ເຈົ້າໜ້າທີ່ກວດຄົນເຂົ້າເມືອງຈັງຫວັດມຸກດາຫານ ຈັບຄົນລາວໄດ້ 6 ຄົນທີ່ລັກລອບເຂົ້າປະເທດໄທ

ເຈົ້າໜ້າທີ່ກວດຄົນເຂົ້າເມືອງຈັງຫວັດມຸກດາຫານ ຈັບຄົນລາວໄດ້ 6 ຄົນທີ່ລັກລອບເຂົ້າປະເທດໄທ

ເປັນເລື່ອງທີ່ໜ້າເສົ້າ ສຳລັບຄົນດື້ດ້ານ ແລະເປັນຄົນລາວ ຖືກຈັບຄາລົດໃນຂະນະທີ່ກຳລັງຂີ່ລົດເຂົ້າປະເທດແບບຜິດກົດໝາຍ ທ່າມກາງການເຝົ້າລະວັງ ແລະສັ່ງຫ້າມການເຂົ້າປະເທດຂອງຄົນຕ່າງດ້າວໃນທຸກໆປະເທດ ແຕ່ຄົນລາວຍັງຫຼອຍໄປຈົນໄດ້ ແລ້ວເຂົ້າໄປດ້ວຍວິທີໃດຖ້າບໍ່ແມ່ນຂ້າມທາງເຮືອ ສ່ຽງຊີວິດເຖິງສອງຕໍ່ເຈົ້າເອີຍ

ແຫຼ່ງຂ່າວຄວາມໝັ່ນຄົງຂອງໄທລາຍງານວ່າ ໃນວັນທີ 24 ມິຖຸນາຜ່ານມາເຈົ້າໜ້າທີ່ກວດຄົນເຂົ້າເມືອງຈັງຫວັດມຸກດາຫານ ສາມາດຈັບກຸມຂະບວນການລັກລອບຂົນແຮງງານຕ່າງດ້າວເຂົ້າໄປໃນພື້ນທີ່ 6 ລາຍ ລົບລີ້ໃນຫ້ອງນ້ຳ ແລະຫ້ອງນອນຂອງໂຊເຟີລົດໂດຍສານປະຈຳທາງ 1 ຄັນ

ເຊິ່ງເຈົ້າໜ້າທີ່ກວດກາຄົນເຂົ້າເມືອງໄດ້ທຳການຈັບກຸມຜູ້ກະທຳຜິດໃນຂໍ້ຫາລີ້ຊ່ອນ ແລະ ໃຫ້ຄົນຕ່າງດ້າວລົບໜີເຂົ້າເມືອງໂດຍຜິດກົດໝາຍ, ໃຫ້ຄົນຕ່າງດ້າວເຂົ້າມາລາຊະອານາຈັກໄທໂດຍບໍ່ໄດ້ຮັບອະນຸຍາດ ບວກໃສ່ຄົນລາວ 6 ຄົນລວມເປັນ 8 ຄົນທີ່ຖືກຈັບກຸມໃນຄັ້ງນີ້

ທັ້ງນີ້ກ່ອນຖືກຈັບແມ່ນເຈົ້າໜ້າທີ່ໄດ້ສັງເກດລົດຄັນທີ່ເຊື່ອງຊ້ອນຄົນລາວທັງໝົດນັ້ນ ເຫັນວ່າມີຄົນຂົນເຄື່ອງຂອງມະຍຸມະຍະຄ້າຍຄືຄົນຕ່າງດ້າວລັກເຂົ້າເມືອງຂຶ້ນລົດໂດຍສານປະຈຳທາງຈຳນວນ 6 ຄົນ ແລະຜູ້ຂັບໄດ້ພາອອກຈາກສະຖານີຂົນສົ່ງໂດຍສານຈັງຫວັດມຸກດາຫານມຸ່ງໜ້າສູ່ກຸງເທບ.

ເຈົ້າໜ້າທີ່ຊຸດສືບສວນຈິ່ງທຳການຕິດຕາມໄປ ປະກົດວ່າບໍ່ເຫັນຜູ້ໂດຍສານນັ່ງຢູ່ໃນລົດເລີຍ ຈົນຮອດດ່ານກວດໂຄວິດ-19 ອຳເພີໜອງສູງເຈົ້າໜ້າທີ່ຈິ່ງສະແດງຕົວເຂົ້າກວດຄົ້ນເທິງລົດໂດຍສານ ຈິ່ງພົບຄົນຕ່າງດ້າວທີ່ເປັນສັນຊາດລາວ ລົບລີ້ຢູ່ດ້ານລຸ່ມຂອງລົດຄັນດັ່ງກ່າວ ເປັນຍິງ 3 ຊາຍ3 ທັງໝົດ 6 ລາຍ

ຈາກການສອບສວນໃຫ້ຮູ້ວ່າ ລົບໜີມາປະເທດໄທດ້ວຍເຮືອ ມາພັກຢູ່ມຸກດາຫານກ່ອນເຂົ້າກຸງເທບ ໂດຍມີຜູ້ຊາຍມາຖາມວ່າຈະໄປກຸງເທບບໍ ແລະຕົນວ່າໄປຈິ່ງຕົກລົງຄ່າຈ້າງໂດຍສານຄົນລະ 1000 ບາດ ລວມ 6 ຄົນ 6000 ເພື່ອໃຫ້ໂຊເຟີລົດຊ່ວຍເອົາໄປສົ່ງ.

ຂ່າວທົ່ວໄປ