ສານສັ່ງຂັງເມຍ 17ຊົ່ວໂມງ ຫຼັງບັງຄັບໃຫ້ຜົວເຮັດວຽກເຮືອນເກືອບທຸກມື້

ສານສັ່ງຂັງເມຍ 17ຊົ່ວໂມງ ຫຼັງບັງຄັບໃຫ້ຜົວເຮັດວຽກເຮືອນເກືອບທຸກມື້

ສ່ວນຫຼາຍເຮົາຈະເຄີຍໄດ້ເຫັນ ແລະ ໄດ້ຍິນວ່າຜົວຈະບັງຄັບເມຍເຮັດວຽກເຮືອນ ດົນໆເທື່ອຖຶງຈະໄດ້ຍິນເມຍບັງຄັບຜົວ ເຊັ່ນດຽວກັບ “ໄມເຄິລ ແຊນເດີຣ໌” ເຂົານັ້ນຖືກ “ເມຍບັງຄັບ” ດຸດ່າໃຫ້ໄປເຮັດວຽກເຮືອນຢູ່ສະເໝີ ຖຶງຢ່າງນັ້ນ ໃຜຈະໄປຄິດວ່າການທີ່ເມຍຂອງເຂົາເຮັດພຶດຕິກຳດັ່ງກ່າວຈະສົ່ງຜົນໃຫ້ “ເຂົາຕ້ອງຖືກຈັບເຂົ້າຄຸກ”

ຊີວິດຮັກຂອງທັງຄູ່ໃນຕອນທຳອິດກໍເບິ່ງຄືຈະເປັນໄປໄດ້ດ້ວຍດີ “Michael ແລະ Valerie Sanders” ຄືຄູ່ຮັກອາຍຸ 58 ປີ ແຫ່ງສະຫະລາຊະອານາຈັກ ທັງສອງນັ້ນພົບກັນໃນໂລກອອນໄລນ໌ຕັ້ງແຕ່ປີ 2012

ພໍຜ່ານໄປໄດ້ 2 ປີ ພວກເຂາຈຶ່ງຕັດສິນໃຈແຕ່ງງານກັນ ໃຊ້ຊີວິດຢູ່ນຳກັນມາເປັນເວລາພໍສົມຄວນ ໂດຍໃນຊ່ວງທຳອິດກໍ່ເບິ່ງຄືວ່າຄວາມຮັກທີ່ມີໃຫ້ກັນນັ້ນມັນຊ່າງງົດງາມເຫຼືອເກີນ ຫຼັງຈາກ ທີ່ທັງສອງແຕ່ງງານຢູ່ກິນກັນຢ່າງຜົວເມຍ ທາງຝັ່ງ Michael ນັ້ນກໍ່ໄດ້ເຈີກັບວຽກໃໝ່ທີ່ເຮັດໃຫ້ເຂົາຮູ້ສຶກມີຄວາມສຸກກັບການເຮັດວຽກເປັນຢ່າງຫຼາຍ ນັ້ນຄືວຽກ ຜູ້ຈັດການປະຈຳຟິດເນັດ ເມື່ອປ່ຽນວຽກໃໝ່ກັບຫຼາຍໆຢ່າງທີ່ປ່ຽນແປງໄປ ແລະ ສິ່ງນັ້ນເອງທີ່ Valerie ບອກວ່າມັນຄືຈຸດເລີ່ມຕົ້ນຂອງອີຫຍັງຫຼາຍໆຢ່າງທີ່ປ່ຽນແປງໄປໂດຍສິ້ນເຊິງ ເພາະຜົວຂອງເຂົາເລີ່ມກາຍເປັນຄົນ “ເສບຕິດການຫຼິ້ນຟິດເນັດ” ເລີ່ມສົນໃຈທີ່ຈະເປັນນັກເພາະກາຍ

ນັບຕັ້ງແຕ່ນັ້ນມາ ພວກເຂົາກໍ່ເລີ່ມທີ່ຈະຫ່າງກັນອອກໄປເລື່ອຍໆ ເລີ່ມບໍ່ຄ່ອຍໄປໃສມາໃສນຳກັນອີກ Michael ມຸ່ງຄວາມສົນໃຈໃຫ້ກັບແຕ່ເລື່ອງຂອງການສ້າງກ້າມ ໄດເອຕ ລວມໄປຖຶງການລ້າງລົດ

ຜູ້ເປັນເມຍກ່າວວ່າ ຜົວຂອງເຂົາມັກຈະອອກໄປຫຼິ້ນຟິດເນັດຢູ່ເປັນປະຈຳ ເພາະກັບມາເຮືອນແລ້ວກໍຈະເພີດເພີນຢູ່ກັບການລ້າງລົດສຸດຮັກຂອງເຂົາ ຊຶ່ງໃຊ້ເວລານານກວ່າ 4 ຊັ່ວໂມງຕໍ່ຄັ້ງ

ເຂົາຮູ້ສຶກບອກວ່າ ສິ່ງເຫຼົ່ານັ້ນເຮັດໃຫ້ຕົນເອງເກືອບບໍ່ໄດ້ເຫັນໜ້າຜົວເລີຍໃນແຕ່ລະມື້ Valerie ເລີ່ມຮູ້ສຶກບໍ່ໂອເຄກັບການທີ່ຜົວໃຫ້ຄວາມສົນໃຈແຕ່ກາເພາະກາຍ ແລະ ລ້າງລົດ ເຂົາຈຶ່ງພະຍາຍາມທີ່ຈະບີບບັງຄັບ ໃຫ້ຜົວມາຊ່ວຍວຽກເຮືອນ ຈົນໃນບາງເທື່ອກໍ່ຖຶງຂັ້ນດຸດ່າຜົວດ້ວຍຄວາມບໍ່ພໍໃຈ ຈົ່ມໃຫ້ຟັງຢູ່ຕະຫຼອດປະມານວ່າ ເຊົາເອົາແຕ່ລ້າງລົດໄດ້ແລ້ວ

ເຂົາບອກໃຫ້ຜົວເຂົ້າມາຊ່ວຍວຽກເຮືອນຢ່າງເຊັ່ນການດູດຝຸ່ນ ແລະ ຂັດເຮັດຄວາມສະອາດເຟີນິເຈີຕ່າງໆ ທີ່ບາງເທື່ອຮອຍເຫຼົ່ານັ້ນກໍ່ອາດເກີດຈາກຝີມືຂອງ ນ້ອງຫມາສອງໂຕທີ່ທັງຄູ່ລ້ຽງເອົາໄວ້ໃນເຮືອນ ບໍ່ແມ່ນແຄ່ຕອນເຈີໜ້າກັນເທົ່ານັ້ນ ແມ້ແຕ່ຕອນທີ່ເຂົາອອກໄປຂ້າງນອກ ເຂົາກໍ່ຈະຂຽນໃສ່ເຈ້ຍເພື່ອໂນ້ດເອົາໄວ້ວ່າ Michael ຕ້ອງເຮັດວຽກເຮືອນຫຍັງແນ່ໃນມື້ນັ້ນ

ສິ່ງທີ່ເຂົາເຮັດສົ່ງຜົນກະທົບຕໍ່ຄວາມຮູ້ສຶກຜົວຢ່າງຫຼາຍ ຈາກນັ້ນໃນເດືອນເມສາ 2018 ໄດ້ມີການ ກວດສອບສຸກຂະພາບ ຂອງພະນັກງານພາຢໃນສູນຟິດເນັດທີ່ Michael ເຮັດວຽກຢູ່ ຊຶ່ງຜົນຫລັບອອກມາວ່າເຂົາກຳລັງປະສົບປັນຫາໃນເລື່ອງຂອງອາລົມຄວາມຣູ້ສຶກທາງລົບ

ເມື່ອສອບຖາມເຂົາຖຶງໄດ້ຮູ້ວ່າ ສ່ວນສຳຄັນນັ້ນເປັນຜົນມາຈາກການທີ່ເຂົາຖືກເມຍບັງຄັບໃຫ້ຕ້ອງເຮັດວຽກເຮືອນຕະຫຼອດເກືອບທຸກມື້ ຮູ້ສຶກຄື ຖກຄວບຄຸມ ຢູ່ເລື່ອຍໆ ຖືກຕໍ່ວ່າເວລາທີ່ເຂົາເຮັດໃນສິ່ງທີ່ັກ ມັນບໍ່ແມ່ນຄວາມຮັກກອີກຕໍ່ໄປແລ້ວ ເມຍຂອງເຂົາມັກຈະຈູບ ແລະ ກອດນ້ອງໝາທັງສອງໂຕຂອງເຂົາ ແຕ່ເຂົາກັບບໍ່ເຄີຍທີ່ຈະຈູບ ຫຼື ມອບອ້ອມກອດໃຫ້ແກ່ຂ້ອຍເລີຍ

ເຂົາເວົ້າຜົນຈາກການກວດສອບນັ້ນເອງ ທີ່ນຳໄປສູ່ການຈັບກຸມຕົວດຳເນິນຄະດີ ເຮັດໃຫ້ມີການຟ້ອງຮ້ອງໄປຍັງທາງຝັ່ງເມຍ ໂດຍເຈົ້າໜ້າທີ່ຜູ້ດຳເນິນຄະດີນັ້ນເບິ່ງວ່າ “ພຶດຕິກຳຂອງເຂົາຄືການພະຍາຍາມຄວບຄຸມການໃຊ້ຊີວິດຂອງຜູ້ເປັນຜົວ” ສົມຄວນຖືກດຳເນິນຄະດີຕາມກົດໝາຍ

Valerie ຖືກຈັບ ແລະ ຕ້ອງເຂົ້າໄປນອນໃນຄຸກດົນ 17 ຊົ່ວໂມງ ກ່ອນທີ່ຈະຖືກປະກັນຕົວອອກມາຕ້ອງຈ່າຍຄ່າປັບ ແລະ ຕໍ່ສູ້ຄະດີມາຢ່າງຍາວນານກວ່າ 1 ປີ ຂ້ອຍຖືກຈັບໄປສະຖານີຕຳຫຼວດ ແລະ ຖືກຂັງຫ້ອງຂັງ ທັງໆທີ່ຂ້ອຍບໍ່ເຄີຍກໍ່ປັນຫາໃດໆເລີຍຂ້ອຍຮູ້ສຶກຍ້ານຄືກັບວ່າຕົວເອງເປັນອາຊະຍາກອນ” Valerie ກ່າວ

ມັນແທ້ທີ່ວ່າຂ້ອຍມັກຈະຈົ່ມເລື່ອງທີ່ເຂົາລ້າງລົດ ແຕ່ແນ່ນອນວ່ານັ້ນບໍ່ໄດ້ເປັນພຶດຕິກຳການຄວບຄຸມໃຜແຕ່ຢ່າງໃດ ບໍ່ຢ່າງນັ້ນຄູ່ຮັກທີ່ແຕ່ງງານກັນທຸກຄູ່ກໍ່ຄົງຕ້ອງຂຶ້ນໂຮງຂຶ້ນສານກັນໝົດລະແຫລະ

ເຂົາຕັດສິນໃຈຫຍ່າຮ້າງກັບຜົວ ແມ້ວ່າ Michael ຈະບອກວ່າເຂົາບໍ່ໄດ້ມີເຈດຕະນາຈະໃຫ້ເກີດການຟ້ອງຮ້ອງເລີຍ

ແນວໃດກໍ່ຕາມ ຈາກການລາຍງານໃນວັນທີ່ 26 ມິຖຸນາ 2019 ຂອງສຳນັກຂ່າວ The Sun ກ່າວວ່າໃນສານໄພການຟ້ອງໃນຄະດີດັ່ງກ່າວ ເນື່ອງຈາກວ່າການໃຫ້ການຂອງພະຍານສຳຄັນບໍ່ເຫັນນຳກັບທີ່ມີການຟ້ອງຮ້ອງເກິດຂຶ້ນ

ແຕ່ແມ້ວ່າ Valerie ຈະສາມາດໃຊ້ຊີວິດໄດ້ຕາມປົກກະຕິ ແຕ່ເຂົາກໍ່ຖືກຫ້າມບໍ່ໃຫ້ເຂົ້າໃກ້ອະດີດຜົວເປັນເວລາ 2 ປີ ຊຶ່ງເຊື່ອວ່າເຂົາກໍ່ຄົງບໍ່ຄິດຢາກເຂົ້າໃກ້ອະດີດຜົວຢູ່ແລ້ວ ທາງດ້ານ Michael ເຂົາກໍ່ແນ່ວແນ່ທີ່ຈະເຂົ້າສູ່ວົງການນັກເພາະກາຍຢ່າງເຕັມຕົວ ແລະ ຕັ້ງໃຈທີ່ຈະເຂົ້າແຂ່ງຂັນໃນລາຍການຕ່າງໆ ຕໍ່ຈາກນີ້ໄປ

ຂ່າວທົ່ວໄປ ເລື່ອງເລົ່າຊິວີດຈີງ