ເກີດເຫດລົດບັນທຸກແກ່ເບຍ ເສຍຫຼັກຕົກຂົວ ມີຜູ້ເສຍຊີວິດ 1 ຄົນ 24/01/2020

ເກີດເຫດລົດບັນທຸກແກ່ເບຍ ເສຍຫຼັກຕົກຂົວ ມີຜູ້ເສຍຊີວິດ 1 ຄົນ 24/01/2020

ໃນວັນທີ24.01.2020ເວລາ21:22ໂມງໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສ ປປ ລາວ ສາຂາແຂວງວຽງຈັນ ເມືອງວັງວຽງ ໄດ້ຮັບແຈ້ງເຫດຜ່ານເບີສຸກເສີນ 1623ວ່າມີເຫດ ລົດບັນທຸກເສຍຫຼັກຕົກຂົວ ຈຸດເກີດເຫດ ຂົວນ້ຳງາດ ບ້ານນ້ຳງາດ ເມືອງວັງວຽງ ແຂວງວຽງຈັນ

ພໍໜ່ວຍກູ້ໄພມູນນິທິໄດ້ນຳລົດອອກກວດຊອບເຫດພົບວ່າມີລົດບັນທຸກຕົກຂົວທາງໜ່ວຍກູ້ໄພກໍໄດ້ມີການຊອກຫາຕາມບໍລິເວນລົດຕັ້ງແຕ່22:00-00:30ແລ້ວບໍ່ພົບຜູ້ບາດເຈັບ ທາງໜ່ວຍກູ້ໄພເລີຍທຳການຢຸດຕິການຊອກຫາ ມື້ເຊົ້າທີ່25.01.2020 ເວລາ 09:00 ເລີຍໄດ້ປະສານງານໃຫ້ລົດຈົກດຶງລົດຂຶ້ນຈຸດທີ່ເຂົ້າໄປບໍ່ໄດ້ກໍຄືຫົວລົດຟາກຄົນຂັບມັນໄດ້ພັບແນບເຂົ້າກັບຫີນແລະພື້ນນໍ້າ

ເມື່ອດຶງຂຶ້ນມາກໍພົບຮ່າງຜູ້ເສຍຊີວິດ 1 ຄົນ ເພດຊາຍ ອາຍຸ35ປີ ບ້ານຫ້ວຍປາມ້ອມ ເມືອງວັງວຽງ ແຂວງວຽງຈັນ ສັນຊາດລາວ ອາການເບື້ອງຕົ້ນແມ່ນ ຕິດພາຍໃນແລະກະທົບຫົວ(ບໍ່ມີສະຕິ)

ດັ່ງນັ້ນໜ່ວຍກູ້ໄພມູນນິທິຈຶ່ງໄດ້ທຳການນຳສົ່ງຄົນເສຍຊີວິດໄປທີ່ບ້ານຜູ້ເສຍຊີວິດ ທີ່ບ້ານຫ້ວຍປາມ້ອມ ເມືອງວັງວຽງ ແຂວງວຽງຈັນ ເພື່ອປະກອບພິທີທາງສາດສະໜາພວກເຮົາຕ້ອງສະແດງຄວາມເສຍໃຈກັບຄອບຄົວຜູ້ເສຍຊີວິດດ້ວຍ

ຂ່າວທົ່ວໄປ