ກ່ອນຈະເປັນໂຣເຊ່ BLACKPINK ຈາກຄົນທີ່ບໍ່ມີຄວາມໝັ້ນໃຈໃນຕົນເອງ ສູ່ໄອດໍ້ທີ່ມີຊື່ສຽງລະດັບໂລກ

ກ່ອນຈະເປັນໂຣເຊ່ BLACKPINK ຈາກຄົນທີ່ບໍ່ມີຄວາມໝັ້ນໃຈໃນຕົນເອງ ສູ່ໄອດໍ້ທີ່ມີຊື່ສຽງລະດັບໂລກ

ພາມາຮູ້ຈັກໄອດໍ້ສາວເກົາຫຼີ ທີ່ໂດ່ງດັງ ແລະ ຖືກຫຼາຍຄົນບອກວ່າເປັນຍິງສາວທີ່ເຂົ້າໃກ້ກັບຄຳວ່າ PERFECT ທີ່ສຸດ! ນັ້ນກໍຄື: ໂຣເຊ່ ແຫ່ງວົງ blackpink ເປັນອີກໜຶ່ງສິລະປິນສາວ ທີ່ມີສຽງເປັນເອກກະລັກ ຫຼາຍຄົນເຫັນໂຣເຊ່ໃນເວທີ ທີ່ກ້າສະແດງອອກ, ເຕັມໄປດ້ວຍຄວາມມຸ່ງໝັ້ນ ແລະ ໝັ້ນໃຈ ບໍ່ວ່າຈະສະແດງໂຊຢູ່ໃສ, ເວທີນັ້ນຕ້ອງຍົກໃຫ້ນາງ ແຕ່ທ່ານຮູ້ບໍ່ວ່າໂຣເຊ່ບໍ່ໄດ້ແມ່ນຄົນມີຄວາມໝັ້ນໃຈໂຕເອງເລີຍ ຄືຫຼາຍຄົນໆຄິດກັນ! ໂດຍສະເພາະແມ່ນໃນເລື່ອງການຮ້ອງເພງຂອງຕົນເອງ.

ຊ່ອງ BeBoss TV ทาง YouTube ໄດ້ຮວບຮວມເອົາຄລິບທີ່ໂຣເຊ່ກ່າວເຖິງພັດທະນາການຮ້ອງເພງຂອງຕົນເອງ ເຊິ່ງໂຣເຊ່ບອກວ່າ: ລາວມັກຊ້ອມຮ້ອງເພງແຕ່ນ້ອຍ  ແຕ່ເຮັດໄດ້ບໍ່ດີເມື່ອທຽບກັບຄົນອື່ນ ແຕ່ໂຣເຊ່ກໍບໍ່ຢຸດທີ່ຈະຮ້ອງເພງ ຈົນພໍ່ໄດ້ເວົ້າກັບໂຣເຊໃຫ້ລອງໄປ audition ເປັນນັກຮ້ອງ, ເມື່ອໄດ້ຍິນແນວນັ້ນ ໂຣເຊ່ກໍໄດ້ລອງເຮັດຕາມຄວາມຝັນ ແລະ ໃນສິ່ງທີ່ພໍ່ບອກ ແຕ່ຕອນນັ້ນກໍມີເຫດການໂຕ້ຖຽງເລັກນ້ອຍລະຫວ່າງພໍ່ກັບແມ່, ເພາະແມ່ຂອງໂຣເຊ່ກໍເປັນຫ່ວງລາວຄືກັນ. ຢ່າງໃດກໍຕາມ ພໍ່ ແລະ ແມ່ກໍໄດ້ສະໜັບສະໜຸນ ແລະ ຮັບຟັງການຕັດສິນໃຈຂອງໂຣເຊ່ ແລະ ຕອນນັ້ນເອງທີ່ເຮັດໃຫ້ຍິງສາວຜູ້ນີ້ເດີນທາງໄປທີ່ຊິດນີ່ ແລະ ລອງເຂົ້າໄປຄັດ ແລ້ວກໍໄດ້ຜ່ານການຄັດເລືອກຂອງ YG Entertrainment.

ໃນຄັ້ງທີ່ໂຣເຊ່ມາປະເທດເກົາຫຼີເປັນຄັ້ງທຳອິດ ພໍ່ແມ່ໄດ້ຢູ່ທີ່ເກົາຫຼີນຳໂຣເຊ່ບໍ່ດົນ ກໍຕ້ອງໄດ້ກັບໄປອົດສະຕາລີຄືນ, ເຖິງຈະເຫງົາແຕ່ໂຣເຊ່ກໍໄດ້ພົບກັບຄອບຄົວໃໝ່ຂອງລາວນັ້ນກໍຄືສະມາຊິກວົງ BLACKPINK ນັ້ນເອງທີ່ແມ່ນຄົນໃນຄອບຄົວທີ່ໜ້າຮັກ ຢູ່ນຳກັນທັງທຸກ ແລະ ສຸກ ເລີຍກໍວ່າໄດ້.

ພ້ອມທັງໂຣເຊ່ໄດ້ເປີດໃຈວ່າໄລຍະເວລາທີ່ຕົນນັ້ນເປັນເດັກຝຶກ ບໍ່ງ່າຍຄືຫຼາຍຄົນຄິດ ເມື່ອຜ່ານເຂົ້າມາແລ້ວ ຕ້ອງໄດ້ຝຶກຢ່າງໜັກ ແລະ ພັດທະນາຕົນເອງຢູ່ເລື້ອຍໆ ເຖິງຈະເປັນສິ່ງທີ່ຍາກ ແຕ່ໂຣເຊ່ກໍໄດ້ເຮັດໄດ້ສຳເລັດ. ເຖິງຂັ້ນບອກວ່າໂຕເອງຈະບໍ່ຍອມກັບອົດສະຕາລີ ຖ້າຫາກຍັງບໍ່ສຳເລັດ, ວ້າວເປັນຜູ້ຍິງທີ່ເຂັ້ມແຂງ ແລະ ເຕັມໄປດ້ວຍຄວາມມຸ່ງໝັ້ນແທ້ໆ

ໃນເວລາທີ່ຢູ່ໃນຖານະເປັນສະມາຊິກ ວົງ BLACKPINK ໂຣເຊ່ຄິດວ່າການສະແດງທີ່ງານ Coachella ເປັນໜຶ່ງໃນປະສົບການທີ່ດີທີ່ສຸດໃນຊີວິດ. ສະມາຊິກໃນວົງທຸກຄົນບໍ່ໄດ້ຄາດຫວັງວ່າຈະມີຄົນມາຈົດຈຳ ແຕ່ຜົນຕອບຮັບກັບດີເຫຼືອເກີນ ເຮັດໃຫ້ສາວໆຕົກໃຈທີ່ໄດ້ຮັບຄວາມສົນໃຈຢ່າງຫຼວງຫຼາຍ, ໂຣເຊ່ຍັງບອກອີກວ່າຈະບໍ່ພະຍາຍາມຄິດເຖິງເລື່ອງຈຳນວນເວລາທີ່ພວກເຂົາເຮັດເພງ, ສະມາຊິກທຸກຄົນຈະທຸ້ມເທໃຫ້ວຽກງານຢ່າງໜັກ ແລະ ສະແດງອອກໃຫ້ໄດ້ດີທີ່ສຸດໃນສິ່ງທີ່ຢາກສື່ໃຫ້ທຸກຄົນໄດ້ຮັບຮູ້ຜ່ານຜົນງານເພງ.

ດັ່ງທີ່ຮູ້ວ່າວົງ BLACKPINK ໄດ້ປະສົບຜົນສຳເລັດຢ່າງຫຼວງຫຼາຍ ມີແຟນຄລັບຢູ່ທົ່ວໂລກ, ເຖິງຢ່າງໃດກໍຕາມເປົ້າໝາຍຕົ້ນໆທີ່ພວກເຂົາຢາກຈະເຮັດນັ້ນຄືການເຮັດເພງໃຫ້ຜູ້ຊົມທຸກຄົນ ແລະ ໄດ້ຖ່າຍທອດຄວາມເປັນຕົວຂອງຕົນເອງ!

ເບິ່ງຄລິບ

ຂ່າວບັນເທີງ