ນັກການທູດລາວໂຕ້ຕອບກັບ ທີ່ອະດີດທູດສິງກະໂປສະເຫນີໃຫ້ເອົາ ລາວ ແລະ ກຳປູເຈຍ ອອກຈາກອາຊຽນ

ນັກການທູດລາວໂຕ້ຕອບກັບ ທີ່ອະດີດທູດສິງກະໂປສະເຫນີໃຫ້ເອົາ ລາວ ແລະ ກຳປູເຈຍ ອອກຈາກອາຊຽນ

ຍ້ອນບົດຂຽນຂອງ ທູດບິນລາຮາຣີ ກໍສິກັນ ລົງວັນທີ 24 ຕຸລາ 2020.ເນຶ້ອໃນຂອງບົດຂຽນດັ່ງກ່າວໄດ້ສົ່ງເສີມຄວາມແຕກແຍກພາຍໃນອາຊຽນທີ່ສະແດງ ອອກໃນແນວຄວາມຄິດຂອງ ທ. ກໍສິກັນ ທີ່ສະເໜີວ່າ ອາຊຽນຄວນຂັບໄລ່ ລາວ ແລະ ກຳປູເຈຍ ອອກໄປຖ້າຫາກສອງປະເທດນີ້ສືບຕໍ່ເອົາທາງເລືອກທີ່ ຜິດພາດ ຫຼືວ່າ ຖືກບົງ ການໂດຍອຳນາດອິດທິພົນພາຍນອກໃດໜຶ່ງ. ໃນນີ້, ພວກເຮົາບໍ່ພຽງແຕ່ຢາກແຈ້ງ ໃຫ້ປະ ຊາຄົມສາກົນຊາບເທົ່ານັ້ນ ແຕ່ກໍຕ້ອງ ການເຕືອນຄວາມຊົງຈຳຂອງ ທູດບິນລາຮາຣີ ກໍສິກັນ ວ່າບົດຂຽນຂອງຜູ້ກ່ຽວ ແມ່ນລ້ວນແລ້ວແຕ່ມີລັກສະນະຂອງຄົນທີ່ມີ “ສາຍຕາສັ້ນ”, ເບິ່ງ ແບບຜິວເຜີນ, ບິດເບືອນ ແລະ ມີການຕີລາຄາແບບຜິດພາດ

ບົດຄວາມດັ່ໄດ້ສ້າງສຽງວິພາກວິຈານໃນໂລກອອນລາຍ ອະດີດນັກການທູດຂອງສິງກະໂປຄົນນີ້ມີຊື່ວ່າ ບິລາຮາຣິ ກໍສິກັນ ເຊິ່ງເປັນອະດີດເລຂາທິການຖາວອນ ປະຈຳກະຊວງການຕ່າງປະເທດຂອງສິງກະໂປ

ອະດີດນັກການທູດທ່ານນີ້ໄດ້ກ່າວໂທດລາວ ແລະ ກຳປູເຈຍວ່າໄດ້ຫຼົງທາງຈາກຄຳຂວັນຂອງອິນໂດເນເຊຍທີ່ວ່າ “ຄວາມສາມາດໃນການປັບໂຕຂອງຊາດຈະຊ່ວຍເສີມສ້າງຄວາມສາມາດໃນການປັບໂຕຂອງພາກພື້ນ”. “ເວົ້າຢ່າງກົງໄປກົງມາກໍຄື, ຂ້າພະເຈົ້າເຫັນວ່າ ກຳປູເຈຍ ແລະ ລາວ ໄດ້ເລືອກທາງເດີນທີ່ຜິດພາດ ເຊິ່ງນັ້ນໄດ້ນຳໄປສູ່ຜົນໄດ້ຮັບທີ່ໜ້າສະຫຼົດໃຈ ສຳລັບປະເທດຂອງພວກເຂົາໃນປາຍຊຸມປີ 1960 ແລະ ຊຸມປີ 1970

ນັກການທູດບຳນານຂອງລາວຂຽນຈົດໝາຍເປີດຊອງ “ພວກເຮົາຮູ້ສຶກເຈັບປວດ ແລະ ຖືກທຳຮ້າຍເຖິງສ່ວນເລິກຂອງຫົວໃຈ”

ເວັບໄຊຂອງໜັງສືພິມລາວພັດທະນາໄດ້ເຜີຍແຜ່ຈົດໝາຍເປີດຊອງທີ່ຂຽນໂດຍບັນດານັກການທູດບຳນານຂອງລາວ ເຊິ່ງເນື້ອໃນໄດ້ມີການຕັ້ງຄຳຖາມ ແລະ ໂຕ້ຕອບຕໍ່ແນວຄິດດັ່ງກ່າວຂອງທ່ານ ກໍສິກັນ ໂດຍຊີ້ວ່າ ບົດຂຽນດັ່ງກ່າວເປັນການສົ່ງເສີມການແບ່ງແຍກອາຊຽນ.

ຈົດໝາຍດັ່ງກ່າວລະບຸວ່າ ບົດຂຽນຂອງຜູ້ກ່ຽວລ້ວນແລ້ວແຕ່ມີລັກສະນະຂອງຄົນ “ສາຍຕາສັ້ນ, ຜິວເຜີນ, ບິດເບືອນ ແລະ ມີການຕີລາຄາແບບຜິດພາດ.” ພ້ອມນັ້ນບັນດານັກການທູດບຳນານຂອງລາວຍັງໄດ້ສະແດງຄວາມເສຍໃຈທີ່ ທ່ານ ກໍສິກັນ ໄດ້ຖືເບົາຕໍ່ “ສົງຄາມທຳລາຍອັນຍືດເຍື້ອ ທີ່ສ້າງຄວາມຂົມຂື່ນໃຫ້ປະຊາຊົນທັງສອງຊາດ (ລາວ ແລະ ກຳປູເຈຍ)” ພ້ອມຍັງໄດ້ກ່າວເຖິງຄວາມຫຍຸ້ງຍາກທີ່ເກີດຈາກສົງຄາມ ທີ່ຍັງສົ່ງຜົນກະທົບຕໍ່ການສ້າງສາພັດທະນາປະເທດຊາດຂອງປະຊາຊົນລາວໃນປັດຈຸບັນເປັນຕົ້ນກໍແມ່ນ ລະເບີດບໍ່ທັນແຕກ

ຈົດໝາຍຍັງໄດ້ອະທິບາຍອີກວ່າ ສປປ ລາວຮູ້ດີເຖິງຄວາມເປັນເອກະລາດ, ສັນຕິພາບ ແລະ ການຮ່ວມມືເພື່ອການພັດທະນາ. “ເຂົາເຈົ້າກໍບໍ່ຮູ້ໜ້ອຍໄປກວ່າປະຊາຊົນຊາດອື່ນໆຢູ່ໃນໂລກ ວ່າປະເທດຕົນຄວນດຳເນີນແນວທາງການຕ່າງປະເທດອັນໃດເພື່ອໃຫ້ສອດຄ່ອງກັບຜົນປະໂຫຍດແຫ່ງຊາດຂອງຕົນ

ບັນດານັກການທູດບຳນານຍັງໄດ້ເຕືອນຄວາມຊົງຈຳຂອງທ່ານ ກໍສິກັນ ໃນຈົດໝາຍດັ່ງກ່າວວ່າ ນັບຕັ້ງແຕ່ເຂົ້າເປັນສະມາຊິດຂອງອາຊຽນຕັ້ງແຕ່ວັນທີ 23 ກໍລະກົດ 1997 ລາວໄດ້ວາງຕົນເປັນປະເທດສະມາຊິກທີ່ມີຄວາມພາກພູມໃຈເປັນຢ່າງຍິ່ງ ແລະ ມີຄວາມຮັບຜິດຊອບສູງຂອງອົງການ ໂດຍປະຕິບັດຫຼັກການຕ່າງໆຢ່າງເຄັ່ງຄັດ, ພັດທະນາເສດຖະກິດ-ສັງຄົມຂອງຕົນໃຫ້ມີຄວາມກົມກຽມກັບການສ້າງປະຊາຄົມອາຊຽນ ແລະ ປະກອບສ່ວນສຳຄັນດ້ວຍຫຼາຍວິທີການໃຫ້ກັບອາຊຽນ ເປັນຕົ້ນແມ່ນ ສະຖຽນລະພາບທາງດ້ານການເມືອງຂອງລາວ ແລະ ທາງລົດໄຟເຊື່ອມຕໍ່ກັບຈີນທີ່ຈະນຳເອົາຜົນປະໂຫຍດມາສູ່ອາຊຽນ ເຊິ່ງຈະເປັນໜຶ່ງໃນການປະຕິບັດແຜນແມ່ບົດໃນການເຊື່ອມຈອດອາຊຽນພາຍໃນປີ 2025 ໃຫ້ປາກົດຜົນເປັນຈິງ

ອ່ານໄດ້ເພີ່ມເຕີມ https://www.laophattananews.com/archives/92536

ຂ່າວທົ່ວໄປ