ພິທີຮັບມອບຫໍສະພາແຫ່ງຊາດລາວຫຼັງໃໝ່ຢ່າງເປັນທາງການ

ພິທີຮັບມອບຫໍສະພາແຫ່ງຊາດລາວຫຼັງໃໝ່ຢ່າງເປັນທາງການ

ວັນນີ້ 10 ສິງຫາ 2021, ໄດ້ມີພິທີຮັບມອບຫໍສະພາແຫ່ງຊາດລາວຫຼັງໃໝ່ຢ່າງເປັນທາງການນຳພາໂດຍທ່ານ ທອງລຸນ ສີສຸລິດ ປະທານປະເທດແຫ່ງ ສປປລາວ ແລະ ທ່ານ ຫງວຽນ ຊວັນ ຟຸກ ປະທານປະເທດແຫ່ງ ສສຫວຽດນາມ ເປີດແຖບຜ້າຫິນສີລາລຶກການມອບຮັບ ຫໍສະພາແຫ່ງຊາດ ຂອງຂວັນຈາກປະຊາຊົນ, ພັກ ແລະ ລັດຖະບານແຫ່ງ ສສຫວຽດນາມ.”ປະທານປະເທດແຫ່ງ ສສຫວຽດນາມ ຫງວຽນ ຊວັນ ຟຸກ ໄດ້ຕາງໜ້າໃຫ້ພັກ, ລັດ ແລະ ປະ ຊາຊົນຫວຽດນາມອ້າຍນ້ອງ ກ່າວມອບຕຶກສະພາແຫ່ງຊາດລາວຫລັງໃໝ່:ເປັນຂອງຂວັນຂອງພັກ, ລັດ ແລະ ປະຊາຊົນຫວຽດນາມອ້າຍນ້ອງ ມອບໃຫ້ ພັກ, ລັດຖະບານ ແລະ ປະຊາຊົນລາວ ນຳໃຊ້ ແລະ ທັງເປັນສັນຍາລັກແຫ່ງຄວາມສາມັກຄີພິເສດ ຫວຽດນາມ-ລາວ, ມື້ນີ້, ໃນໂອກາດເດີນທາງມາຢ້ຽມຢາມສັນຖະວະໄມຕີ ສາທາລະນະລັດ ປະຊາທິປະໄຕ ປະຊາຊົນລາວ ຢ່າງເປັນທາງການ, ຂ້າພະເຈົ້າ ແລະ ຄະນະຜູ້ແທນຂັ້ນສູງ ສສຫວຽດນາມ ມິຄວາມປິນຕິຍິນດີເປັນຢ່າງຍິ່ງ ທີ່ໄດ້ມາຮ່ວມພິທີເປີດນຳໃຊ້ ແລະ ມອບຮັບ ຫໍສະພາແຫ່ງຊາດລາວ, ເປັນໂຄງການຊ່ວຍເຫຼືອທີ່ມີຄວາມໝາຍດ້ານການເມືອງ, ການພົວພັນຕ່າງປະເທດ, ເປັນສັນຍາລັກທີ່ເລິກເຊິ່ງ ແລະ ເຂັ້ມຂຸ້ນ ແຫ່ງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ຫວຽດນາມ-ລາວ, ຫໍສະພາແຫ່ງຊາດຫລັງນີ້, ຈະເປັນສະຖານທີ່ໃຫ້ກຳເນີດ ແລະ ກຳນົດບັນດາຂໍ້ຕົກລົງສຳຄັນ ໃຫ້ແກ່ການພັດທະນາປະເທດລາວ ກ້າວສູ່ຄວາມຈະເລີນຮຸ່ງເຮືອງ, ສະຖານທີ່ແຫ່ງນີ້, ຈະເປັນສັນຍາລັກທີ່ໝັ້ນຄົງແຫ່ງຄວາມຮັກແພງສາມັກຄີຕິດພັນສະໜິດສະໜົມ ລະຫວ່າງສອງພັກ, ລັດ ແລະ ປະຊາຊົນສອງຊາດປະທານປະເທດແຫ່ງ ສປປລາວ ທອງລຸນ ສີສຸລິດ ກ່າວວ່າ:  ສປປລາວ ສຸດທີ່ມີຄວາມປິຕິຍິນດີ ແລະ ພາກພູມໃຈເປັນຢ່າງຍິ່ງ ທີ່ໄດ້ມີຫໍສະພາແຫ່ງຊາດລາວຫລັງໃໝ່ແຫ່ງນີ້, ເຊິ່ງເປັນຂອງຂວັນອັນລ້ຳຄ່າ ທີ່ພັກ, ລັດ ແລະ ປະຊາຊົນຫວຽດນາມອ້າຍນ້ອງ ມອບໃຫ້ແກ່ພັກ, ລັດຖະບານ ແລະ ປະຊາຊົນລາວ ຂອງພວກເຮົາ, ຫໍສະພາແຫ່ງຊາດຫລັງໃໝ່ນີ້, ເປັນອາຄານທີ່ມີຄວາມໂອໂຖງ, ໂດດເດັ່ນ, ມີຄຸນຄ່າທາງດ້ານສິລະປະກຳ, ມີມາດຕະຖານເຕັກນິກ ທີ່ທັນສະໄໝໃນການອອກແບບ ແລະ ການກໍ່ສ້າງ, ມີຄວາມງົດງາມ ດ້ວຍເອກະລັກສະເພາະ ແລະ ສະຖາປັດຕິຍະກຳແບບລາວ, ຂໍໃຫ້ສັນຍານາມໄວ້ວ່າ “ເປັນຕຶກແຫ່ງຄວາມເປັນທີ່ສຸດ 04 ຢ່າງ ຄື: ທັນສະໄໝທີ່ສຸດ, ສວຍງາມມີເອກະລັກ ຂອງວັດທະນະສະຖາປັດຕິຍະກຳຂອງລາວດີທີ່ສຸດ, ເປັນອາຄານທີ່ແໜ້ນໜາແຂງແຮງຈະໃຊ້ງານໄດ້ຍາວນານທີ່ສຸດ ແລະ ມີມູນຄ່າສູງທີ່ສຸດ ສຳລັບຕຶກຫລັງໜຶ່ງເທົ່າທີ່ເຄີຍມີມາ ຢູ່ປະເທດລາວ ເຖິງປັດຈຸບັນ”ຫໍສະພາແຫ່ງຊາດຫລັງນີ້, ຍັງມີຄວາມໝາຍປະຫວັດສາດສໍາຄັນຕໍ່ສອງຊາດລາວ-ຫວຽດນາມອ້າຍນ້ອງ ກໍຄື ເປັນສັນຍາລັກໃຫ້ແກ່ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ທີ່ເປັນສາຍພົວພັນໜຶ່ງດຽວໃນໂລກ, ຫາຍາກ, ບໍ່ເໝືອນໃຜ ແລະ ບໍ່ມີໃຜເໝືອນ,ສັນຍາລັກຂອງຕຶກສະພາແຫ່ງຊາດຫລັງນີ້, ແມ່ນສັນຍາລັກແຫ່ງຄວາມບໍລິສຸດຜຸດຜ່ອງ, ສັນຍາລັກແຫ່ງນ້ຳໃຈເອື້ອເຟື້ອເພື່ອແຜ່ຂອງປະຊາຊົນຫວຽດນາມອ້າຍນ້ອງ ທີ່ມີຕໍ່ປະຊາຊົນລາວ ,ຂໍຕາງໜ້າໃຫ້ພັກ, ລັດ ແລະ ປະຊາຊົນລາວບັນ ດາເຜົ່າ ສະແດງຄວາມຮູ້ບຸນຄຸນ ແລະ ຂອບໃຈເປັນຢ່າງສູງ ຜ່ານສະຫາຍ ປະທານປະເທດ ຫງວຽນ ຊວັນ ຟຸກ ໄປຍັງການນຳຂອງພັກ, ລັດ ແລະ ປະຊາຊົນຫວຽດນາມ ທຸກຖ້ວນໜ້າ ຕໍ່ສົມບັດອັນໃຫຍ່ຫລວງ, ລ້ຳຄ່າ ແລະ ຢືນຢັນວ່າ ຈະພ້ອມກັນປົກປັກຮັກສາຫໍສະພາແຫ່ງຊາດຫລັງນີ້ ໃຫ້ຄົງຢູ່ກັບພະທາດຫລວງ ທີ່ເປັນສະຖານທີ່ຊັກກາລະບູຊາ ຂອງປະຊາຊົນລາວຕະຫລອດໄປ;ພາຍຫລັງສຳເລັດພິທີເປີດນຳໃຊ້ ແລະ ມອບຮັບຫໍສະພາແຫ່ງຊາດລາວແລ້ວ, ສະຫາຍປະທານປະເທດທັງສອງ

ຂ່າວທົ່ວໄປ