ເປີດນຳໃຊ້ໂຮງໝໍພາກສະໜາມລ້ານຊ້າງ ອງຮັບຜູ້ຕິດເຊື້ອໂຄວິດ

ເປີດນຳໃຊ້ໂຮງໝໍພາກສະໜາມລ້ານຊ້າງ ອງຮັບຜູ້ຕິດເຊື້ອໂຄວິດ

ຂປລ ໂຮງໝໍພາກສະໜາມລ້ານຊ້າງ ກໍ່ສ້າງ ແລະ ຕິດຕັ້ງອຸປະກອນສຳເລັດແລ້ວ ເຊິ່ງໃຊ້ເວລາ 1 ອາທິດເທົ່ານັ້ນ ເພື່ອໃຊ້ເປັນສະຖານທີjຮອງຮັບ ແລະ ປິ່ນປົວຜູ້ຕິດເຊື້ອພະຍາດໂຄວິດ-19 ໃນນະ ຄອນຫລວງວຽງຈັນ ທີ່ອາດຈະມີຈຳນວນທີ່ເພີ່ມຂຶ້ນ, ປັດຈຸບັນສະຖານທີ່ດັ່ງກ່າວ ມີຈຳນວນຕຽງ 306 ຕຽງນອນ ແລະ ຍັງຈະສາມາດເພີ່ມຕຽງເຂົ້າເປັນ 450 ຕຽງ ໄດ້ອີກໃນວັນທີ 3 ພຶດສະພາ 2021, ທີ່ເດີ່ນກິລາໃນຮົ່ມລ້ານຊ້າງອິນທຣາ ໄດ້ມີພິທີມອບ-ຮັບ ແລະ ເປີດນຳໃຊ້ໂຮງໝໍພາກສະໜາມລ້ານຊ້າງ ໂດຍການເຂົ້າຮ່ວມຂອງ ທ່ານ ກິແກ້ວ ໄຂຄຳພິທູນ ຮອງນາ ຍົກລັດຖະມົນຕີ, ທ່ານ ດຣ, ບຸນແຝງ ພູມມະໄລສິດ ລັດຖະມົນຕີ ກະຊວງສາທາລະນະສຸກ, ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫລວງວຽງຈັນ, ພ້ອມດ້ວຍບັນດາບໍລິສັດ ທີ່ໃຫ້ການສະໜັບສະໜູນ ແລະ ພາກສ່ວນກ່ຽວຂ້ອງເຂົ້າຮ່ວມໃນໂອກາດດັ່ງກ່າວ, ທ່ານ ກິແກ້ວ ໄຂຄຳພິທູນ ໄດ້ສະແດງຄວາມຂອບໃຈເປັນຢ່າງສູງ ແລະ ຕີລາຄາສູງຕໍ່ການປະກອບສ່ວນ ຂອງບັນດາບໍລິສັດ ທີ່ຮ່ວມກັນໃນການຫັນສະຖານທີ່ຫລີ້ນກິລາເປັນໂຮງໝໍພາກສະໜາມ ເພື່ອຮັບໃຊ້ວຽກງານທີ່ຮີບດ່ວນທີ່ສຸດ, ເລັ່ງດ່ວນທີ່ສຸດ ແລະ ຈຳເປັນທີ່ສຸດທີ່ເກີດຂຶ້ນຢູ່ບ້ານເມືອງຂອງພວກເຮົາ ເຊິ່ງສະແດງໃຫ້ເຫັນເຖິງການເສຍສະຫລະອັນສູງສົ່ງ, ສະແດງເຖິງການຕື່ນຕົວປະ ກອບສ່ວນອັນສຳຄັນຂອງຕົນເອງ ເຂົ້າໃນພາລະກິດຂອງບ້ານຂອງເມືອງໃນເວລາທີ່ຈຳເປັນ, ອັນນີ້ກໍ່ສະແດງເຖິງນ້ຳໃຈຮັກບ້ານເກີດເມືອງນອນ, ຮັກປະເທດຊາດ, ຮັກລະບອບໃໝ່ຂອງພວກເຮົາ ໃນການຊ່ວຍເຫລືອເພື່ອແຜ່ໃຫ້ປະຊາຊົນເຮົາ ໃຫ້ພົ້ນອອກຈາກໄພອັນຕະລາຍໂຮງໝໍພາກສະໝາມລ້ານຊ້າງ ຕັ້ງຢູ່ບ້ານດອນກອຍ ເມືອງສີສັດຕະນາກ ນະຄອນຫລວງວຽງຈັນ, ການສ້າງໂຮງໝໍສະໜາມລ້ານຊ້າງ ໄດ້ຮັບການຊີ້ນຳຢ່າງໃກ້ຊິດ, ທັງປະກອບສ່ວນດ້ານເຫື່ອແຮງ ແລະ ສິຕິປັນຍາຈາກການນຳ, ອ້າຍນ້ອງພະນັກງານ ທັງຈາກສູນກາງ, ນະຄອນຫລວງວຽງຈັນ ແລະ ໄດ້ຮັບການຊ່ວຍເຫລືອຈາກພາກທຸລະກິດ ເປັນຕົ້ນ ກຸ່ມບໍລິສັດ ເອໄອເອຟ, ບໍລິສັດ ທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈຳກັດຜູ້ດຽວ, ບໍລິສັດ ອິນທຣາ ຄໍປໍເຣຊັນ ຈຳກັດຜູ້

ປະກອບສ່ວນດ້ານແຮງງານ ຈາກອ້າຍນ້ອງທະຫານ ນະຄອນຫລວງວຽງຈັນ, ບໍລິສັດທີ່ຮັບກໍ່ສ້າງ, ບໍລິສັດ ອະນາໄມ ພີເອສ ທີ່ໄດ້ອຸທິດເຫື່ອແຮງ ແລະ ສະຕິປັນຍາ ເຂົ້າໃນການກໍ່ສ້າງ ແລະ ກະກຽມໂຮງໝໍແຫ່ງນີ້ ຢ່າງບໍ່ມີເວັນ ບໍ່ມີຄືນ ແລະ ບໍ່ຮຽກຮ້ອງຜົນປະໂຫຍດຫຍັງຕອບແທນ ໃນສະໜາມຮົບຕ້ານໂຄວິດຄັ້ງນີ້, ຈຶ່ງເຮັດໃຫ້ໂຮງໝໍແຫ່ງນີ້ໄດ້ຖືກກໍ່ສ້າງຂຶ້ນ ເພື່ອຮັບໃຊ້ສັງຄົມ.ຂ່າວ: ສົມຫວັງ:ພາບ ຂັນໄຊ

ຂ່າວທົ່ວໄປ