ສູ້ຊີວິດ ຈາກເປັນພໍ່ຄ້າເລາະຂາຍເຄື່ອງ ສູ່ເຈົ້າຂອງບໍລິສັດຫຼາຍແຫ່ງ

ສູ້ຊີວິດ ຈາກເປັນພໍ່ຄ້າເລາະຂາຍເຄື່ອງ ສູ່ເຈົ້າຂອງບໍລິສັດຫຼາຍແຫ່ງ

ສະບາຍດີ ມື້ນີ້ ແອັດມີນຈະພາທ່ານເຂົ້າໄປສ່ອງ ຄວາມສຳເລັດຂອງ ອ້າຍສຸລິຍົມ ຈັນດາລາສານກ່ອນຈະມາເຖິງຈຸດນີ້ເພີ່ນໄດ້ຜ່ານຄວາມລໍ້າບາກຫຼາຍຢ່າງ ແລະ ມື້ນີ້ເພີ່ນໄດ້ໂພດຄວາມປະທັບໃຈວັນຄົບຮອບແຕ່ງງານ ໂດຍມີເນື້ອໃນວ່າ:  9ປີທີ່ມີເຈົ້າຢູ່ຄຽງຂ້າງ 9th Anniversary

ເລື່ອງສັ້ນຂອງສອງເຮົາ:

ຂ້ອຍເລີ່ມຈີບເຈົ້າວັນທີ 9.11.2011, ຂໍແຕ່ງເດືອນ 12.2011 ແລະ ວັນທີ 23.03.2012 ເປັນມື້ແຕ່ງຂອງສອງເຮົາ

2014 ເປີດບໍລິສັດໃຫມ່ໆ ຂ້ອຍພາເຈົ້າອານາໄມຫ້ອງການ ລ້າງແລະຄັດຫ້ອງນໍ້າເອງແຕ່ຊັ້ນ 1 ຮອດຊັ້ນ 3 ຍ້ອນທຸກຢ່າງຄືການເລີ່ມຕົ້ນໃຫມ່

ຂ້ອຍພາເຈົ້າຂັບລົດເລາະຂາຍເຄື່ອງຕັ້ງແຕ່ເໜືອຮອດໃຕ້ ແລະ ສິ່ງທີ່ຂ້ອຍບໍ່ເຄີຍລືມແມ່ນລະຫວ່າງທາງຫລວງນໍ້າທາ-ອຸດົມໄຊ ເສັ້ນທາງຢູ່ເທິງຈອມພູທີ່ສູງຊັນ ຈົນເຮັດໃຫ້ຂາຂ້ອຍສັ່ນ ຕີນເຢັນ ມືເຢັນຢຽບຄັນເລັ່ງເກືອບບໍ່ໄດ້ ແຕ່ຂ້ອຍກໍ່ພະຍາຍາມຕັ້ງໃຈຂ້າມຜ່ານຄວາມຢ້ານກົວດັ່ງກ່າວ ແລະ ທີ່ສໍາຄັນຕອນນັ້ນແມ່ນມີເຈົ້ານັ່ງຢູ່ຄຽງຂ້າງ

ຈາກມື້ນັ້ນຮອດມື້ນີ້ ພວກເຮົາມີທຸລະກິດ 6 ຢ່າງ ແລະ ລູກນ້ອຍ 4 ຄົນ ທີ່ຕ້ອງເອົາໃຈໃສ່ສູ້ຊົນເບິ່ງແຍງດູແລເພື່ອໃຫ້ທຸກຢ່າງລົງໂຕແລະຂັບເຄື່ອນກ້າວໄປຂ້າງໜ້າ

ຂອບໃຈພໍ່ແມ່ຄອບຄົວ ເພື່ອນມິດສະຫາຍ ຄົນດີໆ ແລະ ທຸກໂອກາດດີໆທີ່ຂອ້ຍໄດ້ຮັບ ແລະ ຂອບໃຈທຸກສິ່ງທຸກຢ່າງທີ່ຜ່ານເຂົ້າມາໃນຊີວິດຂອງຂ້ອຍ

ຫລັກການການໃຊ້ຊີວິດຂອງພວກເຮົາຄື ການຜ່ອນສັ້ນຜ່ອນຍາວໃຫ້ກັນແລະກັນ ບໍ່ຖືທິດທິວ່າເຈົ້າຜິດຂ້ອຍຖືກ ການຍອມບໍ່ແມ່ນການເສຍປຽບ ນອບນ້ອມທ່ອມຕົນ ຖືສັດຈະແລະຄວາມຊື່ສັດຈິງໃຈມາເປັນອັນດັບນຶ່ງ ບໍ່ໃຊ້ເງິນເກີນໂຕ ບໍ່ເສບຂອງແບລນເນມຈົນເກີນໄປ ມີເປົ້າໝາຍໃນສິ່ງທີ່ຢາກໄດ້ ຕາມກຳລັງ ຈັງຫວະ ແລະ ເຫື່ອແຮງຂອງໂຕເອງ.ຂໍເປັນກຳລັງໃຈໃຫ້ທຸກຄົນທີ່ກຳລັງສູ້ຊີວິດເຊື່ອວ່າຄວາມຝັນຂອງທ່ານອາດຈະເປັນຈິງ

ຂ່າວທົ່ວໄປ