ຢູ່ຫ້ອງແຖວຮູຫນູ ອຶດຫິວ ມີລູກຖີ່  ຄວນມີແຜນແນວໃດ ກົດອ່ານ

ຢູ່ຫ້ອງແຖວຮູຫນູ ອຶດຫິວ ມີລູກຖີ່ ຄວນມີແຜນແນວໃດ ກົດອ່ານ

ມື້ນີ້ແອັດມີນໄດ້ເຫັນໂພດໜຶ່ງຂອງນັກວິທະຍາກອນສາວຊື່ດັງຢ່າງ ມິດປະຊາ (Mitpasa Sitthihukpanya) ເປັນບຸກຄົນທີ່ມີສີລະປະໃນການຂຽນ, ຂຽນບົດສາລະຄະດີ, ສ້າງຮູບເງົາ, ມີຫຼາຍຜົນງານທີ່ແຟນໆຮູ້ຈັກດີ ມີຄວາມຮູ້ທາງດ້ານການວິເຄາະ ແລະ ວິທະຍາກອນໃນງານສຳຄັນຕ່າງໆ ເນື່ອງຈາກຊ່ວງນີ້ມີການລະບາດໂຄວິດ19 ຫຼາຍຄົນຫຼາຍເສດຖະກິດມີຄວາມຂັດສົນສົມຄວນ ແລະ ມື້ນີ້ຈະຍົກເລື່ອງບັນຫາການມີຄອບຄົວ ເພີ່ນໄດ້ກ່າວວ່າ:

ເຫັນຫລາຍຄົນໂພສກະປຸກນົມຜົງເປົ່າໆນົມລູກຫມົດບໍ່ມີເງິນຊື້ແລ້ວຍິ່ງໄລຍະນີ້ໂຄວິດແຮງລຳບາກອັນທີ່ຈິງກະອີ່ຕົນ ຂ້ອຍເຄີຍຊ່ວຍຊື້ເປີ້ ຊື້ນົມ ເຂົ້່່່່າຫນົມໃຫ້ເດັກໆທີ່ຄອບຄົວຂາດເຂີນຢູ່

ແຕ່ປະເດັນທີ່ຢາກເອີ່ຍເຖິງກໍຄື….ຂ້ອຍສັງເກດເຫັນແມ່ຫລາຍຄົນມີລູກກັນຕັ້ງແຕ່ອາຍຸຍັງນ້ອຍໆ, ມີລູກນ້ອຍໂດຍທີ່ໂຕເອງບໍ່ມີວຽກເຮັດ(ບໍ່ມີລາຍໄດ້)ສ່ວນຜົວກໍແມ່ນເຮັດວຽກທີ່ມີລາຍໄດ້ບໍ່ຫມັ້ນຄົງ, ຫລາຍຄົນເອົາລູກຖີ່ໆ ຫົວປີທ້າຍປີ ທັງທີ່ສະພາບເສດຖະກິດບໍ່ພ້ອມ….

ແລ້ວເລື່ອງເງິນນີ້ລະ ທີ່ນຳພາໄປສູ່ປະເດັນຜິດຖຽງ ແລະປະຮ້າງ ຈຳນວນບໍ່ຫນ້ອຍ

ການລ້ຽງດູເດັກແບບຂາດໆເຂີນໆ ບໍ່ມີອາຫານດີໆໃຫ້ກິນ ເດັກບາງຄົນກິນຄີມທຽມ ຫລືນົມຂຸ້ນຫວານແທນນົມຜົງສຳລັບເດັກ,ບໍ່ມີເງິນປິ່ນປົວເວລາເຈັບເປັນ ແລະຂາດໂອກາດອີກຫລາຍໆຢ່າງ….ຫນ້າເສົ້າໃຈແທ້ໆ ອັນທີ່ຈິງຂ້ອຍກັບນ້ອງໆບໍ່ແມ່ນວ່າບໍ່ເຄີຍລຳບາກ, ພໍ່ແມ່ເຮົາມີລາຍໄດ້ບໍ່ຫລາຍ ແຕ່ເຮົາກໍຍັງມີສວນຜັກໄວ້ເກັບກິນ,ມີບ່ອນໃຫ້ເກັບຜັກຊຸບໄປຂາຍຢູ່ຕະຫລາດ,ໄດ້ຮຽນໂຮງຮຽນລັດ, ມີປື້ມມີສໍ…. ເຊິ່ງມັນກະບໍ່ຂີ້ຮ້າຍ

ຕ່າງຈາກດຽວນີ້! ບໍ່ມີເງິນຄືບໍ່ມີໂອກາດເຂົ້າເຖິງແຫລ່ງສະຫນອງປັດໄຈ 4 ທີ່ມີຄຸນນະພາບ, ຢູ່ໃນເມືອງຫລາຍໆບ່ອນບໍ່ໄດ້ມີທີ່ດິນໃຫ້ເຮັດສວນຜັກ ບໍ່ມີກໍຫນໍ່ໄມ້ໃຫ້ເກັບໄປຕົ້ມກິນປະທັງຊີວິດ ບໍ່ມີເຂົ້າຢູ່ເລົ້າ; ມີແຕ່ຢູ່ຫ້ອງແຖວຮູຫນູ ອຶດຫິວຢູ່ໃນຫັ້ນ ທາງອອກສຸດທ້າຍທີ່ພໍມີແສງຮິບຮີ່ກໍຄື…ລໍຖ້າຄົນບາງຄົນມາພົບແລ້ວກໍເອົາໄປໂພສລົງໂຊຊຽວ ຄົນໃຈບຸນກໍສົງສານ ແລະກໍມາບໍລິຈາກເຂົ້າປາອາຫານໃຫ້…ແຕ່ບໍ່ແມ່ນທຸກຄອບຄົວຈະໂຊກດີຄືແນວນັ້ນ.

ເອົາແທ້ໆໃດ ການວາງແຜນຊີວິດ ແລະການວາງແຜນຄອບຄົວເປັນສິ່ງສຳຄັນຫລາຍ….ເຮົາຄວນຈະຮູ້ວ່າຮຽນຈົບແລ້ວເຮົາຈະໄປເຮັດຫຍັງ? ມີລາຍໄດ້ເທົ່າໃດ? ຈະບໍລິຫານເງິນແນວໃດໃຫ້ກຸ້ມກິນ?ຈະແຕ່ງງານຕອນໃດ?ຈະເອົາລູກຕອນໃດ? ມີລູກຈັກຄົນຈັ່ງຊິລ້ຽງໄຫວ? ຕ້ອງຄຸມກຳເນີດວິທີໃດ? ເມື່ອມີລູກແລ້ວແຕ່ວາງແຜນຄ່າໃຊ້ຈ່າຍແນວໃດ?

ມັນຄົງຈະບໍ່ເຫລືອບ່າກວ່າແຮງທີ່ເຮົາຈະເຮັດໄດ້! ເພື່ອໂຕເອງ ເພື່ອຄອບຄົວ ເພື່ອທີ່ຈະບໍ່ເປັນພາລະແກ່ສັງຄົມ.

ຖ້າທຸກຄົນໄດ້ອ່ານແລ້ວຄິດວ່າບົດຄວາມນີ້ມີປະໂຫຍດກໍສາມາດແຊໄດ້ ແລະ ເປັນບົດຮຽນລາຄາແພງສົມ ເລື່ອງການວາງແຜນຊີວິດ ການວາງແຜນຄອບຄົວ ການວາງແຜນວົງເງິນ ໃນຍາມວິກິດ ສຸດທ້າຍຂໍໃຫ້ທຸກຄົນໂຊກດີຜ່ານຜ່າວິກິດນີ້ໄປດ້ວຍກັນ. ຮຽບຮຽງ:ພາບປະກອບ ສຽງລຳໂພງ

ຂ່າວທົ່ວໄປ