ເຊື້ອໂຄວິດສາຍພັນໃໝ່ Omicron (ໂອມີຄຣອນ) ສາມາດແຜ່ກະຈາຍເຊື້ອໄດ້ໄວກວ່າສາຍພັນອື່ນ ເຖິງ 500%  ປັດຈຸບັນມາຮອດໄທແລ້ວ.

ເຊື້ອໂຄວິດສາຍພັນໃໝ່ Omicron (ໂອມີຄຣອນ) ສາມາດແຜ່ກະຈາຍເຊື້ອໄດ້ໄວກວ່າສາຍພັນອື່ນ ເຖິງ 500%  ປັດຈຸບັນມາຮອດໄທແລ້ວ.

Omicron (ໂອມີຄຣອນ)ນີ້ເປັນໂຄວິດສາຍພັນທີ 5 ທີ່ອົງການອະນາໄມໂລກ ປະກາດຍົກລະດັບໃຫ້ເປັນເຊື້ອໄວຣັດທີ່ໜ້າກັງວົນ, ເຊື້ອສາຍພັນນີ້ ໄດ້ຖືກລາຍງານ ໃນວັນທີ 24 ພະຈິກ 2021 ໝາຍວ່າ ພາຍຫຼັງ 6 ເດືອນ ທີ່ໄດ້ຄົ້ນພົບສາຍພັນເດວຕາ ທີ່ເປັນໜື່ງໃນ 5 ເຊື້ອໄວຣັດທີ່ໜ້າກັງວົນ. ມາເຖິງມື້ນີ້ ມີລາຍງານຄົນທີ່ຕິດເຊື້ອຊະນິດນີ້ທັງໝົດ ມີ 84 ຄົນ, ໃນນັ້ນ 2 ຄົນ ຖືກຄົ້ນພົບທີ່ ຮົງກົງ ຈາກຜູ້ເດີນທາງມາຈາກປະເທດອາຟຣິກກາໃຕ້. ໂດຍສ່ວນໃຫຍ່ຜູ້ຕິດເຊື້ອບໍ່ໄດ້ສັກວັກຊິນ.

ນັກວິທະຍາສາດທົ່ວໂລກ ແລະ ອົງການອະນາໄມໂລກ ໄດ້ຍົກລະດັບໃຫ້ເຊື້ອໄວຣັດໂຄວິດກາຍພັນ ໂອມີຄຣອນ ນີ້ເປັນສາຍພັນທີ່ໜ້າກັງວົນ, ເນື່ອງຈາກວ່າ:

1) ເຊື້ອໄວຣັດ ມີການປ່ຽນແປງຮູບຮ່າງ ໂດຍສະເພາະສວ່ນໜາມທີ່ຍື່ນອອກມາ ເພີ່ມຂື້ນເປັນ 32 ຈຸດ ທຽບໃສ່ສາຍພັນເດວຕາ ທີ່ເພີ່ມພຽງ 9 ຈຸດ ເທົ່ານັ້ນ; ນັ້ນໝາຍຄວາມວ່າ ໜາມແຫຼມຂອງເຊື້ອ ສາມາດໂຈມຕີຮ່າງກາຍເຮົາໄດ້ດີ ແລະ ໄວກວ່າເກົ່າ

2) ເຊື້ອໄວຣັດກາຍພັນໃໝ່ນີ້ ສາມາດແຜ່ກະຈາຍເຊື້ອໄດ້ໄວກວ່າສາຍພັນອື່ນ ເຖິງ 500%

3) ສິ່ງທີ່ໜ້າກັງວົນທີ່ສຸດຄື ລະບົບພູມຄຸ້ມກັນຂອງຮ່າງກາຍ ທີ່ຖືກສ້າງຂື້ນຫຼັງຈາກສັກວັກຊິນ ຈະໂຈມຕີມັນໄດ້ຍາກຂື້ນ.

ລ່າສຸດ ສາທາລະນະສຸກໄທຖະແຫຼງມື້ນີ້ 06/12/2021 ວ່າພົບໂຄວິດສາຍພັນ Omicron ກໍລະນີທຳອິດໃນປະເທດໄທ ເຊິ່ງກວດພົບຈາກນັກທ່ອງທ່ຽວສັນຊາດອາເມລິກາທີ່ເດີນທາງມາຈາກປະເທດສະເປນ

ຜົນການກວດເຊື້ອຄັ້ງທຳອິດໃນວັນທີ່ 30/11/2021 ສົງໄສວ່າເປັນສາຍພັນ Omicron ແລະ ໄດ້ກວດຊ້ຳໃນວັນທີ 03/12/2021 ເຊິ່ງຜົນເບື້ອງຕົ້ນຄ່ອນຂ້າງແນ່ນອນແລ້ວວ່າເປັນສາຍພັນດັ່ງກ່າວແທ້.

https://www.facebook.com/bangkokbiznews/posts/10163351032954815?__cft__[0]=AZX9zS9FmWcI8T1TBx_Qxhu4y1PVf1vu74bNnvxpAxSuIzrMvOndewWIjonRvKmfXB23l2eCJG73vsFKCuDlxtBoyR-qkPPy5_CTP0El6v86WH-P5QT1USZQLODLec92M1EKEjyfXxDymVwHnd2MWIi5&__tn__=-UK-R

ຂ່າວທົ່ວໄປ