ທ່ານ ຫລື ສະຫາຍ ເອີ້ນຈັ່ງໃດຫວະ?​

ທ່ານ ຫລື ສະຫາຍ ເອີ້ນຈັ່ງໃດຫວະ?​

ເລື່ອງການເມືອງເລັກໆນ້ອຍໆອະທິບາຍງ່າຍໆສະຕາຍໄວລຸ້ນ

> ທ່ານຫລືສະຫາຍເອີ້ນຈັ່ງໃດຫວະ?​

ຖ້າໃນສາຍພັກຖານະນາມນຳຫນ້າເວລາຮຽກຊື່ແມ່ນ

”​ສະຫາຍ”​ ຕົວຢ່າງ: ສະຫາຍທອງລຸນສີສຸລິດເລຂາທິການໃຫຍ່ຄະນະບໍລິຫານສູນກາງພັກຯລຯ

ຖ້າໃນສາຍລັດຖານະນາມນຳຫນ້າຈະແມ່ນທ່ານ, ດຣ,​ ພັທ,….

ຕົວຢ່າງທ່ານA ນາຍົກລັດຖະມົນຕີຯລຯ

ສ່ວນພະນະທ່ານ,​ ປະທານມັກຈະໃຊ້ຮຽກເອີ້ນຜູ້ນຳຕຳແຫນ່ງສູງສຸດເຊັ່ນປະທານສຸພານຸວົງ(ມາຈາກປະທານປະເທດນັ້ນລະ).

>ການເມືອງ2 ສາຍພາຍໃຕ້ສະໂລແກນພັກນຳພາລັດຄຸ້ມຄອງ‘​

1.ສາຍພັກ: ລວມມີ  ກຳມະການກົມການເມືອງ,​ ກຳມະການສູນກາງພັກ(ຍັງມີຄະນະສຳຮອງອີກຄະນະຫນຶ່ງສະເພາະ)​,​ ເລຂາທິການສູນກາງພັກ,​ ແລະຕຳແຫນ່ງສູງສຸດເອີ້ນວ່າເລຂາທິການໃຫຍ່ຄະນະບໍລິຫານງານສູນກາງພັກເຊັ່ນ: ສະໄຫມທີXI ແມ່ນສະຫາຍທອງລຸນສີສຸລິດ

2.ສາຍລັດ: ລວມມີ3 ອຳນາດຄື: ນິຕິບັນຍັດ(ສະພາ),​ ບໍລິຫານ(ລັດຖະບານ)​ ແລະຕຸລາການ(ສານ).

ມາລົງເລິກເລື່ອງລັດຖະບານຫນ້ອຍຫນຶ່ງ

ລັດຖະບານແມ່ນຫຍັງ?

ແມ່ນອົງກອນບໍລິຫານປະເທດໂດຍມີນາຍົກເປັນຫົວຫນ້າອົງກອນ.​

ຍົກຕົວຕົວຢ່າງຕຳແຫນ່ງທີ່ເຮົາຄຸ້ນເຄີຍໃນສາຍລັດຄືປະທານປະເທດ(ເອີ້ນກັນວ່າປະມຸກລັດ)​, ນາຍົກລັດຖະມົນຕີ,​ ລັດຖະມົນຕີແຕ່ລະກະຊວງ,….

> ແລ້ວຜູ້ທີ່ໄດ້ຕຳແຫນ່ງໃນສາຍພັກຈະຄວບສາຍລັດກະຄືທ່ານທອງລຸນຫາກໄດ້ແຕ່ງຕັ້ງເປັນເລຂາທິການໃຫຍ່ກໍຈະເປັນປະທານປະເທດພ້ອມ(ສະໄຫມທີ11 ຍັງບໍ່ໄດ້ປະກາດປະທານປະເທດເປັນທາງການເທື່ອຂໍ້ມູນ15/1/21)

>>ປະທານປະເທດ, ນາຍົກໃຜຕຳແຫນ່ງໃຫຍ່ສຸດ?​

ປະທານປະເທດໃຫຍ່ກວ່າ: ມີສິດປະກາດໃຊ້ລັດຖະທຳມະນູນ,​ ອອກລັດຖະດຳລັດລັດຖະບັນຍັດ, ມີສິດສະເຫນີແຕ່ງຕັ້ງຫລືປົດຕຳແຫນ່ງນາຍົກເຈົ້າແຂວງເຈົ້າຄອງ,​ ເປັນປະທານກອງປະຊຸມລັດຖະບານ,​ ຕົກລົງປະດັບຍົດຖາບັນດາສັກສູງສຸດແຫ່ງລັດແລະອື່ນໆ

>>ໃຜສາມາດເລືອກຕັ້ງແລະປົດຕຳແຫນ່ງປະທານປະເທດ??

ສະພາສາມາດເລືອກຕັ້ງແລະປົດຕຳແຫນ່ງປະທານປະເທດ(ຕາມການສະເຫນີຂອງຄະນະປະຈຳສະພາແຫ່ງຊາດ)​ ແລ້ວກະເລືອກຕັ້ງຫລືປົດຕຳແຫນ່ງນາຍົກ(ຕາມການສະເຫນີຂອງປະທານປະເທດ)

ສະຫລຸບກະຄືທຸກໆຕຳແຫນ່ງສຳຄັນຂອງຜູ້ນຳລະດັບປະເທດສະພາຄືຜູ້ປະກາດຮັບຮອງເອົາການແຕ່ງຕັ້ງຫລືປົດຕຳແຫນ່ງຢ່າງເປັນທາງການໂດຍການສະເຫນີຈາກພາກສ່ວນທີ່ກ່ຽວຂ້ອງ.

>>ກອງປະຊຸມໃຫຍ່ຜູ້ແທນທົ່ວປະເທດຂອງພັກປະຊາຊົນປະຕິວັດລາວແມ່ນຫຍັງ???

ກໍຄືການຮວມໂຕກັນຂອງຜູ້ແທນທົ່ວປະເທດເພື່ອມາປຶກສາຫາລືແນວທາງນະໂຍບາຍໃນການພັດທະນາປະເທດຊາດລວມໄປເຖິງການເລືອກຕັ້ງຄະນະບໍລິຫານງານແຕ່ລະສະໄຫມເນື່ອງຈາກກອງປະຊຸມໃຫຍ່ຈະຈັດເປັນລາຍ5 ປີນັ້ນຫມາຍເຖິງການບໍລິຫານງານ1 ສະໄຫມ.

ກອງປະຊຸມຄັ້ງທຳອິດຈັດຂຶ້ນເມື່ອປີ1955 ຢູ່ຫົວພັນຈັດຂຶ້ນກ່ອນປະເທດຈະປົດປ່ອຍອີກ(ຕອນນັ້ນຍັງແມ່ນພັກປະຊາຊົນລາວ)​ ຈົນມາຮອດປັດຈຸບັນແມ່ນຈັດເປັນຄັ້ງທີXI ແລ້ວ(ເຂົານິຍົມຂຽນເປັນເລກໂຣແມງ).

.​ມັນອາດຈະບໍ່ແມ່ນຂໍ້ມູນລະອຽດຄົບຖ້ວນເພາະມັນສັງລວມມາ

.​2 ອາດບໍ່ແມ່ນສຳນວນການເມືອງຫມົດເພາະຢາກອະທິບາຍງ່າຍໆ(ເພື່ອໃຜຈະດຣາມ້າ)

.​3: ອໍ້! ແລ້ວງົບ70 ຕື້ນັ້ນບໍ່ແມ່ນເປັນຄ່າອໍແກໄນ້ງານ3 ມື້ເດີແຕ່ລວມຄ່າກະກຽມງານມາເປັນປີໆ,​ ການລົງເຄື່ອນໄຫວຕາມທ້ອງຖິ່ນຂອງຄະນະຜູ້ແທນແລະອື່ນໆເຂົ້າໃຈນຳກັນເນາະ

CR:

ຂ່າວທົ່ວໄປ