປັນເອກະລັກຢ່າເຫີ່ສັງຄົມທາງນອກຫຼາຍຈົນເກີນໄປ

ຂ່າວບັນເທີງ