ອຸຕຸເຕືອນ ອຸນຫະພູມຈະຫຼຸດລົງ 2-3 ອົງສາ ພາກເໜືອ ແລະ ກາງ ໃຫ້ປະຊາຊົນຈົ່ງຮັກສາສຸຂະພາບ

ອຸຕຸເຕືອນ ອຸນຫະພູມຈະຫຼຸດລົງ 2-3 ອົງສາ ພາກເໜືອ ແລະ ກາງ ໃຫ້ປະຊາຊົນຈົ່ງຮັກສາສຸຂະພາບ

ກົມອຸຕຸນິຍົມ ແລະ ອຸທົກກະສາດ ຄາດຄະເນສະພາບອາກາດ ໃນໄລຍະວັນທີ 17 ຫາ 23 ກຸມພາ 2020: ໃນໄລຍະໜຶ່ງອາທິດຕໍ່ໜ້າ ວັນທີ 17 ຫາ 23 ກຸມພາ ມວນອາກາດໜາວເຢັນຈາກປະເທດຈີນໄດ້ມີກໍາລັງແຮງເພີ່ມຂຶ້ນແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວ ແລະ ສົມທົບກັບກະແສລົມຕາເວັນອອກສ່ຽງເໜືອພັດປົກຄຸມ ເຊິ່ງຈະເຮັດໃຫ້ອຸນຫະພູມອາກາດຫຼຸດລົງຕື່ມອີກ 2 ຫາ 3 ອົງສາ ຢູ່ໃນແຕ່ລະພາກ ແລະ ຈະມີຝົນຕົກ ກະຈາຍໃນລະດັບຄ່ອຍເປັນບາງໂອກາດ

ພ້ອມມີລົມພັດແຮງຢູ່ບາງທ້ອງຖິ່ນ ແລະ ຢູ່ແຂວງພາກເໜືອເຂດພູສູງ, ຮ່ອມພູ ແລະ ພູດອຍ ແຂວງພາກເໜືອ, ແຂວງ ໄຊສົມບູນ ແລະ ເຂດພູພຽງບໍລະເວນ ອາກາດຍັງຈະໜາວ ຫາ ໜາວເຢັນຫຼາຍ ພ້ອມມີໝອກໜາປົກຫຸ້ມໃນຕອນເຊົ້າ, ສ່ວນຕອນບ່າຍອາກາດຮ້ອນ ໂດຍສະເພາະຢູ່ແຂວງພາກກາງ ແລະ ພາກໃຕ້.

ພ້ອມນັ້ນຍັງມີຄໍາເຕືອນເນື່ອງຈາກວ່າມວນອາກາດໜາວເຢັນຈາກປະເທດຈີນໄດ້ມີກໍາລັງແຮງເພີ່ມຂຶ້ນແຜ່ລົງມາປົກຄຸມຢູ່ທົ່ວທຸກພາກຂອງ ປະເທດລາວ, ພ້ອມດຽວກັນກະແສລົມຕາເວັນອອກສ່ຽງເໜືອພັດປົກຄຸມ ເຊິ່ງຈະເຮັດໃຫ້ອຸນຫະພູມອາກາດຫຼຸດລົງຕື່ມອີກ 2 ຫາ 3 ອົງສາ ຢູ່ໃນແຕ່ລະພາກ.

ດັ່ງນັ້ນ, ຈຶ່ງຂໍແຈ້ງເຕືອນເຖິງອໍານາດການປົກຄອງ ແລະ ພໍ່ແມ່ປະຊາຊົນ ທີ່ອາໄສໃນເຂດ ພາກເໜືອ ແລະ ເຂດພາກກາງ ຈົ່ງຮັກສາສຸຂະພາບ ແລະ ກຽມພ້ອມຮັບມືກັບສະພາບອາກາດໜາວທີ່ຈະເກີດຂຶ້ນໃນໄລຍະວັນທີ 17 ຫາ 23 ກຸມພາ 2009 ນີ້.

ຂ່າວທົ່ວໄປ