ທ່ານ ບົວເງິນ ຊາພູວົງ ແລະ ທ່ານ ສະຫວັນຄອນ ຣາຊມຸນຕີ ຮອງລັດຖະມົນຕີກະຊວງ ຖວທ ອອກພັກການຮັບອຸດໜູນບໍານານ

ທ່ານ ບົວເງິນ ຊາພູວົງ ແລະ ທ່ານ ສະຫວັນຄອນ ຣາຊມຸນຕີ ຮອງລັດຖະມົນຕີກະຊວງ ຖວທ ອອກພັກການຮັບອຸດໜູນບໍານານ

ກະຊວງ ຖະແຫລງຂ່າວ, ວັດທະນະທໍາ ແລະ ທ່ອງ ທ່ຽວ (ຖວທ) ຈັດພິທີປະກາດພະນັກງານການນໍາຂັ້ນສູງອອກພັກການຮັບອຸດໜູນບໍານານ ໃນຕອນເຊົ້າວັນທີ 10 ມິຖຸນາ 2021 ທີ່ຫໍວັດທະນະທໍາແຫ່ງຊາດ, ນະຄອນ ຫລວງວຽງຈັນ ໂດຍມີ ທ່ານ ນາງ ສວນສະຫວັນ ວິຍະເກດ, ກໍາມະການສູນກາງພັກ, ລັດຖະມົນຕີກະຊວງ ຖວທ, ພ້ອມດ້ວຍຕາງໜ້າຈາກບັນດາກົມອ້ອມຂ້າງກະຊວງ ຖວທເຂົ້າຮ່ວມ

ໃນພິທີ ທ່ານ ສີອຳພອນ ຈັນລາຕີ ຕາງໜ້າຈາກຄະນະຈັດຕັ້ງສູນກາງພັກ ໄດ້ຂຶ້ນຜ່ານສອງດຳລັດຂອງນາຍົກລັດ ຖະມົນຕີ ວ່າດ້ວຍການອະນຸມັດໃຫ້ພະນັກງານການນຳຂັ້ນສູງອອກພັກການຮັບອຸດໜູນບໍານານ ຄື: ດຳລັດສະບັບເລກທີ 260, ລົງວັນ ທີ 1 ເມສາ 2021 ອະນຸມັດໃຫ້ ທ່ານ ບົວເງິນ ຊາພູວົງ, ຮອງລັດຖະມົນຕີກະຊວງ ຖວທ ອອກພັກການຮັບອຸດໜູນບໍານານ

ແລະ ດຳລັດສະບັບເລກທີ300, ລົງວັນທີ 26 ເມສາ 2021 ອະນຸມັດໃຫ້ ທ່ານ ສະ ຫວັນຄອນ ຣາຊມຸນຕີ ຮອງລັດຖະມົນຕີກະຊວງ ຖວທ ອອກພັກການຮັບອຸດໜູນບໍານານ

ຫລັງຈາກນັ້ນ ທ່ານ ລືໄຊ ສິນທະວົງ, ຮອງຫົວໜ້າກົມຈັດຕັ້ງ, ກະຊວງ ຖວທ ໄດ້ຂຶ້ນຜ່ານດຳລັດຂອງນາຍົກລັດ ຖະມົນຕີ ສະບັບເລກທີ 309, ລົງວັນທີ 11 ພຶດສະພາ 2021 ອະນຸມັດໃຫ້ ທ່ານ ທອງໃບ ໂພທິສານ, ຫົວໜ້າກົມມໍລະດົກ ອອກພັກການຮັບອຸດໜູນບໍານານ

ຂ່າວທົ່ວໄປ