ສຸດສົງສານກຳມະກອນຜູ້ທີ່ລອດຊີວິດຈາກເຫດການລົດລະເບີດ ຂໍໃຫ້ສູ້ຕໍ່ໄປເດີ

ສຸດສົງສານກຳມະກອນຜູ້ທີ່ລອດຊີວິດຈາກເຫດການລົດລະເບີດ ຂໍໃຫ້ສູ້ຕໍ່ໄປເດີ

ສົງສານອ້າຍກຳມະກອນລາຍວັນ ຜູ້ທີ່ລອດຊີວິດຈາກເຫດການລົດລະເບີດທີ່ຊາຍແດນລາວບາວ ແຂວງ ສະຫວັນນະເຂດ ຕ້ອງໄດ້ຕັດແຂນເບື້ອງໝຶ່ງຖິ້ມ ແຕ່ໂຊກດີທີ່ຍັງລອດຊີວິດມາໄດ້ ຂໍໃຫ້ສູ້ຕໍ່ໄປເດີ ກ່ຽວກັບເຫດການຂອງລົດຫີນກາວ ທີ່ເກີດໄຟໄໝ້ຢູ່ ຈຸດກວດກາ ສິນຄ້າຂອງເຈົ້າໜ້າທີ່ພາສີດ່ານສາກົນແດນສະຫວັນ ວ່າ: ໃນເວລາ 08 ໂມງ 20 ນາທີ ຂອງວັນທີ 03/12/2020 ໄດ້ມີລົດຂົນສົ່ງຫີນກາວຈໍານວນ 03 ຄັນ, ເດີນທາງມາຈາກບໍ່ຫີນກາວ ໂຄກຫີນແກ້ວ ເມືອງຈໍາພອນ ແຂວງສະຫັວນນະເຂດ ເພື່ອຂົນສົ່ງຫີນກາວໄປຍັງ ສສ ຫວຽດນາມຜ່ານດ່ານສາກົນແດນສະຫັວນ.

ເມື່ອລົດມາຮອດສະຖານທີ່ກວດກາສິນຄ້າ ຂອງເຈົ້າໜ້າທີ່ພາສີປະຈໍາດ່ານ, ລົດທັງສາມຄັນກໍ່ແລ່ນເຂົ້າມາຈອດຢູ່ຈຸດກວດກາດັ່ງກ່າວ ເພື່ອໃຫ້ເຈົ້າໜ້າທີ່ ກວດກາສິນຄ້າເພື່ອສົ່ງອອກຕ່າງປະເທດຕາມລະບຽບການ, ໃນເວລານັ້ນເຈົ້າໜ້າ ທີ່ພາສີໄດ້ໃຫ້ກໍາມະກອນ ຈໍານວນ 08 ຄົນ ຊ່ວຍກວດຄົ້ນຫີນກາວຢູ່ເທິງລົດ ໂດຍພາຍໃຕ້ການຊີ້ນໍາ ທາງດ້ານວິຊາສະເພາະຂອງເຈົ້າໜ້າທີ່ພາສີ, ຈຸດປະສົງຂອງການກວດຄົ້ນແມ່ນກວດຄົ້ນຫາສິນຄ້າທີ່ຜິດ ກົດໝາຍທີ່ອາດມີການລັກລອບຊຸກເຊື່ອງມານໍາພາຫະນະຈໍານວນດັ່ງກ່າວ, ໃນຂະນະທີ່ກວດກາຢູ່ນັ້ນ ກໍາມະກອນກໍ່ໄດ້ເຫັນຄວັນໄຟເກີດຂຶ້ນຈາກພື້ນລົດ ພ້ອມມີປະກາຍໄຟລຸກຂຶ້ນຢ່າງຮຸນແຮງ ແລະ ພາໃຫ້ເກີດມີສຽງແຕກດັງຂຶ້ນຄ້າຍຄືສຽງລະເບີດ ເຮັດໃຫ້ເກີດມີໄຟໄໝ້ລາມເປັນບໍລິເວນກວ້າງ ແລະ ມີພພຸໄຟແຕກອອກຈາກຖັງກະບະລົດຫີນກາວເປັນຈໍານວນຫລາຍ ແລະ ຟົ້ງໄປໃສ່ຖັງນ້ໍາ ມັນທີ່ເຈົ້າໜ້າທີ່ພາສີຢຶດໃນສາງ,

ບໍລິເວນໃກ້ຄຽງກໍ່ໃຫ້ເກີດມີສຽງແຕກດັງຂຶ້ນຄ້າຍຄືສຽງລະເບີດ ແລະ ເປັນປະກາຍຢ່າງຮຸນແຮງ, ເປັນສາເຫດໃຫ້ເກີດມີຜູ້ໄດ້ຮັບບາດເຈັບ ຈໍານວນ 8 ຄົນ, ໃນນັ້ນເປັນຄົນ ລາວ 3 ຄົນ, ຍິງ 1 ຄົນ, ຄົນຫວຽດນາມ 5 ຄົນ ແລະ ເສຍຊີວິດກັບທີ່ 3 ຄົນ, ຍິງ 1 ຄົນ, ໃນນັ້ນ ມີຄົນລາວ 2 ຄົນເພດຊາຍ, ຄົນຫວຽດນາມ 1 ຄົນເພດຍິງ. ສ່ວນຜົນເສຍຫາຍທາງດ້ານຊັບສິນໃນເບື້ອງຕົ້ນທີ່ເກີດຂຶ້ນຈາກເຫດໄຟໄໝ້ຄັ້ງນີ້: ມີສາງກາງແຈ້ງຈໍານວນ 2 ຫລັງ, ສາງສໍາລັບໄວ້ລົດເອັກສະເລ 1 ຫລັງ, ຫ້ອງການບ່ອນເຮັດວຽກ ກວດກາຂອງເຈົ້າໜ້າທີ່ພາສີ 1 ຫລັງ, ພາຫະນະຂົນສົ່ງສິນຄ້າ 4 ຄັນ, ພາຫະນະປະເພດລົດກະບະຂອງລັດ 1 ຄັນ ແລະ ລົດກະບະສ່ວນບຸກຄົນ 1 ຄັນ

ທ່ານ ພັທ ກອງມະນີ ຊົມມີໄຊ ຍັງໃຫ້ຮູ້ອີກວ່າ: ຕໍ່ກັບເຫດການທີ່ເກີດຂຶ້ນໃນຄັ້ງນີ້ ເຈົ້າໜ້າທີ່ອົງການສຶບສວນ-ສອບສວນ ກອງບັນຊາການ ປກສ ແຂວງ, ເຈົ້າໜ້າທີ່ ກອງບັນຊາການ ປກສ ເມືອງເຊໂປນ ແລະ ພາກສ່ວນກ່ຽວຂ້ອງ ຂອງດ່ານສາກົນ ແດນສະຫວັນ ກໍາລັງດໍາເນີນ ການເກັບກໍາຂໍ້ມູນ ແລະ ດໍາເນີນການສືບສວນ-ສອບສວນ, ຕໍ່ກັບສະພາບການເຫດການທີ່ເກີດຂຶ້ນ ຄັ້ງນີ້ແມ່ນເກີດຂຶ້ນຍ້ອນອຸບັດເຫດ, ບໍ່ແມ່ນການວາງລະເບີດແຕ່ຢ່າງໃດ.

ຂ່າວທົ່ວໄປ