ເກັບເງິນທາງດ່ວນມື້ທຳອິດ 112,000 ກີບ/ຖ້ຽວ  ບໍ່ເປັນຕາມຂ່າວຜ່ານມາ

ເກັບເງິນທາງດ່ວນມື້ທຳອິດ 112,000 ກີບ/ຖ້ຽວ ບໍ່ເປັນຕາມຂ່າວຜ່ານມາ

ທາງດ່ວນວຽງຈັນ-ວັງວຽງໄດ້ມີພິທີເປີດນໍາໃຊ້ຢ່າງເປັນທາງການເມື່ອວັນທີ 20 ທັນວາ 2020 ທີ່ຜ່ານມາ ແລະ ເປີດໃຫ້ໃຊ້ບໍລິການຟຣີເປັນເວລາ 3 ວັນນັບແຕ່ວັນທີ 21-23 ທັນວາ 2020 ຫຼື ມື້ວັນພຸດເປັນມື້ສຸດທ້າຍ ກ່ອນທີ່ຈະມີການເກັບເງິນ ເພື່ອເປັນການສະເຫຼີມສະຫຼອງວັນຊາດທີ 2 ທັນວາ ຄົບຮອບ 45 ປີ

 

ພາຍຫຼັງທີ່ເປີດໃຫ້ໃຊ້ບໍລິການຟຣີໃນມື້ວັນທີ 21ແລະ22 ທັນວາ 2020 ນັ້ນ ປະກົດວ່າຢູ່ຕາມສາຍທາງດ່ວນດັ່ງກ່າວຍັງພົບເຫັນສັດລ້ຽງຈໍານວນຫຼາຍເຊັ່ນ: ງົວ ແລະ ແບ້ ທີ່ຫາກິນຢູ່ຕາມແຄມທາງນອກຮົ້ວກັ້ນທາງດ່ວນ ແລະ ມີສັດລ້ຽງບາງໂຕໄດ້ແລ່ນຕັດໜ້າລົດ,

ນອກນັ້ນຍັງມີປະຊາຊົນຈໍານວນໜຶ່ງທີ່ໃຊ້ລົດໄຖນາ (ລົດຕ໋ອກຕ໋ອກ) ຂຶ້ນແລ່ນຕາມທາງດ່ວນນໍາອີກ ຊຶ່ງບັນຫາດັ່ງກ່າວນີ້ໄດ້ເຮັດໃຫ້ຜູ້ຂຶ້ນໃຊ້ທາງດ່ວນມີຄວາມກັງວົນກ່ຽວກັບຄວາມປອດໄພ,

ແລະ ລ່າສຸດ ວັນທີ 24 ທັນວາ 2020 ທາງດ່ວນເລີ່ມເກັບເງິນຕາມກຳນົດແຕ່ລະດ່ານແລ້ວ ແຕ່ປະກົດວ່າມີຫຼາຍຄົນທີ່ຊົມໃຊ້ ຍັງງົງກັບຄ່າຊໍາລະ

 

ກ່ອນໜ້ານັ້ນບໍ່ເຫັນແຈ້ງຜ່ານຂ່າວສານວ່າ ລົດລຸ້ນໃດ ເກັບເທົ່າໃດ ເພາະເຮັດໃຫ້ຜູ້ຊົມໃຊ້ເກີດຄວາມແປກໃຈ ດັ່ງນັ້ນເຂົາເຈົ້າຈຶ່ງຮຽກຮ້ອງໃຫ້ທາງພາກສ່ວນທີ່ກ່ຽວຂ້ອງແກ້ໄຂບັນຫານີ້ຢ່າງຮີບດ່ວນ

 

 

ຮຽບຮຽງຂ່າວ: ພອນໄຊ

ຂ່າວທົ່ວໄປ