ປະໝາດບໍ່ໄດ້ແລ້ວ! ເສຍຊີວິດເພີ່ມອີກ 1 ຍ້ອນໄຂ້ຍຸງລາຍ ລວມເປັນ 8 ຄົນແລ້ວ ຍອດສະສົມ 2,618 ກໍລະນີ

ປະໝາດບໍ່ໄດ້ແລ້ວ! ເສຍຊີວິດເພີ່ມອີກ 1 ຍ້ອນໄຂ້ຍຸງລາຍ ລວມເປັນ 8 ຄົນແລ້ວ ຍອດສະສົມ 2,618 ກໍລະນີ

ລາຍງານການເຝົ້າລະວັງພະຍາດໄຂ້ຍຸງລາຍປະຈໍາ ວັນທີ 07/07/2020 ມີ 56 ກໍລະນີ ແລະ ເສຍຊີວິດ 01 ກໍລະນີ. ກໍລະນີສະສົມທັງໝົດແຕ່ວັນທີ 28/12/2019-07/07/2020 ມີ 2,618 ກໍລະນີ ແລະ ເສຍຊີວິດ 08 ກໍລະນີ, ລາຍລະອຽດດັ່ງຕາຕະລາງລຸ່ມນີ້:

ລາຍລະອຽດກໍລະນີເສຍຊີວິດ: ເພດຊາຍ, ອາຍຸ 20 ປີ, ອາຊີບກຳມະກອນ, ຢູ່ບ້ານນ້ຳພານ: ເມືອງຄູນ, ແຂວງຊຽງຂວາງ, ອາການ ໄຂ້, ເຈັບຫົວ, ເຈັບກ້າມຊີ້ນ, ຕຸ່ມຜື່ນຄັນ, ມີຈຸດຊ້ຳເລືອດ,ເຮັດຕວກນິເກເປັນບວກ,  ເລີ່ມຕົ້ນເຈັບວັນທີ 28/06/2020, ເຂົ້າໂຮງໝໍ ວັນທີ 01/07/2020, ແລະ ເສຍຊີວິດວັນທີ 07/07/2020, ສົ່ງຕົວຢ່າງມາ ສວລ ວັນທີ 03/07/2020 ລໍຖ້າຜົນກວດ ( ລາຍລະອຽດຈະລາຍງານຕື່ມຕາມພາຍຫຼັງ)

ຕໍ່ສະພາບການດັ່ງກ່າວ, ພວກເຮົາຈົ່ງພ້ອມໃຈກັນ ປະຕິບັດມາດຕະການ 5ປ ຢ່າງເຄັ່ງຄັດ ໃຫ້ເປັນປະຈຳ ຈຶ່ງຈະສາມາດທຳລາຍ ແຫລ່ງເພາະພັນຂອງຍຸງລາຍໄດ້ ແລະ ພ້ອມກັນປະຕິບັດຄຳຂວັນທີ່ວ່າ “ບໍ່ມີໜອນນ້ຳຍຸງລາຍ ກໍ່ບໍ່ມີຍຸງລາຍ ແລະ ບໍ່ມີໄຂ້ເລືອດອອກ”. ຖ້າເປັນໄຂ້ໃຫ້ຮີບຮ້ອນ ໄປພົບແພດໝໍດ່ວນ, ຫາກທຸກຄົນປະຕິບັດ ໄດ້ຕາມມາດຕະການ 5ປ ທີ່ທາງກະຊວງສາທາລະນະສຸກ ວາງອອກ ຢ່າງເຂັ້ມງວດ ກໍ່ຈະສາມາດຫລຸດຜ່ອນ, ປ້ອງກັນການເຈັບເປັນ ແລະ ສະກັດກັ້ນການແຜ່ລະບາດ ຂອງເຊື້ອພະຍາດໄຂ້ຍຸງລາຍ ໃຫ້ຫລຸດລົງ ເທື່ອລະກ້າວ.

ຂ່າວທົ່ວໄປ