ພິທີມອບຮັບການຊ່ວຍເຫລືອ ຢາວັກຊີນປ້ອງກັນພະຍາດໂຄວິດ-19 ຈໍານວນ 300,000 ຫຼອດ ແລະ ເຊີແຣງ 300.800 ອັນ ຈາກ ລັດຖະບານ ແລະ ປະຊາຊົນແຫ່ງ ສປຈີນ ໃຫ້ແກ່ລັດຖະບານ ແລະ ປະຊາຊົນແຫ່ງ ສປປລາວ

ພິທີມອບຮັບການຊ່ວຍເຫລືອ ຢາວັກຊີນປ້ອງກັນພະຍາດໂຄວິດ-19 ຈໍານວນ 300,000 ຫຼອດ ແລະ ເຊີແຣງ 300.800 ອັນ ຈາກ ລັດຖະບານ ແລະ ປະຊາຊົນແຫ່ງ ສປຈີນ ໃຫ້ແກ່ລັດຖະບານ ແລະ ປະຊາຊົນແຫ່ງ ສປປລາວ

ຂໍ່ານັບຊົມເຊີຍເຊົ້າວັນນີ້ 08 ກຸມພາ 2021, ກະຊວງສາທາລະນະສຸກ ນະຄອນຫລວງວຽງຈັນ ໄດ້ຈັດພິທີມອບຮັບການຊ່ວຍເຫລືອ ຢາວັກຊີນປ້ອງກັນພະຍາດໂຄວິດ-19 ຈໍານວນ 300,000 ຫຼອດ ແລະ ເຊີແຣງ 300.800 ອັນ ຈາກ ລັດຖະບານ ແລະ ປະຊາຊົນແຫ່ງ ສປຈີນ ໃຫ້ແກ່ລັດຖະບານ ແລະ ປະຊາຊົນແຫ່ງ ສປປລາວ, ເພື່ອນຳໃຊ້ເຂົ້າໃນການຕ້ານ ແລະ ສະກັດກັ້ນການແຜ່ລະບາດຂອງເຊື້ອພະຍາດໂຄວິດ-19 ຢູ່ ສປປລາວ1, ໃນພິທີຄັ້ງນີ້, ຕາງຫນ້າໃຫ້ລັດຖະບານແຫ່ງ ສປຈີນ ແມ່ນ ສະຫາຍ ຈ່ຽງ ຈາຍຕຸງ, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປຈີນ ປະຈໍາ ສປປລາວ ເປັນຜູ້ມອບ ແລະ ຕາງຫນ້າໃຫ້ລັດຖະບານແຫ່ງ ສປປລາວ ແມ່ນ ສະຫາຍ ພັນຄໍາ ວິພາວັນ, ຮອງປະທານປະເທດແຫ່ງ ສປປລາວ ເປັນຜູ້ຮັບໂດຍມີບັນດາຄະນະນຳ ແລະ ວິຊາການກ່ຽວຂ້ອງ ພ້ອມດ້ວຍພະນັກງານຈາກສະຖານທູດຈີນປະຈໍາ ສປປລາວ ເຂົ້າຮ່ວມ2, ໃນພິທີຄັ້ງນີ້, ທ່ານພັນຄໍາ ວິພາວັນ ຮອງປະທານປະເທດ ໄດ້ຕາງໜ້າໃຫ້ລັດຖະບານ ແລະ ປະຊາຊົນລາວ ຕີລາຄາສູງແລະ ສະແດງຄວາມຂອບໃຈ ຕໍ່ລັດຖະບານ ແລະ ປະຊາຊົນຈີນອ້າຍນ້ອງ ຕໍ່ການຊ່ວຍເຫຼືອອັນມີຄ່າດັ່ງກ່າວ ເຖິງວ່າ ຢູ່ ສປຈີນເອງ ກໍ່ຍັງມີຄວາມຕ້ອງການວັກຊິນ ເພື່ອສັກໃຫ້ແກ່ປະຊາຊົນຈີນຢູ່ ແຕ່ກໍ່ຍັງມີນ້ຳໃຈບິແບ່ງການຊ່ວຍເຫຼືອມາໃຫ້ແກ່ປະຊາຊົນລາວ, ເຊິ່ງເປັນການສະແດງເຖິງຄວາມເປັນຫ່ວງເປັນໃຍ, ການເປັນເພື່ອນມິດສະຫາຍອ້າຍນ້ອງ ທີ່ເປັນມູນເຊື້ອ, ສາຍພົວພັນແບບຄູ່ຮ່ວມມືຍຸດທະສາດຮອບດ້ານ ໝັ້ນຄົງຍາວນານ ຕາມທິດ 04 ດີແລະ ການເປັນຄູ່ຮ່ວມຊາຕາກຳ ລາວ-ຈີນ, ຈີນ-ລາວ ທີ່ນັບມື້ ນັບໄດ້ຮັບການເສີມຂະຫຍາຍ ແລະ ເຂົ້າສູ່ລວງເລິກ ຢ່າງບໍ່ຢຸດຢັ້ງ;3, ຢາວັກຊິນ ທີ່ລັດຖະບານ ແລະ ປະຊາຊົນຈີນ ໃຫ້ການຊ່ວຍເຫຼືອໃນຄັ້ງນີ້, ລັດຖະບານ ກໍຄື ກະຊວງກ່ຽວຂ້ອງ ຂອງລາວ ຈະນໍາໃຊ້ໃຫ້ເກີດປະໂຫຍດສູງສຸດ ແລະ ມີເເຜນຈະນຳໄປຊັກໃຫ້ແກ່ປະຊາຊົນລາວ ທີ່ມີຄວາມຈໍາເປັນ ໃນຂັ້ນຕອນຕໍ່ໄປ ເພື່ອເຮັດໃຫ້ ສາມາດປ້ອງກັນ ແລະ ຄວບຄຸມການແຜ່ລະບາດຂອງພະຍາດໂຄວິດ-19 ຢູ່ ພາຍໃນປະເທດ ໄດ້ຢ່າງມີປະສິດທິຜົນສູງ;4, ໃນໄລຍະຜ່ານມາ ລັດຖະບານຈີນ ໄດ້ເອົາໃຈໃສ່ໃຫ້ການຊ່ວຍເຫຼືອ ສປປລາວ ລວມມີການສົ່ງຊ່ຽວຊານມາໃຫ້ຄໍາປຶກສາໃນການປ້ອງກັນ ສະກັດກັ້ນການແຜ່ລະບາດຂອງພະຍາດໂຄວິດ-19, ສ້າງຫ້ອງກວດຫາເຊື້ອພະຍາດໂຄວິດ-19, ຊ່ວຍເຫຼືອໜ້າກາກອະນາໄມ, ຊຸດປ້ອງກັນພະຍາດ, ນ້ຳຢາກວດເຊື້ອພະຍາດ, ອຸປະກອນການເເພດອື່ນໆທີ່ສໍາຄັນ ແລະຢາວັກຊິນ ຂອງບໍລິສັດຊິໂນຟາມ ຈໍານວນ 2000ໂດສ ຂ່າວ: ວິທະຍຸກະຈາຍສຽງແຫ່ງຊາດລາວ.

ຂ່າວທົ່ວໄປ