ສຸດແປກ…ໝານ້ອຍເກີດມາ ມີຫາງປົ່ງອອກກາງໜ້າຜາກ ຢູ່ທີ່ສະຫະລັດ

ສຸດແປກ…ໝານ້ອຍເກີດມາ ມີຫາງປົ່ງອອກກາງໜ້າຜາກ ຢູ່ທີ່ສະຫະລັດ

ໝານ້ອຍອາຍຸ 10 ອາທິດໃນລັດມິສຊູຣີຂອງສະຫະລັດ ໄດ້ຮັບການຕັ້ງຊື່ວ່າ “ນໍວໍລ໌ (Narwhals)” ກຳລັງໄດ້ຮັບຄວາມສົນໃຈຈາກຜູ້ໃຊ້ອິນເຕີເນັດໃນສະຫະລັດ ແລະ ຫຼາຍປະເທດ ເພາະໝານ້ອຍໂຕນີ້ມີຫາງຂະໜາດນ້ອຍປົ່ງອອກມາຈາກກາງໜ້າຜາກ

ເຖິງແມ່ນວ່າຫາງທີ່ປົ່ງອອກມານີ້ ຈະສັ່ນບໍ່ໄດ້ຄືກັບຫາງທີ່ຢູ່ດ້ານຫຼັງ ແຕ່ກໍເຮັດໃຫ້ຫຼາຍຄົນເບິ່ງວ່າໝານ້ອຍໂຕນີ້ມີຄວາມພິເສດ ແລະ ໜ້າຮັກບໍ່ຕ່າງຈາກໝານ້ອຍໂຕອື່ນໆເລີຍ

ທາງດ້ານ Mac’s Mission (ແມັກສ໌ ມິຊຊັນ) ເຊິ່ງເປັນອົງກອນບໍ່ສະແຫວງຫາຜົນກຳໄລທີ່ເບິ່ງແຍງໝານ້ອຍໂຕນີ້ຢູ່ ບອກວ່າ ໄດ້ຮັບນໍວໍລ໌ມາດູແລຕັ້ງແຕ່ວັນທີ 9 ພະຈິກ ທີ່ຜ່ານມາ ຫຼັງຈາກພົບວ່າຖືກຖິ້ມຢູ່ໃນອາກາດໜາວ ຈົນອົ້ງຕີນໜ້າຖືກຄວາມເຢັນກັດ

ເມື່ອພົບວ່ານໍວໍລ໌ມີຫາງພິເສດ ສັດຕະວະແພດຂອງອົງກອນນີ້ຈຶ່ງນຳໄປເອັກຊ໌ເຣເພື່ອເບິ່ງວ່າ ຫາງດັ່ງກ່າວມີກະດູກ ຫຼື ເສັ້ນປະສາດທີ່ຕິດຕໍ່ກັບສ່ວນອື່ນໆຂອງຮ່າງກາຍຫຼືບໍ່ ເຊິ່ງພົບວ່າເປັນຫາງທີ່ບໍ່ໄດ້ຕິດຕໍ່ກັບຫຍັງເລີຍ ຈຶ່ງບໍ່ເຮັດໃຫ້ນໍວໍລ໌ຮູ້ສຶກເຈັບປວດ ແຕ່ທີມສັດຕະວະແພດກໍບອກວ່າ ຫາງນີ້ບໍ່ຈຳເປັນຕ້ອງຕັດຖິ້ມເຊັ່ນກັນ

ຫາງນີ້ບໍ່ໄດ້ສ້າງຄວາມລຳຄານໃຫ້ກັບມັນ ແລ້ວກໍບໍ່ໄດ້ເປັນອຸປະສັກໃນການເຄື່ອນໄຫວ, ກໍຄືກັບໝານ້ອຍໂຕອື່ນໆນັ້ນລະ” ແມັກສ໌ ມິຊຊັນ ໂພສໃນເຟສບຸກ

ຂ່າວທົ່ວໄປ