ເນປານ ພວມຜະເຊີນກັບໄພພິບັດທາງທຳມະຊາດ

ເນປານ ພວມຜະເຊີນກັບໄພພິບັດທາງທຳມະຊາດ

ຕາມຂ່າວຈາກນະຄອນຫລວງ ກັດມັນດູ,ວັນທີ18​ມິຖຸນານີ້ເກີດໄພພິບັດ ທາງທຳມະຊາດ ທັງນ້ຳຖ້ວມແລະ ດິນເຈື່ອນ ກະທັນຫັນ ຫລັງຈາກຝົນຕົກໜັກ ທົ່ວປະເທດເນປານ ​​ໃນຫລາຍວັນທີ່ຜ່ານມາ

.

ເຮັດໃຫ້ມີຜູ້ເສຍຊີວິດ ຢ່າງໜ້ອຍ 11ຄົນແລະ ສູນຫາຍອີກ 25ຄົນ, ຖະໜົນຫລາຍສາຍຖືກຕັດຂາດ,ຂົວຫລາຍແຫ່ງ ເປ່ເພ ,ສະຖານທີ່ລ້ຽງສັດຖືກນ້ຳຖ້ວມ ເປັນບໍລິເວນກວ້າງແລະເຮືອນປະຊາຊົນໄດ້ຮັບຄວາມເສຍຫາຍຫລາຍຫລັງ ຂະນະທີ່ ປະຊາຊົນຫລາຍຮ້ອຍຄົນ  ຕ້ອງຍົກຍ້າຍ​​ ອອກຈາກພື້ນທີ່ນ້ຳຖ້ວມ ໄປຢູ່ສູນ ທີ່ພັກອາໄສຊົ່ວຄາວ

.

ໃນຂະນະນີ້ເຈົ້າໜ້າທີ່ກູ້ໄພເນປານ ພວມໃຫ້ການຊ່ວຍເຫລືອຜູ້ເຄາະຮ້າຍຈາກໄພພິບັດທາງທຳມະຊາດໃນຄັ້ງນີ້ ຢ່າງຮີບດ່ວນ.ນອກຈາກນີ້ເນປານ ຍັງຮັບມືກັບການແຜ່ລະບາດໂຄວິດ-19 ​​ໂດຍມີຜູ້ຕິດເຊື້ອສະສົມ 615.000 ກວ່າຄົນແລະເສຍຊີວິດ 8.500 ກວ່າຄົນ ຈາກຈຳນວນປະຊາກອນ ທົ່ວປະເທດ28,6ລ້ານຄົນ

.

.

ຮຽບຮຽງຂ່າວໂດຍ ສະໄຫວ ລາດປາກດີ,​ ຂປລ

ຂ່າວທົ່ວໄປ