ເຈົ້າຫນ້າທີ່ ປກສ ເມືອງໄຊທານີ ສາມາດຈັບຂະບວນຄ້າຢາບ້າ

ເຈົ້າຫນ້າທີ່ ປກສ ເມືອງໄຊທານີ ສາມາດຈັບຂະບວນຄ້າຢາບ້າ

ໃນເວລາ 10 ໂມງວັນທີ 13 ກໍລະກົດ 2021 ເຈົ້າຫນ້າທີ່ຕຳຫລວດ ສະຖານີ 1191 ສະພັງມືກ ໄດ້ອອກກວດກາເສັ້ນທາງ ຖະຫນົນ 450 ປີ ພໍຂີ່ລົດໄປຮອດ ສູນການຄ້າສຸວັນນີ ໄດ້ພົບເຫັນລົດທີ່ຕ້ອງສົງໃສລົດເຄນ 06 ລໍ້ ນ້ອຍ

ໄດ້ຂັບຂີ່ມາແຕ່ເສັ້ນທາງບ້ານໂຊກນ້ອຍ ເມື່ອຄົນຂັບລົດ 06 ລໍ້ ເຫັນລົດຂອງເຈົ້າຫນ້າທີ່ ໄດ້ສະແດງທ່າທີຜິດປົກກະຕິ ເຈົ້າຫນ້າທີ່ຈື່ງຂີ່ລົດຕິດຕາມເພື່ອຂໍກວດສອບແຕ່ຄົນຂັບລົດ 06 ລໍ້ບໍ່ຍອມຢຸດ, ແລ້ວໄດ້ເລັ່ງລົດຫນີ ເຈົ້າຫນ້າທີ່ ຫລັງຈາກນັ້ນໄດ້ມີລົດ ຟໍຈູນເນີ້ ສີຂາວໄດ້ຂັບຂີ່ມາຕາມຫລັງລົດ 06 ລໍ້ ແລ້ວຂີ່ລົດພະຍາຍາມຕັນລົດເຈົ້າຫນ້າທີ່ບໍ່ໃຫ້ລົດເຈົ້າຫນ້າທີ່ ຂີ່ໄປທັນລົດ ເຄນ 06 ລໍ້ ເຈົ້າຫນ້າທີ່ໃຊ້ຄວາມພະຍາຍາມ ຈົນຂີ່ໄປຮອດຕະຫລາດຊຸມຊົນນາແຄ

 ລົດຟໍຈຸນເນີ້ ກໍໄດ້ແຊງຫນ້າລົດເຄນ06 ລໍ້ ໄປ ແລະ ລົດເຄນ 06 ລ້ໄກ້ລຸດຄວາມໄວລົງຫລັງຈາກນັ້ນ, ມີກຳມະກອນຢູ່ຫລັງລົດ 06 ລໍ້ຈຳນວນ02 ຄົນ ໄດ້ໂຕນອອກຈາກລົດ ເພື່ອເອົາໂຕຫລົບຫນີ ສ່ວນຄົນຂັບລົດ ແລະ ຜູ້ໂດຍສານນັ່ງຂ້າງຄົນຂັບລົດ 06 ລໍ້ ກໍ່ຕັດສິນໃຈ ໂຕນອອກຈາກລົດ ເພື່ອເອົາໂຕຫລົບຫນີ ເຊັ່ນກັນ ແຕ່ຄົນຂັບລົດ 06 ລໍ້ໂຕນອອກຜິດພາດ

 ຕົກລົງກາງຫົນທາງ ເຈົ້າຫນ້າທີ່ຈື່ງສາມາດຈັບໂຕໄວ້ໄດ້ ສ່ວນລົດເຄນ 06 ລໍ້ ໄດ້ໃຫລໄປອີກປະມານ 50 ແມັດ ຈື່ງສາມາດຢຸດລົດໄດ້ ພໍເຈົ້າຫນ້າທີ່ໄປກວດສອບລົດ, ບໍ່ມີຄົນຢູ່ພາຍໃນລົດ ເຊີ່ງລົດເຄນ 06 ລໍ້ຄັນດັ່ງກ່າວປ້າຍທະບຽນ ບຄ 6014 ສີຟ້າ ເຈົ້າຫ້າທີ່ໄດ້ທຳການກວດສອບລົດເຄນ 06 ລໍ້ຄັນດັ່ງກ່າວ, ມີສິງຜິດກົດຫມາຍປະເພດ ຢາບ້າ ຈຳນວນ 85 ກະເປົາກະເປົາຫນື່ງບັນຈຸ 10 ມັດ ເທົ່າກັບ8,488 ມັດ ເທົ່າກັບ 16,976,000 ເມັດ ນຳ້ຫນັກ 1,953 kg,ຜູ້ຖືກຫາທີ່ເຈົ້າຫນ້າທີ່ຈັບໄດ້ຊື່ ທ້າວ ເນັ່ງຊົງ

ສ່ວນຄົນອື່ນໆ ທີ່ເອົາໂຕລົບຫນີເຈົ້າທີ່ກຳລັງຕິດຕາມ ເພື່ອເອົາມາດຳເນີນຂະດີຕາມລະບຽບກົດຫມາຍ (ສ່ວນຂໍ້ມູນທີ່ຊັດເຈນເຈົ້າຫນ້າທີ່ຈະມີການລາຍງານເພີ່ມຕື່ມ, ປກສ ເມືອງໄຊທານີ

ຂ່າວທົ່ວໄປ