ສຶກສາອົບຮົມສາວຂາຍບໍລິການ 25 ຄົນ ພ້ອມເຈົ້າຂອງຮ້ານ

ສຶກສາອົບຮົມສາວຂາຍບໍລິການ 25 ຄົນ ພ້ອມເຈົ້າຂອງຮ້ານ

ກອງບັນຊາການ ປກສ ເມືອງນາຊາຍທອງ ໄດ້ລົງແກ້ໄຂ, ກວດກາການເປີດບໍລິການຮ້ານກິນດື່ມ ບັນເທີງທົ່ວເມືອງນາຊາຍທອງ.ຕາມການແຈ້ງຂອງ ພັທ ບຸນມີ ກັນຕິຍະວົງ ຮອງຫົວໜ້າກອງບັນຊາການ ປກສ ເມືອງນາຊາຍທອງ ໃຫ້ຮູ້ວ່າ: ໃນເວລາ 19 ໂມງ ຂອງວັນທີ 31 ມີນາ 2021 ເຈົ້າໜ້າທີ່ໄດ້ລົງກວດກາບັນດາຮ້ານກິນດື່ມບັນເທີງ ຈຳນວນ 5 ຮ້ານ ໄດ້ພົບເຫັນຍິງສາວທີ່ມາເຮັດວຽກບໍລິການກິນດື່ມ-ເສີບ ຮັບໃຊ້ຜູ້ມາໃຊ້ບໍລິການຈຳນວນ 25 ຄົນ ຈຶ່ງໄດ້ຂຶ້ນບັນຊີ ແລະ ນຳເອົາມາສຶກສາອົບຮົມໃນຄັ້ງວັນທີ່ 1 ເມສາ 2021 ທີ່ສະໂມສອນ ປກສ ເມືອງ ນາຊາຍທອງ.ໃນພິທີ ສຶກສາອົບຮົມ ທ່ານ ພັທ ບຸນມີ ກັນຕິຍະວົງ ໄດ້ຍົກໃຫ້ເຫັນຜົນສະທ້ອນ ຂອງການເປີດບໍລິການຮ້ານກິນດື່ມບັນເທີງທີ່ບໍ່ຖືກຕ້ອງຕາມອານຸຍາດ ແລະ ການໃຫ້ບໍລິການເສີມ ທີ່ຕິດພັນແອບແຝງຄ້າໂສເພນີ ແລະ ຂາຍປະເວນີຂອງຍິງສາວ ເປັນການເຄື່ອນໄຫວຜິດຕໍ່ຮີດຄອງປະເພນີ ອັນດີງາມຂອງຊາດ, ລະເມີດກົດໝາຍ-ລະບຽບການດຳລົງຊີວິດຂອງສັງຄົມ ນອກນັ້ນ ຍັງມີຄວາມສ່ຽງຕໍ່ການຕິດເຊື້ອພະຍາດ ແລະ ບັນຫາອື່ນໆ ຍ້ອນເຫັນໄດ້ຄວາມເປັນອັນຕະລາຍຮ້າຍແຮງຕໍ່ສາຍພົວພັນສັງຄົມ ແລະ ບັນຫາສຸກະພາບ ຂອງຍິງສາວ ເຈົ້າໜ້າທີ່ກຳລັງ ປ້ອງກັນຄວາມສະຫງົບ ນວ ຈຶ່ງຮຽກຮ້ອງມາຍັງ ຜູ້ປະກອບການຮ້ານກິນດື່ມບັນເທີງ ຈົ່ງເຂັ້ມງວດປະຕິບັດກົດໝາຍ ແລະ ລະບຽບ ສ່ວນຍິງສາວບໍລິການກໍ່ໃຫ້ຢຸດເຊົາ ແລະ ມອບໃຫ້ຜູ້ປົກຄອງເພື່ອນຳໄປປະກອບອາຊີບການງານທີ່ທຸຈະລິດ

ຂ່າວທົ່ວໄປ