ສຸດຍອດອາຫານເສີມປ່ຽນກິ່ນ “ຕົດ” ໃຫ້ຫອມ ພ້ອມທັງມີຫຼາຍກິ່ນໃຫ້ເລືອກ

ສຸດຍອດອາຫານເສີມປ່ຽນກິ່ນ “ຕົດ” ໃຫ້ຫອມ ພ້ອມທັງມີຫຼາຍກິ່ນໃຫ້ເລືອກ

ຊາຍຊາວຝຣັ່ງຄົນໜຶ່ງ ໄດ້ຄິດຄົ້ນອາຫານເສີມ ທີ່ຊ່ວຍໃຫ້ກິ່ນຕົດຫອມ ຢ່າງເອົາຈິງເອົາຈັງມາເປັນເວລາຫຼາຍກວ່າ 10 ປີ. ເມື່ອທ້າຍເດືອນມິຖຸນາທີ່ຜ່ານມາເວັບໄຊ Mirror ໄດ້ນຳສະເໜີເລື່ອງລາວຂອງຊາຍຊາວຝຣັ່ງຄົນໜຶ່ງທີ່ມີນາມວ່າ Christian Poincheval ທີ່ອ້າງວ່າ ລາວໄດ້ຄິດຄົ້ນອາຫານເສີມ ທີ່ສາມາດປ່ຽນກິ່ນຕົດໃຫ້ຫອມໄດ້ ພ້ອມທັງມີກິ່ນໃຫ້ເລືອກຫຼາກຫຼາຍ ບໍ່ວ່າຈະເປັນ ກິ່ນຊັອກໂກແລັດ, ດອກກຸຫຼາບ ແລະ ດອກໄມ້ນານາຊະນິດອີກດ້ວຍ.

ບົດຄວາມດັ່ງກ່າວລະບຸວ່າ Poincheval ໄດ້ແຮງບັນດານໃຈມາຈາກການຮັບປະທານອາຫານຄໍ່າມື້ໜຶ່ງ ທີ່ແຂກຮ່ວມໂຕະຂອງລາວອອກອາການຂົມຄໍ ຍ້ອນບໍ່ສາມາດທົນກິ່ນຕົດທີ່ລາວປ່ອຍອອກມາໄດ້ ແລະ ນັ້ນເປັນຈຸດເລີ່ມຕົ້ນຂອງບໍລິສັດ Lutin Malin ທີ່ມຸ່ງໝັ້ນຜະລິດອາຫານເສີມໃນຮູບແບບແຄັບຊູນອອກມາຢ່າງຈິງຈັງ ຕັ້ງແຕ່ປີ 2007 ຫຼື ເມື່ອປະມານ 12 ປີກ່ອນ ໂດຍມີການພັດທະນາຢ່າງຕໍ່ເນື່ອງ ຈົນປັດຈຸບັນເກີດມີກິ່ນຕ່າງໆໃຫ້ເລືອກຫຼາກຫຼາຍ

ເຖິງວ່າຈະບໍ່ມີລາຍງານເຖິງຜົນປະກອບການທີ່ຜ່ານມາວ່າຂາຍດີໃນລະດັບໃດ ແຕ່ຈາກຄຳກ່າວຂອງ Poincheval ທີ່ວ່າ “ລູກຄ້າທີ່ອຸດໜຸນຢ່າງຕໍ່ເນື່ອງເປັນຈຳນວນຫຼາຍຂອງເຮົານັ້ນ ເປັນຂໍ້ພິສູດທີ່ດີທີ່ສຸດ” ເຊິ່ງຖ້າເປັນໄປຕາມນັ້ນກໍສະແດງວ່າ ອາຫານເສີມທີ່ມີຜົນເຮັດໃຫ້ຕົດຫອມນີ້ ສາມາດສ້າງລາຍຮັບໃຫ້ກັບລາວບໍ່ໜ້ອຍເລີຍ ໂດຍລາຄາຈຳໜ່າຍແມ່ນຢູ່ທີ່ປະມານກະປຸກລະ 17 ຢູໂຣ ຫຼື ປະມານ 170,000 ກີບ

ຂ່າວບັນເທີງ