ແຈ້ງການເລື່ອງຫ້າມຈັດງານບຸນປະເພນີບຸນຫໍ່ເຂົ້າປະດັບດິນ

ແຈ້ງການເລື່ອງຫ້າມຈັດງານບຸນປະເພນີບຸນຫໍ່ເຂົ້າປະດັບດິນ

ແຈ້ງການເລື່ອງຫ້າມຈັດງານບຸນປະເພນີບຸນຫໍ່ເຂົ້າປະດັບດິນໃນວັນທີ 06 ກັນຍາ 2021 ຢູ່ຕາມວັດຕ່າງໆ ໃນຂອບເຂດທົ່ວແຂວງຄໍາມ່ວນອີງໃສ່ສະພາບການລະບາດຂອງພະຍາດໂຄວິດ-19 ຢູ່ພາຍໃນແຂວງຄໍາມ່ວນ ເຫັນວ່າຍັງມີກໍລະນີຜູ້ຕິດເຊື້ອໃນຊຸມຊົນ ຈຶ່ງອາດຈະມີຄວາມສ່ຽງສູງທີ່ຈະມີການແຜ່ລະບາດໃນຊຸມຊົນອອກເປັນວົງກວ້າງ ເນື່ອງຈາກວ່າຜ່ານການສອບຖາມ (Timeline)ຜູ້ຕິດເຊື້ອໃນຊຸມຊົນບາງກໍລະນີຍັງບໍ່ທັນສາມາດລະບຸໄດ້ຊັດເຈນສະນັ້ນ ເພື່ອເປັນການປ້ອງກັນສະກັດກັ້ນ ແຕ່ຫົວທີ ພ້ອມທັງເປັນການຫຼຸດຜ່ອນຄວາມສ່ຽງທີ່ອາດເກີດຂື້ນ ຕໍ່ສຸຂະພາບ ແລະຊີວິດຂອງພໍ່ແມ່ປະຊາຊົນໃນທົ່ວແຂວງ ຫ້ອງວ່າການແຂວງຄໍາມ່ວນ ຂໍຖືເປັນກຽດແຈ້ງມາຍັງ ບັນດາທ່ານ ປະຕິບັດດັ່ງນີ້: 1ໃຫ້ປະຕິບັດຕາມຄໍາສັ່ງຂອງເຈົ້າແຂວງ ສະບັບເລກທີ 07/ຈຂ, ລົງວັນທີ 31 ສິງຫາ 2021 ຢ່າງເຂັ້ມງວດ.2 ຫ້າມຈັດງານບຸນປະເພນີ (ບຸນຫໍ່ເຂົ້າປະດັບດິນ) ໃນວັນທີ 06/09/2021 ຢູ່ຕາມວັດຕ່າງໆ ໃນທົ່ວແຂວງ(ອະນຸຍາດໃຫ້ພະສົງ ເທດສະຫນາ-ບູຊາ ຕາມຫຼັກພະສົງພາຍໃນວັດ).3 ມອບໃຫ້ ບັນດາເມືອງ, ອໍານາດການປົກຄອງບ້ານ ແລະການຈັດຕັ້ງທີ່ກ່ຽວຂ້ອງທຸກພາກສ່ວນ ແຈ້ງໃຫ້ ພະນັກງານລັດຖະກອນ, ພໍ່ແມ່ປະຊາຊົນໃນທົ່ວແຂວງ ຫ້າມຈັດກິດຈະກຳທາງສາສະໜາ ຢູ່ວັດໃນມື້ບຸນດັ່ງກ່າວຢ່າງເດັດຂາດ.4 ມອບໃຫ້ເຈົ້າຫນ້າທີ່ປ້ອງກັນຄວາມສະຫງົບແຂວງ, ພະແນກກ່ຽວຂ້ອງ, ເມືອງ, ບ້ານ ເປັນເຈົ້າການໃນເຄື່ອນໄຫວຕິດຕາມກວດກາ ລາດຕະເວນ ຖ້າມີການລະເມີດ ຫຼື ພົບເຫັນ ຫ້າງຮ້ານກິນດື່ມບ້ານພັກໂຮງແຮມ, ຮ້ານອາຫານ, ຮ້ານປີ້ງແກ້ມ, ແຫຼ່ທ່ອງທ່ຽວ, ຕູບ ແລະສະຖານທີ່ອື່ນໆ ຂາຍເຫຼົ້າເບຍ ແລະ​ອະນຸຍາດໃຫ້ຄົນເຂົ້ານັ່ງກິນ-ດື່ມເຫຼົ້າເບຍຢູ່ຮ້ານ, ຊຸມແຊວ ຕັ້ງວົງດື່ມເຫຼົ້າ ຢູ່ບ້ານເຮືອນ ໃຫ້ເຈົ້າຫນ້າທີ່ປະຕິບັດຕາມລະບຽບກົດຫມາຍທີ່ຢ່າງເຂັ້ມງວດດັ່ງນັ້ນ, ຈຶ່ງແຈ້ງມາຍັງທ່ານເພື່ອຊາບ ແລະການຈັດຕັ້ງປະຕິບັດຕາມແຈ້ງການສະບັບນີ້ດ້ວຍຢ່າງເຂັ້ມງວດ.ຫົວໜ້າຫ້ອງວ່າການແຂວງຄໍາມ່ວນ.

 

ຂ່າວທົ່ວໄປ