ເຮືອສິນຄ້າ Ever Givenຄ້າງກະທົບການຄ້າໂລກ 12%

ເຮືອສິນຄ້າ Ever Givenຄ້າງກະທົບການຄ້າໂລກ 12%

ເຮືອ Ever Given ທີ່ໄດ້ຕັນຄອງສຸເອດ ເຂດປະເທດເອຢິບໄວ້ນັ້ນ ສ້າງຄວາມເສຍຫາຍຕໍ່ເສດຖະກິດໂລກບໍ່ໜ້ອຍ ລາຍງານຫຼ້າສຸດຈາກ BBC ລະບຸວ່າ ວິກິດການນີ້ກະທົບການຄ້າໂລກເຖິງ 12%.ຕັ້ງແຕ່ທີ່ເກີດເຫດດັ່ງກ່າວຂຶ້ນ ກໍລ່ວງເລີຍມາໄດ້ເກືອບໜຶ່ງອາທິດແລ້ວ ແລະ ຕອນນີ້ ທາງເຈົ້າໜ້າທີ່ກໍກຳລັງເລັ່ງດຳເນີນການເພື່ອໃຫ້ສາມາດເຄື່ອນເຮືອສິນຄ້າລຳດັ່ງກ່າວນີ້ອອກ ແລະ ເປີດທາງໃຫ້ເຮືອຂົນສົ່ງສິນຄ້າລຳອື່ນໆສາມາດຜ່ານໄປມາຕາມປົກກະຕິໄດ້. ຕໍ່ໄປນີ້ແມ່ນໂຕເລກຕ່າງໆທີ່ກ່ຽວກັບເຫດການດັ່ງກ່າວນີ້ທີ່ muan.la ໄດ້ສະຫຼຸບມາໃຫ້ຜູ້ອ່ານໄດ້ຮູ້ກັນ:

  1. ເຮືອ Ever Given ເປັນເຮືອຂົນສົ່ງສິນຄ້າຂະໜາດໃຫຍ່ຂອງບໍລິສັດ Evergreen Marine ຈາກໄຕ້ຫວັນ. ເຮືອນີ້ມີຄວາມຍາວ 400 ແມັດ, ສ້າງຂຶ້ນເມື່ອປີ 2018, ຄວາມໄວ 22.8 ນັອດ ແລະ ມີນໍ້າໜັກ 219,076 ໂຕນ.
  2. ມາຈົນຮອດວັນອາທິດ (28 ມີນາ 2021) ມີເຮືອຄ້າງລໍຖ້າຜ່ານຄອງນີ້ຢູ່ 369 ລຳ.
  3. ວິກິດການນີ້ ກະທົບການຄ້າໂລກ 12%, ການຂົນສົ່ງນໍ້າມັນປະມານ 1 ລ້ານບາເຣວ ແລະ ກາສທຳມະຊາດແຫຼວປະມານ 8% ໃນແຕ່ລະມື້.
  4. ການຄ້າຜ່ານຄອງສຸເອດ ປະກອບສ່ວນໃຫ້ GDP ຂອງປະເທດເຖິງ 2%.
  5. ການກີດຂວາງຄອງສຸເອດບໍ່ໄດ້ກະທົບແຕ່ການຂົນສົ່ງສິນຄ້າເທົ່ານັ້ນ ແຕ່ຍັງກະທົບເສດຖະກິດຂອງເອຢິບນັບບໍ່ຖ້ວນ ນັບແຕ່ຜູ້ໃຫ້ບໍລິການຂົນສົ່ງພາຍໃນ, ຕົວແທນຈຳໜ່າຍ, ຊູເປີມາເກັດ ແລະ ຜູ້ຜະລິດສິນຄ້າ ເປັນຕົ້ນ. ໂດຍ: ທີມບັນນາທິການ muan.la
ຂ່າວທົ່ວໄປ