ເລື່ອງເລົ່າຂອງປ້າຂ້າງເຮືອນ ເຊື່ອວ່າຫລາຍຄົນຈະມີປ້າຂ້າງເຮືອນ

ເລື່ອງເລົ່າຂອງປ້າຂ້າງເຮືອນ ເຊື່ອວ່າຫລາຍຄົນຈະມີປ້າຂ້າງເຮືອນ

ເລື່ອງເລົ່າຂອງປ້າຂ້າງເຮືອນ ເຊື່ອວ່າຫລາຍຄົນຈະມີປ້າຂ້າງເຮືອນເປັນຂອງໂຕເອງມະນຸດປ້າທີ່ຢູ່ຂ້າງເຮືອນແທ້ໆຜູ້ຄອຍເປັນຫ່ວງເປັນໄຍສາລະທຸກສຸກດິບຂອງໄທບ້ານ ບໍ່ວ່າຈະແມ່ນເລື່ອງຖ້ວຍແຕກ,​ ຫນູກັດສາຍໄຟ,​ ຂາຕຽງຫັກ,​ ໄຟໄຫມ້ຫມໍ້ຫນຶ້ງ, ກັບເຮືອນເດິກດື່ນ ປ້າກໍຈະຮູ້ຫມົດ. “ຍັງບໍ່ໄດ້ວຽກເທື່ອຫວາ?​ ເບິ່ງລູກປ້າແມະ!​ເຮັດວຽກນຳໂຄງການເດືອນລະຕັ້ງວ່າ 500 ດອນ?​ປ້າຂ້າງເຮືອນອາດມາໃນຮູບແບບຍາດຕິຜູ້ໃຫຍ່ ຫລືຫມູ່ອີ່ແມ່ຜູ້ທີ່ເປັນຫ່ວງເປັນໄຍ ເກືອບຈະນອນຕາຍຕາບໍ່ຫລັບ ຖ້າເຮົາບໍ່ໄດ້ເຂົ້າເຮັດວຽກລັດ, ​ບໍ່ທັນໄດ້ຜົວ,​ມີຜົວບໍ່ທັນໄດ້ລູກ,​ ບໍ່ມີເງິນຊື້ລົດໃຫຍ່ ຫລື ບໍ່ປຸກເຮືອນວິນລາສອງຊັ້ນທາສີບົວ ຫລື ສົ້ມແຈດ. ປ້າຂ້າງເຮືອນອາດມາໃນຮູບແບບປ້າໆ ຫລືສາວໆແຖວຫ້ອງການຜູ້ເປັນຫ່ວງເປັນໄຍ ທີ່ເຫັນເຮົາຕຸ້ຍຂຶ້ນ, ​ສິວບຸກ,​ ໄປເສີມດັງ,​ ສີດໂບທ໋ອກ ຫລືໃຊ້ກະເປົ໋າເກົ່າຈົນຫູລອກ ຫລືນຸ່ງສິ້ນໄຫມຫລາບປົນ ບໍ່ແມ່ນຫລາບສົດ.​ປ້າຂ້າງເຮືອນອາດມາໃນຮູບແບບບັນດາຫມູ່ສາວຂອງເຮົາເອງທີ່ທ້ວງວ່າອຸ໋ຍ!​ດອງກ່ອນກະເຫັນໂຕນຸ່ງຊຸດນີ້ໄປ,​ ອຸ້ຍ!​ຊິແຕ່ງງານຫວາ ເປັນຫຍັງຄືບໍ່ຈັດຢູ່ໂຮງແຮມ ແລ້ວຄືບໍ່ຖ່າຍພຣີເວດດິ້ງນອກສະຕູດິໂອ ຫລືຖ້າເຮົາມີລູກມັນກະຊິຖາມວ່າເປັນຫຍັງຄືຊື້ນົມເລັກໂຕເຢັນມາລ້ຽງລູກ ຄືບໍ່ຊື້ໄຮຄິວຊຸບເປີ້ໂກລ ລູກຈັ່ງຊິສະຫມອງດີ ບຣາໆໆຈຸດກຳເນີດຂອງປ້າຂ້າງເຮືອນໃນລະດັບເຊວຕັ້ງຕົ້ນ:ປ້າຂ້າງເຮືອນ ມັກຈະມີແມ່ທີ່ເປັນປ້າຂ້າງເຮືອນມາກ່ອນ (ໂອ່ວ້າຍ!​ ສືບເຊື້ອສາຍປານປອບ)​

ຕອນຍັງນ້ອຍກະຊິເຫັນແມ່ໂຕເອງຕັ້ງວົງຫາເຫົາເວົ້າຂວັນຊາວບ້ານເປັນປະຈຳ ຖືເປັນກິດຈະກໍາບັນເທີງບໍ່ຫນ້ອຍໄປກວ່າການເບິ່ງຫນັງຟັງເພງ (ອາດຈະຫລາຍກວ່າ)​ ກໍເລີຍເກີດການຊຶມຊັບ ແລະລອກຮຽນແບບພຶດຕິກຳ.>>ປ້າຂ້າງເຮືອນອາດເປັນຜູ້ຍິງທີ່ຊີວິດຄອບຄົວບໍ່ແຮັບປີ້ປານໃດ ຜົວອາດຈະຕິດສາວສຳມະເລເທເມົາ,​ ລູກອາດໂລເລ ຫລືຊີວິດຄູ່ແຕກຫັກມາກ່ອນ ເລີຍເກີດເປັນປົມ ສິ່ງທີ່ຈະເຮັດໃຫ້ຕົນເອງດີຂຶ້ນຄືການສະແກນຫາຄົນທີ່ມີບັນຫາຫນັກຫນ່ວງກວ່າໂຕມາສົມທຽບ. ປ້າຂ້າງເຮືອນອາດຈະເປັນຍິງສາວທີ່ມີຕົ້ນທຶນຊີວິດບໍ່ສູງ ແຕ່ທະເຍີທະຍານ ເມື່ອເວລາເຫັນຄົນອື່ນໄດ້ດີກວ່າກໍ່ເປັນອະຄະຕິ ຄິດວ່າກວ່າເຂົາຈະໄດ້ດີຕ້ອງມີເບື້ອງຫລັງບໍ່ດີແນ່ນອນ.ປ້າຂ້າງເຮືອນອາດຈະແມ່ນຄົນຂີ້ເຫງົາ ລູກ-ຜົວບໍ່ຄ່ອຍສົນໃຈ ເຮັດໃຫ້ປ້າຕ້ອງໄປຮຽກຮ້ອງຄວາມສົນໃຈຈາກຊາວບ້ານ ໂດຍການປະດິດແຕ່ງເລື່ອງດຣາມ້າ,​ໃສ່ສີຕີໄຂ່ ໃຫ້ຄົນຟັງສົນໃຈ ຫລືຍົກຍໍວ່າປ້າສະຫລາດຮອບຮູ້ທຸກເລື່ອງ (ໂຖວປ້າ ຄັນເຈົ້າຊິແຕ່ງເກັ່ງປານນັ້ນມາຂຽນບົດຫນັງຊ່ວຍເຮົາເທາະ)ເຫັນຫລືຍັງວ່າເລິກໆທີ່ຈິງແລ້ວ ປ້າຂ້າງເຮືອນກໍເປັນພຽງຜູ້ຍິງຂີ້ເຫງົາ ແລະມີຊ່ອງໂວ່ເລິກໆໃນຫົວໃຈ ປ້າຄືເຫຍື່ອຂອງສັງຄົມຫລ້າຫລັງ ທີ່ມີ mindset ບໍ່ຄ່ອຍກ້າວຫນ້າ ແຕ່ຢ່າຖືຊາປ້າເລີຍ!​ ຢ່າງຫນ້ອຍປ້າກໍຍັງແບ່ງແກງຫນໍ່,​ຊ່ວຍຫລົກຫງອກໃຫ້ແມ່ເຮົາ, ອັບເດດຂ່າວສານບ້ານເມືອງພໍໆກັບລຸງໃນສະພາກາເຟ ຫລືສ້າງສີສັນບັນເທີງເລັກໆນ້ອຍໃຫ້ຮູ້ວ່າຫມູ່ບ້ານເຮົາຍັງມີການໄປມາຫາສູ່ແບບວິຖີເດີມແລ້ວຫລາຍຄັ້ງປ້າເຫລົ່ານັ້ນກໍບໍ່ຮູ້ວ່າເຮັດສິ່ງທີ່ບໍ່ເຫມາະສົມ ເຊັ່ນການລ້ຳເສັ້ນ,​ ການບູລີ້,​ ການນິນທາວ່າຮ້າຍ ແລະອື່ນໆ ສຳຄັນທີ່ສຸດຄືເຮົານີ້ລະ!​ຈະອ່ອນໄຫວ ຫລືຄ້ອຍຕາມຄຳເວົ້າຂອງປ້າຂ້າງເຮືອນຈົນບໍ່ມີຄວາມສຸກຫລືບໍ່? ຫລືວ່າເຮົາເອງ ຫລືແມ່ເຮົາເອງກະເປັນປ້າຂ້າງເຮືອນຂອງຄົນອື່ນຄືກັນ???? (ອັນນີ້ຄວນຄິດ)​ ແລ້ວກໍຢ່າລືມເຕືອນແມເຮົາແດ່ເດີ!​ ວ່າຢ່າຄວາມດັນຕົກຍ້ອນຄໍາເວົ້າປ້າຂ້າງເຮືອນຫລາຍ ເພາະຄົນທີ່ຄວນໄວ້ເນື້ອເຊື່ອໃຈກັນຫລາຍທີ່ສຸດຄືຄົນໃນເຮືອນ.​ແລ້ວກໍຮັກອີ່ແມ່ຫລາຍໆ ພາລາວໄປເຮັດກິດຈະກຳດີໆທີ່ເຮັດໃຫ້ລາວຮູ້ສຶກມີຄ່າ ລາວຈັ່ງຊິບໍ່ໄດ້ມີເວລາໄປເຂົ້າສະມາຄົມປ້າຂ້າງເຮືອນ.ປ.​ລ ບົດຄວາມນີ້ຂຽນຂຶ້ນເພາະຄວາມເຫງົາ ບໍ່ໄດ້ມີເຈດຕະນາດູຖູກຫມິ່ນປະຫມາດ ຫລື ກ້າວກ່າຍຜົນປະໂຫຍດ ແລະສິດທິສ່ວນບຸກຄົນ,​ ສ້າງຄວາມແຕກແຍກແຕ່ປະການໃດ ກະລຸນາອ່ານຢ່າງມີວິຈາລະນະຍານ ແລະອົມຍິ້ມເບົາໆ.​Cr.Mitpasa Sitthihukpanya ​ຮູບ (ທວງໄດ້ເດີ)

ຂ່າວທົ່ວໄປ