ບົວຂາວ ນັກມວຍຊື່ດັງ ກັບຄວາມສຸກແບບຕິດດິນ ເຖິງຈະຮັ່ງມີ ແຕ່ທຸກ​ມື້ນີ້ຍັງໃຊ້​ຊີວິດ​ແບບເກົ່າ

ບົວຂາວ ນັກມວຍຊື່ດັງ ກັບຄວາມສຸກແບບຕິດດິນ ເຖິງຈະຮັ່ງມີ ແຕ່ທຸກ​ມື້ນີ້ຍັງໃຊ້​ຊີວິດ​ແບບເກົ່າ

ບົວ​ຂາວ ບັນ​ຊາ​ເມກ ນັກ​ຊົກ​ຂວັນ​ໃຈ​ຊາວ​ໄທ ແລະ ຊາວລາວຫຼາຍຄົນ ທີ່​ເຖິງວ່າ​ຈະ​ມີ​ຄ່າໂຕ​ຫຼາຍ​ລ້ານ​ບາດ (ສະກຸນເງິນໄທ)​ ໃນ​ການ​ຊົກ​ແຕ່​ລະຄັ້ງ ພ້ອມທັງ​ໄດ້ຮັບ​ການ​ຍອມ​ຮັບ​ໃນ​ວົງ​ການ​ການ​ຕໍ່ສູ້​ທັງ​ໃນ​ຢຸ​ໂຣບ ແລະ​ ເອ​ເຊຍ ຈົນ​ກາຍ​ເປັນ​ຄົນ​ດັງ​ໃນ​ວົງ​ການ​​ມວຍສາກົນ

ແຕ່​ສິ່ງ​ໜຶ່ງ​ທີ່​ຜູ້ກ່ຽວ​ບໍ່​ເຄີຍ​ລືມ​ກໍ​ຄື​ການ​ເລືອກ​ທີ່​ຈະ​ໃຊ້​ຊີວິດ​ແບບ​ຕິດ​ດິນ​ສະເໝີ​ມາ ໂດຍ​ເຮັດ​ຕັ້ງ​ແຕ່​ສະໄໝ​​ຢ​ູ​ູ​່​ທີ່​ບ້ານ​ເກີດ​ໃນ ອຳເພີສຳ​ໂຣງ​ທາບ ແຂວງສຸ​ຣິນ​ ປະເທດໄທ ຈົນ​ເຖິງ​ໃນ​ປັດຈຸບັນ​ທີ່​ຍ້າຍ​ໄປ​ຕັ້ງຄ້າຍ​ໃໝ່​ທີ່ “ບົວ​ຂາວ ວິນ​ເລດ” ໃນ​ອຳ​ເພີ​ເ​ເມ່​ແຕງ ແຂວງ​ຊຽງ​ໃໝ່

ໂດຍ​ຊີວິດ​ຂອງ​ຍອດ​ນັກ​ມວຍ​ໄທ​ທີ່​ມີ​ຊື່​ສຽງລະ​ດັບ​ໂລກ​ແບບ​ລາວ ຈະ​ມີ​ໃຜ​ຮູ້​ແດ່ວ່າ​ ໄລຍະ​ເວລາ​ທີ່​ບໍ່​ມີ​ໂປຣ​ແກຣມ​ຊ້ອມ ລາວ​ກໍໃຊ້​ເວລາ​ເຮັດ​ຫຍັງ​ໄປແດ່. “ບົວ​ຂາວ” ບໍ່​ເຄີຍ​ຄິດວ່າ​ໂຕ​ເອງ​ຄື​ຄົນ​ເດັ່ນ​ຄົນ​ດັງ​ຫຍັງ ທຸກ​ມື້​ຄື​ການ​ໃຊ້​ຊີວິດ​ແບບເກົ່າ

ຫວ່ານ​ແຫຫາ​ປາ ຄື​ກິດຈະກຳ​ສຸດ​ມັກ​ຂອງລາວ ນອກ​ຈາກ​ນີ້​ລາວ​ຍັງມີ​ຄວາມ​ສຸກ​ທີ່​ມັນ​ສະແດງ​ອອກ​ທາງ​ສາຍ​ຕາ​ຂອງລາວ. ລາວ​ກໍ​ບໍ່​ເຄີຍ​ລືມ​ວ່າ​ໂຕ​ເອງ ເກີດ​ມາ​ຈາກ​ຫຍັງ ແລະ​ນີ້​ຄື​ສິ່ງ​ທີ່​ໜ້າ​​ຊົມເຊີຍ​ຂອງ​ການ​ເປັນໂຕ​ຂອງ​ໂຕ​ເອງ

ຊີວິດ​ໃນ​ສັງ​ວຽນ​ມວຍ​ເຖິງວ່າ​ຈະ​ໄດ້​ມາ​ດ້ວຍ​ຊັບ​ສິນ​ເງິນ​ຄຳ ແຕ່​ສິ່ງ​ທີ່​ລາວ​ບອກ​ສະເໝີວ່າ “ຄວາມ​ສຸກ” ທີ່​ຍິ່ງ​ກວ່າ ຄື​ການ​ໄດ້​ໃຊ້​ຊີວິດ​ໃນ​ບ້ານ​ນອກແບບ​ນີ້ ເຊິ່ງ​ຜູ້ກ່ຽວ​ເປີດເຜີຍ​ວ່າ​ເຮັດ​ມາ​ດົນ ແລະ ​ຈະ​ເຮັດ​ຕະຫຼອດ​ໄປ

ມື້​ນີ້​ເຮົາ​ເລີຍ​ມີ​ພາບ​ກິດຈະກຳ ໃນ​ແບບ​ຂອງ ບົວ​ຂາວ​ ແບບ​ຜູ້​ບ່າວ​ໄທ​ບ້ານ ໄປ​ເບິ່ງ​ກັນ​ວ່າ​ມີ​ຫຍັງ​ແດ່​ທີ່​ເບິ່ງ​ແລ້ວ​ເພີນ​ໄປ​ອີກ​ແບບ

ຂ່າວທົ່ວໄປ