ຜົນຂອງຢາເສບຕິດ ເສບຫລາຍເກີດປະສາດຫລອນ ແລ້ວທຳຮ້າຍບິດາຂອງຕົນໄດ້ຮັບບາດເຈັບສົມຄວນ

ຜົນຂອງຢາເສບຕິດ ເສບຫລາຍເກີດປະສາດຫລອນ ແລ້ວທຳຮ້າຍບິດາຂອງຕົນໄດ້ຮັບບາດເຈັບສົມຄວນ

ອີງຕາມປ້ອງກັນຄວາມສະຫງົບນະຄອນຫລວງວຽງຈັນລາຍງານວ່າ: ວັນທີ 7 ກຸມພາ 2022, ທ່ານ ທອງດີ ມະນີວົງ ຮອງນາຍບ້ານນາບົງ ເມືອງປາກງື່ມ ນະຄອນຫລວງໃຫ້ຮູ້ວ່າເວລາ 3 ໂມງໄດ້ຮັບແຈ້ງເຫດອາລະວາດທໍາຮ້າຍຮ່າງກາຍລູກຊາຍຕົບຕີພໍ່ ທ້າວ ປັດຖາ ອາຍຸ 63 ປີ ປະຊາຊົນບ້ານນາບົງ ໄດ້ຮັບບາດເຈັບສົມຄວນ ພາຍຫລັງໄດ້ຮັບແຈ້ງ ເຈົ້າໜ້າທີ່ໄດ້ລົງໄປສະຖານທີ່ເກີດເຫດ ແລະ ກັກຕົວ ທ້າວ ຄຳດີ ອາຍຸ 36 ປີ ເປັນລູກ ກໍ່ເຫດ, ອາຊີບເຮັດນາ ຢູ່ບ້ານນາບົງ ເມືອງປາກງື່ມ ນະຄອນຫລວງ ມາດຳເນີນຄະດີ.

ຕາມການສອບຖາມເບື້ອງຕົ້ນ ທ້າວ ຄຳດີ ໃຫ້ການວ່າ: ຕົນເອງພົວພັນເສບຢາບ້າມາແຕ່ປີ 2005 ເຖິງປັດຈຸບັນ, ການເສບຄັ້ງລະ 4-5 ເມັດຕໍ່ມື້, ຜ່ານມາຜູ້ປົກຄອງ ແລະ ການຈັດຕັ້ງບ້ານສຶກສາອົບຮົບຫລາຍຄັ້ງ ສະເພາະໃນມື້ເກີດເຫດທ້າວ ຄຳດີ ເສບຢາບ້າຫລາຍ ເຮັດໃຫ້ເກີດຄວາມກະວົນກະວາຍ ບໍ່ສາມາດຄຸມສະຕິຕົນເອງໄດ້ ແລ້ວເກີດຜິດຖຽງກັນ. ຈາກນັ້ນ ກໍລົງມືທຳຮ້າຍຮ່າງກາຍຜູ້ເປັນພໍ່ ບໍລິເວັນໃບໜ້າ 3-4 ບາດ ຈົນໄດ້ຮັບບາດເຈັບ ແລະ ມີຮ່ອງກະທົບເກີດບາດແຜ.

ກອງບັນຊາການ ປ້ອງກັນຄວາມສະຫງົບ ນວ, ຮຽກຮ້ອງຮ້ອງມາຍັງທົ່່່່ວສັງຄົມ ຈົ່ງເອົາໃຈໃສ່ເພີ່ມທະວີຄຸ້ມຄອງບຸດຫລານຂອງຕົນ ເພາະຢາເສບຕິດ ມີຜິດໄພເຮັດໃຫ້ສະຖາບັນຄອບຄົວບໍ່ມີຄວາມສະຫງົບ ທຳລາຍຊີວິດ, ສຸຂະພາບ, ຊັບສິນ ແລະ ຜູ້ທີ່ພົວພັນມັກກໍ່ໃຫ້ເກີດມີສິ່ງຫຍໍ້ທໍ້ກໍ່ອາຊະຍາກຳ ເພາະສານັ້ນ, ຜູ້ປົກຄອງຈົງເຮັດໜ້າທີ່ສືກສາອົບຮົມບົມສອນ ປູກຈິດສຳນຶກ ແລະ ມີສ່ວນຮ່ວມຂອງບຸກຄົນ, ຄອບຄົວ ແລະ ສັງຄົມ.

ຂ່າວທົ່ວໄປ