ຜູ້ຕິດເຊື້ອໂຄວິດສ່ວນໃຫຍ່ເປັນກຸ່ມຊາວໜຸ່ມແບບນີ້

ຜູ້ຕິດເຊື້ອໂຄວິດສ່ວນໃຫຍ່ເປັນກຸ່ມຊາວໜຸ່ມແບບນີ້

ໃນສະພາບປັດຈຸບັນນີ້ມີຜູ້ຕິດເຊື້ອຢູ່ໃນຊຸມຊົນເພີ່ມຂຶ້ນຈາກການສັງລວມຂອງການຕິດເຊື້ອ ຊຶ່ງຜູ້ຕິດເຊື້ອສ່ວນໃຫຍ່ເປັນກຸ່ມຊາວໜຸ່ມທີ່ມີອາຍຸ 20-39 ປີ ກວມ 70,37%, ໃນນັ້ນ 35% ແມ່ນຕິດເຊື້ອໃນຊຸມຊົນ, 64,7% ແມ່ນການຕິດເຊື້ອກໍລະນີນຳເຂົ້າ, ໃນນັ້ນເດັກທີ່ມີອາຍຸ 0-4 ປີມີເຖິງ 607 ຄົນ ແລະ ຜູ້ສູງອາຍຸ 231 ຄົນທ່ານ ພອນປະດິດ ສັງໄຊຍະລາດ ຫົວໜ້າສູນວິເຄາະ ແລະ ລະບາດວິທະຍາກະຊວງສາທາລະນະສຸກໃຫ້ຮູ້ວ່າ: ໂດຍລວມເຫັນວ່າມີສະພາບການລະບາດໃນຊຸມຊົນກະຈາຍໄປໃນຫຼາຍແຂວງ ໃນນັ້ນການຕິດເຊື້ອກໍລະນີນໍາເຂົ້າຫຼຸດລົງ, ແຕ່ການຕິດເຊື້ອໃນຊຸມຊົນສູງເພີ່ມຂຶ້ນໂດຍສະເພາະນະຄອນຫຼວງວຽງຈັນ ໃນອາທິດຜ່ານມາກວດພົບຜູ້ຕິດເຊື້ອເຖິງ 3.300 ກວ່າຄົນ, ມີຜູ້ສຳຜັດໃກ້ຊິດເຖິງ 8 ພັນຄົນ ຈາກໂຮງງານ 9 ແຫ່ງເຫັນວ່າ 3 ໂຮງງານມີຜູ້ຕິດເຊື້ອເປັນຈຳນວນຫຼວງຫຼາຍ, ຜູ້ສຳຜັດໃກ້ຊິດໃນກຸ່ມດັ່ງກ່າວສ່ວນໜຶ່ງຢູ່ໂຮງງານ ແລະ ຢູ່ບ້ານ, ມາດຕະການຈຳກັດຜູ້ໃກ້ຊິດເປັນສິ່ງທ້າທາຍ, ສະນັ້ນ ຂໍຮຽກຮ້ອງຜູ້ຢູ່ໃນກຸ່ມສຳຜັດໃກ້ຊິດໃຫ້ຈຳກັດບໍລິເວນຕົນເອງຢ່າງເຄັ່ງຄັດ, ຜູ້ທີ່ກວດຫາເຊື້ອແລ້ວກໍໃຫ້ສືບຕໍ່ຈຳກັດບໍລິເວນຢ່າງເຄັ່ງຄັດລວມທັງຢູ່ໃນສູນ ແລະ ຢູ່ໃນກຸ່ມສ່ຽງກໍໃຫ້ແຍກຕົນເອງຈາກຄອບຄົວການຕິດເຊື້ອ-ແຜ່ເຊື້ອແມ່ນໄດ້ຈາກຜູ້ໄປຮ່ວມງານຊາປະນະກິດສົບໃນຫຼາຍແຂວງ, ສະນັ້ນ ຂໍໃຫ້ບັນດາທ່ານລະມັດລະວັງ ຖ້າເຂົ້າຮ່ວມຂໍໃຫ້ມີສະຕິຮັກສາໄລຍະຫ່າງໃສ່ຜ້າປິດປາກ-ດັງ, ລ້າງມືທຸກຄັ້ງ, ສິ່ງສຳຄັນຢາກໃຫ້ເຮັດແບບງ່າຍໆກະທັດຮັດບໍ່ໃຫ້ມີຄົນແອອັດຫຼາຍຊຶ່ງເຮັດໃຫ້ມີການແຜ່ເຊື້ອອອກສູ່ເຂດຕ່າງໆ ມາຮອດປັດຈຸບັນຄະນະສະເພາະກິດໄດ້ຂະຫຍາຍຄວາມສາມາດໃນການກວດວິເຄາະໄປຮອດ 10 ແຂວງ, ຖ້າບັນດາທ່ານມີອາການທາງລະບົບຫາຍໃຈ, ມີໄຂ້, ດັງບໍ່ໄດ້ຮັບກິ່ນ, ລີ້ນບໍ່ໄດ້ຮັບລົດຊາດອາການເຫຼົ່ານີ້ແມ່ນອາການຊັດເຈນທີ່ຕິດເຊື້ອໂຄວິດ, ສະນັ້ນ ຂໍໃຫ້ທຸກຄົນໃຊ້ຊີວິດຢ່າງມີສະຕິປອດໄພຫ່າງໄກຈາດພະຍາດໂຄວິດ-19 ຂ່າວ: ພູວັນໜັງສືພິມປະຊາຊົນ

ຂ່າວທົ່ວໄປ