ປະຫວັດຜູ້ເສຍຊີວິດໃຫມ່ຈາກພະຍາດໂຄວິດກໍລະນີທີຫົກຂອງສປປ ລາວ

ປະຫວັດຜູ້ເສຍຊີວິດໃຫມ່ຈາກພະຍາດໂຄວິດກໍລະນີທີຫົກຂອງສປປ ລາວ

ຈາກການ​ລາຍງານ​ຂອງ​ ດຣ​ ພອນປະເສີດ​ ໄຊຍະມຸງຄຸນ​ ຮອງຫົວໜ້າ​ກົມ​ຄວບຄຸມ​ພະຍາດ​ຕິດຕໍ່, ກະຊວງສາທາລະນະສຸກ​ ໃນວັນທີ​ 28​ ກໍລະກົດນີ້​ ວ່າ: ລາຍລະອຽດຄົນເຈັບເສຍຊີວິດໃໝ່ເພດຍິງ, ອາຍຸ 23 ປີ, ອາຊີບແມ່ບ້ານ, ຢູ່ເຂດສາຍໄໝ ກຸງເທບຢູ່ປະເທດໄທຜູ້ກ່ຽວເສຍຊີວີດໃນເວລາ 7:30 ໂມງ ຂອງວັນທີ27.7.2021 ເຮັດວຽກ 1 ປີປາຍບ້ານຢູ່ປະຈຸບັນ ບ້ານ ດົງທ່າ, ເມືອງອຸທຸມພອນ, ແຂວງ ສະຫວັນນະເຂດ ເດີນທາງມາລາວ ວັນທີ 8 ກໍລະກົດ 2021 ຂ້າມດ່ານຂົວມິດຕະພາບ 2 ແລະ ໃນມື້ດຽວກັນນັ້ນໄດ້ເກັບຕົວຢ່າງສົ່ງກວດ ແລະ ຈຳກັດບໍລິເວນຢູ່ສູນທີ່ຄະນະສະເພາະກິດກຳນົດໄວ້ ວັນທີ 09 ກໍລະກົດ 2021 ເວລາ 20:00 ໂມງ ຜົນກວດຫ້ອງວິເຄາະ ກວດພົບເຊື້ອໂຄວິດ-19 ແລະ ສົ່ງນອນປິ່ນປົວ ໂຮງຫໍຫຼັກ 9 ເຂດເສດຖະກິດພິເສດສະຫວັນ-ເຊໂນ ວັນທີ 9 ຫາ 13 ກໍລະກົດ 2021 ອາການຊົງໂຕ ມີອາການເມື່ອຍ, ໄອເລັກອຍ, ຫູບໍ່ໄດ້ຍີນຊັດເຈນ ແລະ ໄດ້ໃຫ້ຢາປິ່ນປົວຕາມອາການ.​ ວັນທີ 14 ຫາ 18 ກໍລະກົດ 2021 ມີອາການອິດເມື່ອຍ, ຫາຍໃຈຝືດ, ແໜ້ນໜ້າເອິກ ແລະ ມີອາການອ່ອນແຮງແຂນຂາວັນທີ 19 ຫາ 27 ກໍລະກົດ 2021 ຄົນເຈັບອາການໜັກ ບໍ່ໄດ້ສະຕິ, ໃສ່ເຄື່ອງຊ່ວຍຫາຍໃຈ ແລະ ຕິດຕາມອາການຢ່າງໃກ້ຊິດ, ໃສ່ຢາເຊີດຊູ ແຕ່ ຄົນເຈັບບໍ່ຕອບສະໜອງ, ແພດກໍ່ໄດ້ເຊິດຊູທຸກວິທີທາງສຸດຄວາມສາມາດ ແຕ່ບໍ່ສາມາດກອບກູ້ເອົຊີວີດຜູ້ກ່ຽວໄດ້

ຂ່າວທົ່ວໄປ