ປະທານປະເທດແຫ່ງ ສປປລາວແຕ່ງຕັ້ງເອກອັກຄະລັດຖະທູດ2ທ່ານປະຈຳ2ປະເທດ

ປະທານປະເທດແຫ່ງ ສປປລາວແຕ່ງຕັ້ງເອກອັກຄະລັດຖະທູດ2ທ່ານປະຈຳ2ປະເທດ

ວັນທີ 09 ມິຖຸນາ 2021, ທ່ານ ທອງລຸນ ສີສຸລິດ ປະທານປະເທດແຫ່ງ ສປປລາວ

ໄດ້ມອບສານແຕ່ງຕັ້ງໃຫ້ (1) ທ່ານ ລັດສະໝີ ແກ້ວມະນີ ໄປດໍາລົງຕໍາແໜງເປັນເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປລາວ ປະຈຳ ສະຫະພັນທະລັດສະວິດ ແລະ (2) ທ່ານ ແສງແກ້ວ ປວງປະດິດ ໄປດຳລົງຕຳແໜ່ງເປັນເອກອັກຄະລັດຖະທູດ ວິສາມັນຜູ້ມີອຳນາດເຕັມແຫ່ງ ສປປລາວ ປະຈຳ ສາທາລະນະລັດສິງກະໂປ

1. ທ່ານ ທອງລຸນ ສີສຸລິດ ໄດ້ສະແດງຄວາມຍິນດີ ແລະ ຊົມເຊີຍ ຕໍ່ທ່ານທູດທັງສອງ ທີ່ໄດ້ຖືກແຕ່ງຕັ້ງໃຫ້ໄປປະຕິບັດໜ້າທີ່ການທູດປະຈຳຢູ່ປະເທດດັ່ງກ່າວ, ພ້ອມທັງໃຫ້ທິດຊີ້ນຳຢ່າງເລິກເຊິ່ງ ແລະ ໜັກແໜ້ນ ໂດຍສະເພາະການປະຕິບັດໜ້າທີ່ການທູດໃຫ້ເກີດປະໂຫຍດສູງສຸດ ແກ່ພາລະກິດປົກປັກຮັກສາແລະ ສ້າງສາພັດທະນາປະເທດຊາດ, ທັງເປັນການເສີມຂະຫຍາຍການພົວພັນຮ່ວມມື ລະຫວ່າງປະເທດໃຫ້ນັບມື້ດີຂຶ້ນເປັນກ້າວໆ

2. ທ່ານທູດທັງສອງ ກໍໄດ້ສະແດງຄວາມຂອບໃຈ ແລະ ຮູ້ບຸນຄຸນມາຍັງການນຳພັກລັດ ຖະບານ ທີ່ໄດ້ໃຫ້ຄວາມໄວ້ເນື້ອເຊື່ອໃຈ ແຕ່ງຕັ້ງໃຫ້ເປັນເອກອັກຄະລັດຖະທູດປະຈຳປະເທດດັ່ງກ່າວ ແລະ ຢືນຢັນວ່າຈະສຸມທຸກຄວາມພະຍາຍາມເພື່ອປະຕິບັດໜ້າທີ່ ທີ່ຖືກມອບໝາຍໃນຄັ້ງນີ້ ໃຫ້ເກີດປະໂຫຍດສູງສຸດມາສູ່ປະເທດຊາດ Crສຳນັກຂ່າວສານແຫ່ງປະເທດລາວ

ຂ່າວທົ່ວໄປ